Fréttir

 Bændablaðinu var fyrr í mánuðinum sagt frá því að meðalfallþungi lamba á landinu hafi verið 16,94 kg í ár sem er sá þriðji mesti í sögunni. Fallþunginn var mestur á Norðurlandi vestra, Vesturlandi og Suðurlagndi þar sem hann var alls staðar vel yfir 17 kg. Meðaleinkunn fyrir gerð var 9,45 og 6,39 fyrir fitu.

Íslenskir bændur lifa ekki af launum sínum, eru í stöðugum taprekstri og þurfa að vinna tvöfalt jafnvel þrefalt á við annað fólk. Það er mikilvægt að í nýju stuðningskerfi landbúnaðarins fái bændur mannsæmandi laun fyrir að sinna því mikilvæga samfélagshlutverki að framleiða matinn sem við hin þurfum á að halda, yrkja land og huga að umhverfinu. Matvælaframleiðsla er ekki aðeins mikilvæg fyrir heilsu almennings og efnahag, heldur einnig grundvöllur sjálfstæðis okkar sem þjóðar. Við verðum að horfast í augu við þá pólitísku staðreynd að án bænda verður enginn íslenskur landbúnaður.

Meistaramót karla hjá Pílukastfélagi Skagafjarðar fór fram í gær, laugardaginn 16. nóvember. Til leiks mættu 14 einbeittir félagar. Í úrslitum var það Þórður Ingi Pálmarsson sem stóð uppi sem sigurvegari og er því fyrsti meistari PKS.

Að þessu sinni er það íbúi í Kópavogi sem svarar Tón-lystinni, Gunnar Sigfús Björnsson, bassaleikari af árgangi 1991. „Ég er fæddur á Sauðárkróki og uppalinn að miklu leyti á Varmalæk í Lýtingsstaðahrepp. Foreldrar mínir eru Björn Sveinsson frá Varmalæk og Sólveig Sigríður Einarsdóttir frá Mosfelli. Ég flutti að Mosfelli í Austur-Húnavatnssýslu fyrir grunnskóla og var í Húnavallaskóla en var þó mikið í Skagafirði líka,“ segir Gunnar Sigfús.

Stólastúlkur héldu suður í Smárann í Kópavogi í dag þar sem gulir og glaðir Grindvíkingar biðu þeirra. Heimaliðið hafði unnið þrjá leiki af fimm en lið Tindastóls tvo af fimm í fyrstu umferðunum en síðast fengu stelpurnar okkar yfir 100 stig á sig gegn liði Þórs. Það mátti því reikna með að varnarleikur hafi verið undirbúinn og það var ekki laust við að liðin lagt mikið púður í varnarleikinn. Það voru Stólastúlkur sem leystu sín mál betur og þær náðu í einn sigur til viðbótar. Lokatölur 57-68 fyrir Tindastól.

Jú, Dagur íslenskrar tungu er í dag og Málæði er í Sjónvarpinu í kvöld en eins og hefur komið fram á Feykir.is þá eiga bæði Grunnskólinn austan Vatna og Grunnskóli Húnaþings vestra lag í þriggja laga úrslitum. GDRN söng lag þeirra austan Vatna en það var hins vegar Vigdís Hlöðversdóttir sem söng lag stúlknanna í Húnaþingi vestra, Hringiða. Feykir sendi Vigdísi nokkrar spurningar í dag og hún gaf sér tíma til að svara þeim í miðjum afmælisundirbúningi.

Rithöfundakvöld Héraðsbókasafns Skagfirðinga, sem fram fer á safninu miðvikudagskvöldið 20. nóvember kot hefst kl. 20, er árviss atburður sem margir bíða með eftirvæntingu. „Óhætt er að segja að það sé hápunktur starfsársins hjá okkur,“ segir Fríða Eyjólfsdóttir, starfsmaður bókasafnsins

Nemendur á unglingastigi Grunnskólans austan Vatna og Grunnskóla Húnaþings vestra tóku þátt í verkefninu Málæði á vegum List fyrir alla líkt og Feykir hefur sagt frá. Í kvöld verða krakkarnir síðan í Sjónvarpinu þar sem fylgst verður með þeim vinna við lögin sem þau sömdu ásamt útvöldum tónlistarmönnum. Lögin í Málæði eru þegar komin á Spotify og einfaldast að slá inn í leit Málæði 2024 og nemendurnir mega sannarlega vera rígmontnir með niðurstöðuna.

Nú á allra næstu dögum kemur út bókin Saga körfuboltans á Sauðárkróki 1964-1971 en höfundur verksins er Ágúst Ingi Ágústsson sagnfræðingur, Króksari og kennari við Fjölbrautaskóla Norðurlands vestra. Hann er einnig útgefandi bókarinnar. Eins og margur Skagfirðingurinn er Ágúst Ingi, sem er sonur Gústa Munda og Önnu Hjartar, illa haldinn af körfuboltabakteríunni og er áhuginn djúpur og víðfemur. Feykir lagði nokkrar spurningar fyrir Ágúst Inga en hann segir m.a. að með bókaútgáfunni hafi honum tekist að sameina menntun sína og helsta áhugamál; sagnfræðina og körfuboltann.

RÚV sagði frá því í vikunni að Kaupfélag Skagfirðinga hafi llagt til við stjórn Sláturhúss Kaupfélags Vestur-Húnvetninga að slátrun verði hætt í sláturhúsinu. Þetta staðfestir Þórunn Ýr Elíasdóttir, kaupfélagsstjóri Kaupfélags Vestur-Húnvetninga í samtali við RÚV. Kaupfélag Vestur-Húnvetninga á helmingshlut í sláturhúsinu á móti KS og þarf því að samþykkja breytingarnar.