Hvenær er nóg nóg?
Eins og einhverjir þá friðar Herra Hundfúll sína rykföllnu samvisku með því að láta smá-aur renna í góð málefni að eigin vali. Fyrir nokkrum árum sprengdi Hundfúll sinn persónulega góðmennskuskala með því að velja að gefa lágmarksupphæð mánaðarlega til UNICEF - Barnahjálpar Sameinuðu þjóðanna. Honum leið vel með sjálfan sig eftir þennan óvænta góðmennskugjörning.
Nýlega fékk hann þó hringingu (og svo sem ekki í fyrsta skipti) og ungur maður spurði hvort þetta væri Hundfúll og játti Hundfúll því, þegar mæðulegur yfir því að vera slitinn frá sjónvarpinu þó þar væri nú fátt um fína þætti.
Hringjandi þakkaði Hundfúlum fyrir mánaðar fjárstyrk til barna í neyð og Hundfúll leyfði manninum síðan að fara yfir helstu afrek sem hinn mánaðarlegi þúsundkall hafði unnið með hjálp UNICEF. Þúsundkallinn, í félagi við fleiri vini sína, hafði bjargað því sem bjargað varð í Jemen og veitt fjölda barna í Afríku aðgang að perlandi vatsndropum. Eitthvað fleira var talið til sem Hundfúlum mistókst að festa í minni því ljóst var að ræðustúfinn bar að alþekktum brunni; Hundfúll væri búinn að bjarga fjölda barna en gæti bjargað svo miklu fleirum ef hann bara hækkaði örlítið friðþægingarskattinn. Og nú leið honum pínu eins og nýsleiktu jólafrímerki – en því miður hafði í leiðinni fallið á hans fínu samvisku.
Að sjálfsögðu veit Hundfúll að þúsundkallinn er einungis örlítill dropi í örvæntingarhaf heimsins en það gárar vonandi til góðs af hverjum dropa og þegar fleiri dropar koma saman myndast kannski vin.
Niðurstaða samtalsins varð þó á þann veg að Hundfúll ákvað að láta þúsundkallinn duga áfram, þrátt fyrir auðheyrileg vonbrigði á hinum enda línunnar og bergmálið af ákalli barna í neyð. Þrátt fyrir veiklaða samvisku fékk Hundfúll að sjálfsögðu stuðning og klapp á bakið fyrir staðfestuna frá einhverjum félaga sinna morguninn eftir og var minntur á möntruna góðu: Ég er nóg!
Kannski átti mantran að notast undir öðrum formerkjum, en eitt er víst, að hvað þetta varðar er ÉG svo langt í frá nóg! Styðjum góð málefni.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.