Fréttir

„Ég stúderaði lögfræði við Háskóla Íslands og Árósa-háskóla fyrir furðulega mörgum árum síðan miðað við hvað ég hélt að ég væri gamall. Svo lauk ég núna nýverið afar áhugaverðu námi í alþjóðarétti með áherslu á mannréttindi við Háskólann í Stokkhólmi. Ég starfa í fjarvinnu frá Íslandi við ýmis lögfræði-verkefni og tek einnig að mér að gagnrýna íslenskar glæpasögur í hjáverkum,“ segir Björn Ingi Óskarsson þegar Feykir finnur hann í fleti í ríki Gústafs konungs Svía nú síðsumars.

Íslensku menntaverðlaunin eru árleg viðurkenning fyrir framúrskarandi skólastarf eða aðrar umbætur í menntamálum. Tilnefningar voru kynntar fyrr í dag. Verðlaun eru veitt í fimm flokkum en í flokknum þar sem veitt eru verðlaun fyrir framúrskarandi skólastarf eða menntaumbætur var Árskóli á Sauðárkróki í hópi þriggja aðila sem tilnefndir voru.

Það að ganga með og eiga börn er ekki alltaf auðvelt og ekki sjálfgefið að allt gangi að óskum. Það hefur ljósmóðirin Arna Ingimundardóttir reynt á eigin skinni. Arna er uppalin á Sauðárkróki, dóttir Ingimundar [Guðjónssonar tannllæknis] og Huldu Agnarsdóttur. Arna er gift Jóhanni Helgasyni sem er uppalinn á Reynistað, sonur Helga [Sigurðssonar] og Sissu [Sigurlaugar Guðmundsdóttur]. Þau hafa verið saman í rúmlega 20 ár og eiga fjögur börn; þau Ingimund Helga 11 ára, Ástrós Huldu 7 ára, Mikael Nóa sem fæddist 2022 og svo eignuðumst þau hann Arnór Emil á nýársdag.Hún féllst á að segja Feyki sögu sína.

Það er Eyþór Franzson Wechner sem svarar Tón-lystinni að þessu sinni en hann er organisti Blönduóskirkju og nærsveita og kennir við Tónlistarskóla Austur-Húnvetninga. Hans hljóðfæri er því pípuorgel. Eyþór er fæddur árið 1990 á Akranesi en bjó unglingsárin í Hafnarfirði. „Það er engin bein tenging við Skagafjörð eða Húnavatnssýslur, nema hvað að föðursystir mín bjó á Sauðárkróki ásamt fjölskyldu. Fór svolítið þangað í fríum til að heimsækja frænda minn, sem er á aldur við mig. Svo flytur mamma á Hjalla í Akrahreppi fyrir um tólf árum og ég til Blönduóss fyrir níu árum.“

Nú standa yfir framkvæmdir við Ásgarð á Skaga-strönd en það er Borgarverk sem annast endur-byggingu bryggjunnar. Það mun fyrir löngu hafa verið kominn tími á þær. Verkið hófst í byrjun september og voru áætluð verklok í desember á þessu ári. Að sögn Baldurs Magnússonar, hafnarvarðar hjá Skagastrandarhöfn, er ljóst að þeim mun seinka verulega þar sem framkvæmdir hófust mjög seint en m.v. útboðsgögn er gert ráð fyrir 7-8 mánuðum í verkið.

Selasetur Ísland og Náttúrustofa Norðurlands vestra hafa gert með sér nýjan samstarfssamning. Á vef Selasetursins segir að Selasetrið og NNV hafa verið í nánu og góðu samstarfi undanfarin ár. Á Hvammstanga hafi verið staðsettir starfsmenn NNV sem hafi verið virkir þátttakendur í því vísindasamfélagi sem þar er.

Blóma og gjafabúðin á Sauðárkróki hefur nú opnað á nýjum stað, Skagfirðingabraut 45, þar sem VÍS er einnig til húsa. 

Hörður Hlífarsson er 24 ára hlaupagarpur frá Víðiholti í Skagafirði. Í júní síðastliðnum lauk hann Bs í viðskiptafræði frá Háskólanum á Akureyri og hefur verið að vinna eftir útskrift en Hörður tók þátt í sínu þriðja Bakgarðshlaupi á dögunum og gerði sér lítið fyrir og hljóp 120,7 km eða 18 hringi. Feykir hafði samband við Hörð og forvitnaðist hjá honum um hlaupaferilinn sem hófst þegar hann hljóp sitt fyrsta utanvegahlaup – fyrir utan að hlaupa á eftir rollum – þegar hann fór 18 km. í Súlur Vertical árið 2021.

Tindastóll tók á móti nýliðum KR í fyrstu umferð Bónus-deildar karla í körfuknattleik í Síkinu á Sauðárkróki í gærkvöldi. Vel var mætt í Síkið og heimamenn spenntir að sjá Tindastólsliðið undir stjórn Benedikts Guðmundssonar.

Í lok september lauk í Húnaskóla verkefninu Göngum í skólann sem var í gangi í tvær vikur. Sagt er frá því á vef skólans að af þessu tilefni hafi verið haldin verðlaunaafhending fyrir utan skólann þar sem allir nemendur og starfsfólk skólans voru saman komnir og eftirvæntingin var töluverð. Allir bekkir stóðu sig vel en að þessu sinni var það 3. bekkur sem hlaut gullskóinn en þau mættu öll alla dagana hjólandi eða gangandi í skólann.