Krækjurnar eru bestar :)
Helgina 14. og 15. febrúar fór fram hið árlega blakmót í Fjallabyggð, Benecta mót Blakfélags Fjallabyggðar, og er þá spilað bæði á Ólafsfirði og Siglufirði. Krækjurnar á Króknum létu sig ekki vanta á þetta frábæra mót og skráði tvö lið til leiks. Bæði liðin spiluðu fimm leiki hvor, A-liðið í 1. deild og B-liðið í 5. deild, og fóru leikar þannig að Krækjur A sigruðu sinn riðil og enduðu því í 1. sæti á mótinu.
Bæði liðin spiluðu þrjá leiki á föstudagskvöldinu og tvo á laugardeginum og voru allir leikirnir jafnir og skemmtillegir. Hver leikur er spilaður upp í 21 stig og eru spilaðar tvær hrinur og náðu Krækjur A að vinna allar sínar hrinur nema eina en B-liðið náði aðeins að vinna eina hrinu sem er reyndar bæting síðan í fyrra. Á laugardagskvöldinu var svo verðlaunaafhending í Bátahúsinu þar sem Krækjurnar tóku á móti 1. verðlaununum en eftir hana var rölt yfir á Rauðku í mat og drykk og svo var að sjálfsögðu dansað fram á rauða nótt.
Þá er einnig vert að nefna að undanfarin ár hafa Krækjur (UMF. Hjalti) spilað í 2. deildinni á Íslandsmótinu í blaki og hafa náð að halda sér þar síðan veturinn 2018-2019. Það hefur reyndar verið misjafnt hvort þær hafa spilað í efri eða neðri hluta 2. deildarinnar en í ár náðu þær að tryggja sig í efri úrslitum þar sem sex efstu liðin spila um þátttökurétt í 1. deildinni á næsta ári. Úrslitin fara fram þann 14. – 16. mars á Akureyri og aðeins þrjú efstu liðin fá þann heiður að spila í 1. deildinni að ári. Það verður því gaman að fylgjast með gangi mála hjá Krækjunum á þessu móti og Feyki segir að sjálfsögðu frá gangi mála.
Feykir óskar þeim til hamingju með frábæran árangur á Benecta mótinu og gangi ykkur sem allra best á Íslandsmótinu í mars. Áfram Krækjur!
Á myndinni til hægri má sjá þær Krækjur sem spiluðu á Íslandsmótinu í nóvember 2024.
Fleiri fréttir
-
Tinna tilnefnd til Eddunnar
feykir.is Skagafjörður, Lokað efni 25.02.2025 kl. 15.15Tilnefningar til Eddunnar, íslensku kvikmyndaverðlaunanna, 2025 hafa verið gerðar opinberar og er Skagfirðingurinn Tinna Ingimarsdóttir frá Ytra- Skörðugili tilnefnd í flokknum Gervi ársins í kvikmyndinni Natatorium eftir Helenu Stefánsdóttur.Meira -
Raðhúsið nýja á Blönduósi til sýnis á föstudaginn
feykir.is Austur-Húnavatnssýsla 25.02.2025 kl. 13.51Á Blönduósi er nú risið vandað sex íbúða viðhaldslétt raðhús við Flúðabakka 5, (63-98 m2), sérhannað fyrir eldri borgara. Framkvæmdaaðilar eru vel sáttir með hvernig til hefur tekist og nú er komið að því að sýna áhugasömum íbúðirnar því það verður opið hús nk. föstudag 28. febrúar milli 14-16 að Flúðabakka 5 og söluferlið því að hefjast.Meira -
Lögreglan á Norðurlandi vestra kynnir niðurstöður úr könnun
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.02.2025 kl. 13.10Á heimasíðu Lögreglunnar voru nýlega birtar niðurstöður könnunar um reynslu almennings af afbrotum og viðhorf til lögreglu, sem framkvæmd var síðasta sumar. Úrtakið var 4482 einstaklingar sem voru af öllu landinu, 18 ára og eldri, handahófsvaldir úr Viðhorfahópi Gallup. Má þar lesa að rúmlega 90% íbúa á Norðurlandi vestra telja lögreglu sinna mjög góðu eða frekar góðu starfi og er sýnileiki lögreglu með ágætum segja um 87% íbúa, þ.e. að þeir sjá lögreglu vikulega eða oftar í sínu hverfi eða byggðalagi samanborið við 44% allra landsmanna.Meira -
Slökkviliðsmenn Húnaþings vestra þjálfaðir upp í vettvangsliða
feykir.is Vestur-Húnavatnssýsla, Lokað efni 25.02.2025 kl. 12.55Undanfarinn mánuð hafa slökkviliðsmenn hjá Brunavörnum Húnaþings vestra setið bóklegt og verklegt námskeið í Vettvangshjálp, First Responder. Um liðna helgi fór fram verkleg kennsla sem lauk með verklegum og bóklegum prófum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.