Ó, helga nótt í sérflokki
Í síðustu netkönnun Feykis voru talin til nokkur mis sígild jólalög en spurt var hvert laganna kæmi þeim sem svaraði mest í jólagírinn. Það er skemmst frá því að segja að það var jólasálmurinn Ó helga nótt sem vann netkosninguna með miklum yfirburðum, hlaut 30% atkvæða en hægt var að velja á milli níu svara.
Það var franska tónskáldið Adolphe Adam sem setti lagið saman árið 1847 við ljóð Placide Cappeau, Minuit, chrétiens (e. Midnight Christians). Átta árum síðar hafði John Sullivan Dwight samið enskan texta við lagið, O Holy Night. Sigurður Björnsson þýddi síðan textann árið 1947 og hét þá Nóttin helga. Textinn fjallar um fæðingu Jesú Krists ef það hefur farið framhjá einhverjum.
Margir snillingar hafa sungið sálminn í gegnum árin. Má þar sem dæmi nefna amerísku gospelsöngkonuna Mahalia Jackson og svíann sígilda, Jussi Björling. Hér á klakanum hefur útsetning Egils Ólafssonar Stuðmanns þótt afar falleg en í seinni tíð hefur útsetning Frostrósa með Margréti Eir í fararbroddi sætt miklum vinsældum.
Frostrósirnar hittu fjölmarga Íslendinga í hjartastað og það er lag þeirra, Dansaðu vindur, sem Eivör syngur, sem hafnaði í öðru sæti í könnuninni með 12% atkvæða. Sniglabandið, með ungsöngvarann Stefán Hilmarsson vongóðan, varð í þriðja sæti með Jólahjól.
Raunar merktu 27% þátttakenda við möguleikann sem gaf ekki mikið fyrir alla kosti könnunarinnar og söknuðu þess að talin væru til lög með Bjögga Halldórs, Stebba Hilmars, Siggu Beinteins, Helga Björns og allra hinna. En þetta er eins og þegar Lars og Heimir velja landsliðið í fótbolta – það komast ekki allir í liðið!
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.