Fréttir

Bæjarhátíðin Hofsós heim byrjaði á fimmtudegi þar sem íbúar og gestir voru hvattir til að sameinast við að skreyta götur og hús. Í ár var skellt í keppni hver myndi gera frumlegustu furðufígúruna og veitt verðlaun fyrir.

Árlegt meistaramót fullorðinna hjá Golfklúbb Skagafjarðar var haldið dagana 5. – 8. júlí. Keppt var í fimm mismunandi flokkum og tóku 43 klúbbmeðlimir þátt.

Fram undan er Unglingalandsmót á Sauðárkróki þar sem mestu máli skiptir að vera með, taka þátt og prófa eitthvað nýtt. Unglingalandsmótið á Sauðárkróki er frábært tækifæri og vettvangur fyrir ungmenni á aldrinum 11-18 ára til þess að velja á milli fjölda íþróttagreina og afþreyingar í heimabyggð.

Landsliðsþjálfari íslenska karlalandsliðsins í Körfubolta, Craig Pedersen, hefur valið æfingahóp fyrir landsliðsæfingar sumarsins. Í hópnum eru 21 leikmaður og þar af þrír leikmenn Tindastóls, Pétur Rúnar, Sigtryggur Arnar og nýjasti leikmaður liðsins, Þórir Guðmundur Þorbjarnarson sem gekk til liðs við Stólana fyrir stuttu.

Druslugangan 2023 fer fram á Sauðárkróki laugardaginn 22. júlí nk. Gengið verður frá Árskóla kl. 13:00 að Sauðárkróksbakarí þar sem fara fram ræðuhöld, ljóðalestur og tónlistaratriði.

Húnavaka var haldin í tuttugasta sinn sl. helgi. Hátíðin tókst vel að sögn skipuleggjenda, þrátt fyrir kalt veður en vegna þess voru sumir viðburðir færðir undir þak sem kom þó ekki að sök.

Sumarleikhús æskunnar er árlegt æskulýðsleikhús, nú haldið í fjórða sinn, í Húnaþingi vestra. En í ár eru börn úr Húnavatnssýslum að setja upp metnaðarfulla uppsetningu á Makbeð eftir sjálfan Shakespeare á aðeins 12 æfingadögum. Leikstjóri er Sigurður Líndal.

Juanjo Ivaldi Zaldívar stendur fyrir ljósmyndasýningu um konur af erlendum uppruna sem búa í Húnaþingi vestra. Sýningin miðlar sögum 33 kvenna af erlendum uppruna sem búa í sveitarfélaginu - sýningin fagnar rótum þeirra og vekur umræður um stöðu erlent fæddra kvenna sem búa í Húnaþingi vestra og á Íslandi almennt.

Það verður sannkölluð tónlistarveisla á Blönduósi laugardagskvöldið 22. júlí. Dagur Sigurðsson söngvari og gítarleikari og Einar Örn Jónsson píanóleikari, verða á nýjum tónleikastað í gamla bænum, Krúttinu á Hótel Blönduósi, og flytja bestu lög tónlistarsögunnar, smelli, hittara og bangera - kraftballöður og rokkslagara - íslenskt og útlenskt.

Sameinað lið T/H/K/F (Tindastóll/Hvöt/Kormákur/Fram) í 3. flokki kvenna vann frábæran sigur í gærkvöldi þegar stelpurnar heimsóttu lið Fjölnis í Grafarvoginn reykvíska. Leikurinn fór 2-4 og það voru Skagstrendingarnir Elísa og Birgitta sem sáu um markaskorun liðsins en þær hafa sannarlega lifað fótboltadrauminn í sumar því auk þess að spila með 3. og 2. flokki T/H/K/F hafa þær verið að spila með Bestu deildar liði Tindastóls í sumar.