Mannlíf

Nes listamiðstöð á Skagaströnd verður með opið hús næstkomandi sunnudag, 20. desember, og eru gestir boðnir velkomnir í stúdíóið að Fjörubraut 8 á Skagaströnd á milli kl. 15 og 17.

Jólavaka Grunnskólans austan Vatna á Hofsósi er fyrir íbúum skólasvæðisins og mörgum öðrum ómissandi hluti af aðventunni. Það var því fjölmenni sem kom saman á notalegri stund í Höfðaborg á Hofsósi í gærkvöldi og naut fjölbreyttrar dagskrár við kertaljós, kaffi og piparkökur.

Jólavaka Grunnskólans á Hofsósi verður haldin í Höfðaborg miðvikudaginn 16. desember klukkan 20:30. Dagskráin verður fjölbreytt að vanda; upplestur, söngur og hljóðfæraleikur nemenda. Hátíðarræðu flytur sr. Halla Rut Stefánsdóttir.

Myndskeið af Ragnhildi Sigurlaugu Guttormsdóttur, úr Akrahreppi í Skagafirði, hefur farið eins og eldur í sinu um Facebook í dag er hún söng á Jólatónleikum Gospelkórs Akureyrar í gærkvöldi. Ragnhildur Sigurlaug söng „Ó, Helga nótt” guðdómlega ásamt Marínu Ósk Þórólfsdóttur og Hjalta Jónssyni.

Karlakórinn Lóuþrælar heldur jólatónleika í Barnaskólanum á Borðeyri, þriðjudaginn 15. desember, kl. 20:30 og í Félagsheimilinu Hvammstanga, miðvikudaginn 16. desember, kl. 20:30. Á söngskránni eru jóla- og aðventulög, íslensk og erlend. Enginn aðgangseyrir.

Jólakvöld verður haldið í Kvosinni á Hofsósi í kvöld. Það eru samtökin Byggjum upp Hofsós sem standa fyrir kvöldinu og er hugmyndin að láta notalegt umhverfið í Kvosinni skapa skemmtilega umgjörð um viðburðinn. Viðburðnum hefur þurft að fresta tvisvar sinnum vegna slæmrar veðurspár.

Tónleikarnir sem bera yfirskriftina Jólafönn, og átti að halda í Sauðárkrókskirkju í kvöld, hefur verið aflýst. Að tónleikunum stóðu Swing Kompaníið, skipað þeim Gretu Salóme fiðluleikara og söngkonu, Unni Birnu Björnsdóttur fiðluleikari og söngkonu, Lilja Björk Runólfsdóttur söngkona, Gunnari Hilmarssyni gítarleikara, Leifi Gunnarssyni bassaleikara og Óskari Þormarssyni trommuleikara.

Í síðustu netkönnun Feykis voru talin til nokkur mis sígild jólalög en spurt var hvert laganna kæmi þeim sem svaraði mest í jólagírinn. Það er skemmst frá því að segja að það var jólasálmurinn Ó helga nótt sem vann netkosninguna með miklum yfirburðum, hlaut 30% atkvæða en hægt var að velja á milli níu svara.

Þann 14. desember eru 80 ár liðin frá einu mesta mannskaðaveðri í manna minnum. Þann dag árið 1935 gerði skyndilegt áhlaupsveður um allt land, nema Austfjörðum, með skelfilegum afleiðingum; 25 manns lágu í valnum, mikið eignatjón varð, fé fennti víða og hrakti í sjó og vötn. Þrír sveitabæir brunnu til kaldra kola og eitt hús á Siglufirði. Átta manns fórust í Skagafirði og eftir var samfélag í sorg.

Á sunnudaginn verður Aðventuævintýri á Hólum þar sem fólki gefst kostur á að heimsækja Hólastað og njóta alls þess besta sem hann hefur upp á að bjóða að þessum árstíma. Hægt verður að skera út laufabrauð, skreyta piparkökur, líta við í Nýjabæ, á Bjórsetrið og í Hóladómkirkju og síðast en ekki síst sækja sér jólatré í skóginn.