Hr. Hundfúll

Keppni í 2. deild karla í sumar hefur verið frábær skemmtun og mótið æsispennandi bæði á toppi og botni. Nú sér Herra Hundfúll ekki annað en að KSÍ hafi upp á sitt eindæmi farið langt með að eyðileggja þetta ágæta mót með ótrúlegum dómi um að spila aftur leik Hugins og Völsungs nú þegar þrír dagar eru þar til lokaumferðin fer fram...

Hver þurfti endilega að finna upp þetta KR?

Stelpurnar í vinnunni er búnar að vera með hálfgerðan móral í morgun – bara af því Herra Hundfúll er pínu tilætlunarsamur og veit allt best...

Nú eru Molduxarnir komnir heim af Eurobasket í Finnlandi eftir talsverða frægðarför og að sjálfsögðu er viðtal við talsmann þeirra á baksíðu Morgunblaðsins í dag. Eitthvað hefur sennilega skolast til hjá fréttastjóra Moggans í fyrirsögninni þar sem segir: „Lærðum margt af landsliðinu.“ Þetta hlýtur að hafa misritast og átt að vera öfugt, eða: „Landsliðið lærði margt af okkur.“

Herra Hundfúll skilur ekkert í þessum æsingi yfir þessum rúnti sem John Sigurjonsson tók á K2. Bjarni Har fer á rúntinn á K2 margoft á hverju sumri og þykir ekki sérlega fréttnæmt.

Herra Hundfúll furðaði sig örlítið á fótboltafrétt á Mbl.is. Þar sagði m.a. í frétt af sigri Barcelona á Real Madrid: „Þetta urðu ekki einu mörk fyrri hálfleiks, en Mateo Kovacic minnkaði mun¬inn fyr¬ir Real Madrid á 14. mín¬útu og Marco Asensio bætti öðru marki við á 36. mín¬útu. Liðin héldu því inn í klefa þegar staðan var 2:2. Aðeins fimm mín¬út¬um síðar skoraði Ger¬ard Pique þriðja mark Börsunga og jafn¬framt síðasta mark leiks¬ins, loka¬töl¬ur 3:2, Barcelona í vil.“ Miðað við að hálfleikur í fótboltaleik er yfirleitt um 15 mínútur þá er þetta að öllum líkindum í fyrsta skipti sem mark er skorað í hálfleik.

Herra Hundfúll undrast oft þær afsakanir sem íþróttafólk kemur með þegar árangurinn stenst ekki væntingar. Íslenskir afreksmenn virðast reyndar vera í toppklassa í þessum fylgifiski sportsins. Þannig man Hundfúll eftir íslenskum skíðagöngumönnum á Ólympíuleikum á síðustu öld sem völdu rangt smjörkrem á skíðin og komust varla úr sporunum. Í fyrra fór spjótkastari halloka fyrir aðstæðum á Ólympíuleikum í Ríó... >MEIRA

Eru þau þá hætt að flokka í Hvíta húsinu?

Herra Hundfúll hefur samvizkusamlega fylgst með fjölþjóðaþáttaröðinni Fortitude undanfarnar vikur. Hann hefur því á fimmtudagskvöldum látið yfir sig ganga limlestingar og uppskurði af ýmsu tagi, verið miðsboðið og ofboðið og allt þar á milli og allt um kring. Og hann er orðinn svo gufuruglaður í áhorfinu að hann hefur ekki hugmynd um hvort þessi þáttasería sé tær snilld eða mesta lágkúra sem sést hefur í sjónvarpi allra landsmanna. Eitt er víst; það borgar sig að taka tómatsósuna með sér í fríið austur því hún hlýtur að vera uppseld á þeim slóðum.