Beint millilandaflug til Norðurlands: Lykill að fjölbreyttari og stöðugri ferðaþjónustu
Nýlega komu fyrstu flug easyJet frá London annars vegar og Manchester hinsvegar beint á Akureyrarflugvöll, flogið verður tvisvar í viku út mars. Þetta skiptir ferðaþjónustu á Norðurlandi öllu gríðarlegu máli. Skagafjörður hefur alla möguleiki á að vera vinsæll áfangastaður fyrir ferðamenn, hér eru fjölbreyttir útivistarmöguleikar, mikil saga og menning, fjöldi safna og sýninga, og náttúrufegurð allan ársins hring.
Þetta þarf auðvitað ekki að segja neinum sem hér býr eða hingað hefur komið. En þrátt fyrir þessa miklu möguleika hefur ferðaþjónustan á svæðinu að mestu verið háð ferðamönnum sem koma til landsins um Keflavíkurflugvöll og þurfa að keyra hringveginn á sem fæstum dögum og bruna í gegnum svæðið með sem fæstum stoppum. Þess vegna er beint millilandaflug til Akureyrar svo mikilvægt.
Beint millilandaflug til Akureyrar opnar nýja og spennandi möguleika fyrir ferðaþjónustuna á Norðurlandi. Með því að auka aðgengi er hægt að ná til breiðari hóps ferðamanna. Ferðamanna sem koma utan háannatíma og stoppa lengur á svæðinu en flestir sem heimsækja svæðið á sumrin gera. Flugið fjölgar ekki aðeins heildarfjölda ferðamanna á svæðinu heldur dregur einnig úr árstíðabundnu sveiflum í ferðaþjónustunni. Í stað þess að vera aðallega háð sumartúristum getur ferðaþjónustan á Norðurlandi nú byggt upp sterkari grunn allan ársins hring.
Þetta opnar nýja möguleika til að bjóða upp á einstaka vetrarupplifun, svo sem norðurljósaskoðun, skíði og snjóbretta og aðra vetraríþróttir, ásamt sögu- og menningartengdum upplifunum. Með því að lengja ferðamannatímabilið er hægt að skapa stöðugri störf í ferðaþjónustunni allt árið um kring og styrkja þannig atvinnulífið á svæðinu. Með aukinni ferðaþjónustu koma til með að myndast fleiri störf, aukin eftirspurn eftir vörum og þjónustu og þar með líflegri samfélög. Þetta er tækifæri til að stækka kökuna fyrir alla og skapa meiri lífsgæði.
Til að ná þessum árangri þarf að vinna saman. Flugfélög, ferðaþjónustufyrirtæki, sveitarfélög og aðrir hagsmunaaðilar þurfa að vinna saman að því að markaðssetja svæðið sem áfangastað og bjóða upp á heildstæða og aðlaðandi upplifun fyrir ferðamenn. Með auknu aðgengi, fjölbreyttari úrvali og lengri ferðamannatímabili getur Skagafjörður orðið að einum vinsælasta ferðamannastað á Íslandi.
Tækifærin eru óendanleg og það er kominn tími til að nýta þau.
Freyja Rut Emilsdóttir
framkvæmdastjóri 1238 á Sauðárkróki
Fleiri fréttir
-
Forval fyrir hönnunarsamkeppni um menningarhús í Skagafirði
feykir.is Skagafjörður, Lokað efni 13.11.2024 kl. 16.07Sveitarfélagið Skagafjörður óskar eftir umsóknum hönnunarhóps um þátttökurétt í lokaðri hönnunarsamkeppni vegna nýs Menningarhúss í Skagafirði að Faxatorgi á Sauðárkróki. Í tilkynningu á vef sveitarfélagsins segir að nýtt menningarhús muni annars vegar samanstanda af endurgerðu núverandi Safnahúsi og hins vegar nýbyggingu, samtals 2.241 m2.-Meira -
SSNV leitar að verkefnastjóra farsældar á Norðurlandi vestra.
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 13.11.2024 kl. 15.16Auglýst er til umsóknar nýtt starf verkefnastjóra farsældar á Norðurlandi vestra. Um er að ræða starf til tveggja ára sem ætlað er að vinna að markmiðum samnings SSNV við ráðuneyti mennta- og barnamála.Meira -
Ný glæsileg aðstaða AST tekin í notkun á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 13.11.2024 kl. 13.01Föstudaginn 8. nóvember opnaði lögreglustjórinn á Norðurlandi vestra, í samvinnu við almannavarnanefndir Húnavatnssýslna og Skagafjarðar, formlega nýja aðgerðastjórnstöð almannavarna (AST ) að Borgarflöt 1 á Sauðárkróki.Meira -
Vilja miklu stærra bákn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 13.11.2024 kl. 13.00Mjög sérstakt er að sjá forystumenn Viðreisnar og aðra frambjóðendur flokksins gagnrýna umfang íslenzku stjórnsýslunnar og segjast vilja minnka báknið á sama tíma og helzta stefnumál flokksins, sem öll önnur stefnumál hans taka í raun mið af, er að Ísland gangi í Evrópusambandið sem telur stjórnsýsluna hér á landi þvert á móti allt of litla til þess að standa undir þeim skuldbindingum sem fylgja inngöngu í sambandið. Þá er ekki beinlínis hægt að segja að áralöng vera Viðreisnar í meirihluta borgarstjórnar Reykjavíkur hafi leitt til þess að dregið hafi verið út bákninu þar á bæ. Þvert á móti hefur mikil útþensla átt sér stað.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.