Takk fyrir okkur Norðurland vestra | María Rut Kristinsdóttir skrifar
Vetur konungur fer brátt að kveðja þó að snjó kyngi enn niður og hylur holur í vegum víða um land. Við urðum þess vör í liðinni viku þegar nýr og stærri þingflokkur Viðreisnar lagði land undir fót í rútu um Norðvesturkjördæmi. Við höfðum það að leiðarljósi að hlusta á landsmenn, eiga samtal í augnhæð og kynnast því sem liggur fólki á hjarta.
---
Norðvesturkjördæmi er stórt og fjölbreytt svæði og það gefur því auga leið að hagsmunir eru ólíkir á milli svæða. Þó er margt sem við heyrðum endurtekið sama hvar við drápum niður fæti, hvort sem það var á Hvammstanga, Laugarbakka, í Skagafirði, Dölunum, á Snæfellsnesi, Akranesi eða Borgarnesi. Vegamál, innviðaskuld, orkumál, landbúnaður, sjávarútvegur og hvernig við fáum fólkið okkar aftur heim í byggð.
---
Á Hvammstanga áttum við góðan fund með sveitarstjórnarfulltrúum um uppbyggingu á svæðinu en þar eru uppi gríðarlega spennandi áform sem samfélagið tekur virkan þátt í. Fulltrúar Viðreisnar fóru í Skagafjörð til að kynna sér meðferðarheimilið Háholt og hittu þar sveitarstjóra og fulltrúa sveitarstjórnar. Jón Gnarr, þingmaður, hefur svo tekið málið áfram á Alþingi. Á mánudagskvöldið héldum við opinn fund á Laugarbakka og óraði ekki fyrir því að hátt í 70 manns myndu sækja slíkan fund. Þó var það svo. Þarna áttu sér stað dýrmæt samtöl sem við munum seint gleyma um framtíð landbúnaðar og málefni barna. Þarna var fólk sem gerði sér langa ferð til að koma og eiga við okkur samtal og leyfa okkur að hlusta á þeirra sjónarmið. Við ykkur öll segjum við, takk!
---
Það er ljóst að hreinskiptin samtöl í augnhæð er það sem þokar okkur áfram í umræðunni. Við leggjum áherslu á að koma umræðunni upp úr skotgröfum og hlökkum til að eiga slík samtöl áfram á þeim nótum. Það er hagur okkar allra að finna lausnir á þeim þröskuldum sem víða má finna í kjördæminu. Með það að markmiði að auðga svæðið og ýta undir tækifærin sem þar liggja um allt.
Takk fyrir okkur Norðurland vestra, þangað til næst.
F.h. þingflokks Viðreisnar,
María Rut Kristinsdóttir,
þingmaður Norðvesturkjördæmis.
Fleiri fréttir
-
Ingvi Þór vann bronsdeildina í 3. umferð Floridana deildarinnar á Akureyri
feykir.is Skagafjörður, Íþróttir, Lokað efni 03.03.2025 kl. 15.50Um sl. helgina fór fram 3. umferð Floridana deildarinnar í pílukasti sem haldin var í Píluaðstöðu hjá Píludeild Þórs á Akureyri. Alls tóku 50 þátttakendur þátt í mótinu en óvenju fámennur hópur gerði sér ferð frá PKS að þessu sinni yfir heiðina. Það voru þeir Jón Oddur Hjálmtýsson, sem spilaði í Gulldeildinni, Ingvi Þór Óskarsson, sem spilaði í Bronsdeildinni, og Einar Gíslason, sem spilaði í Stáldeildinni, sem gerðu sér ferð á mótið.Meira -
Engin sláturtíð og 23 sagt upp hjá SAH afurðum á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla 03.03.2025 kl. 15.22Á vef SAH Afurða segir að engu sauðfé verði slátrað í sláturhúsi Kjarnafæðis Norðlenska á Blönduósi næsta haust. Ákvörðunin tengist nauðsynlegri hagræðingu í rekstri Kjarnafæðis Norðlenska. Þar segir að rekstur félagsins hafi verið þungur árið 2024, meðal annars vegna mikilla kostnaðarhækkana. Rík þörf sé á hagræðingu ef hægt eigi að vera að halda áfram á þeirri vegferð að bjóða neytendum vörur á samkeppnishæfu verði á sama tíma og verð til bænda þróist með ásættanlegum hætti.Meira -
Leigir út útlimi og innyfli
feykir.is Skagafjörður, Listir og menning, Mannlíf, Lokað efni 03.03.2025 kl. 13.42Tinna Ingimarsdóttir er fædd og uppalin í Skagafirði, dóttir Kolbrúnar Ingólfsdóttur og Ingimars Ingimarssonar á Ytra- Skörðugili. Gift Ingimari Heiðari Eiríkssyni og saman eiga þau Tinna og Ingimar, Nikulás Nóa, þriggja ára gleðigjafa. Tinna er sjálfstætt starfandi gervahönnuður og blaðamaður Feykis búinn að fylgjast lengi, með mikilli aðdáun, með því sem Tinna gerir og kominn tími til að leyfa öðrum að kynnast þessari Skagfirsku listakonu aðeins betur.Meira -
Baula þær enn beljurnar á Bjarnastöðum?
feykir.is Skagafjörður, Austur-Húnavatnssýsla, Vestur-Húnavatnssýsla, Hr. Hundfúll 03.03.2025 kl. 12.39Baula þær enn beljurnar á Bjarnastöðum er fyrirsögn sem hr. Hundfull skrifaði árið 2013 þegar þriggja daga átveislan byrjaði það árið, þ.e. bolludagur, sprengidagur og öskudagur. Eftir að hafa lesið þessa fínu hugleiðingu hans er við hæfi að endurbirta hana því það eru eflaust margir sammála honum í þetta skiptið!Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.