Ályktun Kvenfélags Rípurhrepps til Sveitastjórnar Skagafjarðar
Kvenfélag Rípurhrepps, sem er elsta kvenfélag landsins, vill með þessari ályktun lýsa yfir þungum áhyggjum sínum og eindreginni andstöðu við áform meirihluta sveitastjórnar Skagafjarðar ásamt Byggðalista, um að setja félagsheimili Rípuhrepps í opið söluferli og selja það til einkaaðila.
Frá stofnun félagsins hefur Kvenfélag Rípurhrepps átt lykilþátt í að byggja upp og reka félagsheimilið, sem hefur í áratugi verið hjarta samfélagsins okkar. Meðlimir kvenfélagsins hafa í áratugi lagt fram ómælda vinnu til að samfélagið eigi þar athvarf. Í húsinu hafa farið fram ótal menningarviðburðir, samkomur og samfélagsverkefni sem hafa styrkt samheldni og lífsgæði íbúa sveitarinnar í áranna rás.
Verði félagsheimilið selt úr sameign samfélagsins, eru allar líkur á að starfsemi félagsins leggist af. Þetta væri gríðarlegt áfall fyrir samfélagið, ekki aðeins vegna þess að um er að ræða elsta kvenfélag landsins, heldur líka vegna þess að kvenfélagið hefur verið einn af burðarásum félagsauðs og menningar í sveitinni.
Ljóst er að mikill meirihluti íbúa er mjög andvígur sölu hússins og teljum við því með öllu óásættanlegt að meirihluti sveitastjórnar og Byggðalisti gangi gegn vilja samfélagsins í þessu mikilvæga máli. Félagsheimilið er ekki aðeins hús heldur menningarleg og söguleg táknmynd okkar allra, það er órjúfanlegur hluti af sjálfsmynd sveitarinnar og vitnisburður um ómetanlegt framlag kvenna og annarra íbúa í byggðarlaginu.
Kvenfélag Rípuhrepps skorar á meirihluta sveitarstjórnar og Byggðalista að virða sögu félagsheimilisins í Hegranesi, hlusta á raddir íbúa og hætta við söluferlið. Við hvetjum til þess að kjörnir fulltrúar fari í samstarf við samfélagið í Hegranesi og finni lausnir sem tryggja áframhaldandi samfélagslega nýtingu hússins fyrir komandi kynslóðir.
Virðingarfyllst,
Elín Petra Gunnarsdóttir formaður, fyrir hönd Kvenfélags Rípurhrepps.
Fleiri fréttir
-
Spánverjar höfðu betur gegn Íslandi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 11.03.2025 kl. 16.44Íslenska U17 landslið stúlkna lék annan leik sinn í seinni umferð riðlakeppninnar í dag þegar þær mættu liði heimastúlkna frá Spáni. Þær spænsku höfðu talsverða yfirburði í leiknum en tókst aðeins að koma boltanum í mark Íslands í eitt skipti. Lokatölur því 1-0 fyrir Spán og Ísland hefur því tapað báðum leikjum sínum hingað til með eins marks mun.Meira -
Sverrir Bergmann á þing
feykir.is Skagafjörður 11.03.2025 kl. 15.23Skagfirðingurinn Sverrir Bergmann Magnússon, varaþingmaður Samfylkingarinnar í Suðurkjördæmi skrifaði í dag undir drengskaparheit á Alþingi samkvæmt frétt á mbl.is.Meira -
1238:The Battle Of Iceland á ITB ferðasýningu í Berlín
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.03.2025 kl. 14.13ITB Berlin ferðasýningin var haldin dagana 3. - 6. mars í Berlín Þýskalandi en þessi sýning er stærsta sinnar tegundar í heimi fyrir ferðamannaiðnaðinn þ.e. hótel, ferðamálaráð, ferðaskrifstofur, ferðaþjónustuaðila, bílaleigur ásamt ýmsu öðru sem tengist honum. Á staðnum voru hátt í 5.600 sýnendur að kynna sig og sitt fyrirtæki frá 190 löndum og segir á síðunni þeirra að yfir 100.000 manns hafi sótt sýninguna heim að þessu sinni.Meira -
Sér fyrir sér að gera Háholt að endurhæfingarstað
feykir.is Skagafjörður, Lokað efni 11.03.2025 kl. 14.00Byggðarráð Skagafjarðar hefur samþykkt kauptilboð í húsnæði Háholts, þar sem áður var meðferðarstarfsemi fyrir ungmenni. Tilboðið var samþykkt með fyrirvara um fjármögnunMeira -
Starfsfólk Textílmiðstöðvarinnar heimsækir Borås í Svíþjóð
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.03.2025 kl. 12.06Stelpurnar í Textílmiðstöð Íslands, Þekkingasetrið á Blönduósi, sögðu frá því í byrjun mars á Facebook-síðunni sinni að þær séu nýkomnar heim frá Svíþjóð, nánar tiltekið Borås, vegna fundar í ,,Norðurslóðarverkefninu" Threads sem er mjög áhugavert verkefni. THREADs - Interreg NPA (,,Þræðir") er þriggja ára verkefni þar sem markmiðið er að draga verulega úr textílúrgangi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.