Dagur með Einari á Blönduósi á laugardagskvöldið
Það verður sannkölluð tónlistarveisla á Blönduósi laugardagskvöldið 22. júlí. Dagur Sigurðsson söngvari og gítarleikari og Einar Örn Jónsson píanóleikari, verða á nýjum tónleikastað í gamla bænum, Krúttinu á Hótel Blönduósi, og flytja bestu lög tónlistarsögunnar, smelli, hittara og bangera - kraftballöður og rokkslagara - íslenskt og útlenskt.
Við erum að tala um Bowie, Bítlana, Billy Joel, Bo, Queen, Gunna Þórðar, Elton, Magga Eiríks, Led Zeppelin, Eyfa, og svo framvegis og svo framvegis.
Dagur sló í gegn þegar hann sigraði Söngkeppni framhaldsskólanna. Hann var svo hársbreidd frá því að vinna Söngvakeppnina árið 2018 með laginu Í stormi. Dagur hefur á síðustu árum sungið sig inn í hjörtu Íslendinga, gefið út tónlist og sungið á fjölda stórtónleika.
Einar, sem alinn er upp á Blönduósi, hefur átt farsælan feril í poppinu og er helst þekktur fyrir hljómborðsleik með Í svörtum fötum. Hann er einnig forsprakki hljómsveitarinnar Löður sem hefur sent frá sér nýtt efni á síðustu misserum.
Krúttið er glæsilegur nýuppgerður tónleikasalur sem er hluti af mikilli uppbyggingu á gamla bænum á Blönduósi. Það hýsti lengi bakarí Blönduósinga, sem hét einmitt Krútt. Meðal annarra bygginga sem fengið hafa andlitslyftingu í gamla bænum eru hótelið og gamla kirkjan sem nú er gististaður rekinn af Hótel Blönduósi.
Miðasala fer fram hér á Tix.is: https://tix.is/is/event/15637/dagur-me-einari-singalong-tonleikar-i-kruttinu
/Fréttatilkynning
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.