Fréttir

Slökkviliðsmenn Húnaþings vestra þjálfaðir upp í vettvangsliða

Undanfarinn mánuð hafa slökkviliðsmenn hjá Brunavörnum Húnaþings vestra setið bóklegt og verklegt námskeið í Vettvangshjálp, First Responder. Um liðna helgi fór fram verkleg kennsla sem lauk með verklegum og bóklegum prófum.
Meira

Skagfirska mótaröðin- Fimmgangur og Slaktaumatölt

Annað mót í Skagfirsku mótaröðinni verður haldið í Svaðastaðahöllinni 1. mars næst komandi kl. 10:00. Skráningu fyrir mótið líkur 23:59 miðvikudaginn 26. febrúar. Keppt verður í Fimmgangi og Slaktaumatölti.
Meira

Söngurinn lengir lífið!

Kórastarf er nú í fullum gangi á Norðurlandi vestra og hver kórinn af öðrum hótar nú tónleikahaldi eftir stífar æfingar vetrarins. Kvennakórinn Sóldís tróð upp fyrir stútfullu Menningarhúsi í Miðgarði á konudaginn og flutti fjölbreytta dagskrá undir gestastjórn Guðmundar Óla Gunnarssonar sem alla jafna stjórnar Sinfóníuhljómsveit Suðurlands.
Meira

Fjórföldun á stuðningi við Guðrúnu | Hjörtur J. Guðmundsson

Fjöldi þeirra sem vilja sjá Guðrúnu Hafsteinsdóttur sem næsta formann Sjálfstæðisflokksins í röðum landsmanna hefur fjórfaldast undanfarinn mánuð miðað við niðurstöður skoðanakannana Gallups. Farið úr 12% í janúar í 48% samkvæmt niðurstöðum nýrrar könnunar fyrirtækisins sem birtar voru í gær. Á sama tíma hefur fjöldi þeirra sem vilja sjá Áslaugu Örnu Sigurbjörnsdóttur taka við flokknum farið úr 24% í 42% sem nær þannig ekki tvöföldun.
Meira

Bók um Bangsa í smíðum

Bangsi, Björn Þórir Sigurðsson, var einn af bestu sonum Hvammstanga og nú er að fara af stað spennandi verkefni í Húnaþingi vestra þar sem minningu hans verður gert hátt undir höfði. Rithöfundurinn Auður Þórhallsdóttir (Auja) og nemendur og starfsfólk Grunnskóla Húnaþings vestra munu þá sameina krafta sína og semja barnabók um hinn ástkæra Bangsa. Bókin nýtist síðan sem kennsluefni við skólann.
Meira

320 milljón króna lagfæringar á Félagsheimilinu á Hvammstanga

RÚV segir frá því að Húnaþing vestra áformi viðgerðir og breytingar á Félagsheimilinu á Hvammstanga fyrir um 320 milljónir króna. Húsið var vígt árið 1969 en það var að mestu byggt af heimamönnum.
Meira

„Við mæðgur erum byrjaðar að grandskoða Pinterest“

María Eymundsdóttir sem býr í Huldulandi í Hegranesi ásamt eiginmanni, fimm börnum, alls konar fuglum, býflugum og öðrum gæludýrum er viðmælandi í handverksþætti Feykis að þessu sinni. María ætlaði sér alltaf að verða handavinnukennari eftir að hún setti arkitektadrauminn á hilluna, enda búin að hafa áhuga á alls konar handavinnu frá blautu barnsbeini. Eftir að María tók óvænt að sér afleysingar í smíðakennslu í nokkrar vikur áttaði hún sig allt í einu á því hvað það er skemmtilegt að kenna smíðar og fór í framhaldi í húsgagnasmíðanám í FNV og er nú smíðakennari í Árskóla.
Meira

Mannauður er lykilfjárfesting sveitarfélaga | Álfhildur Leifsdóttir skrifar

Mannauður er dýrmætasta auðlind hvers sveitarfélags. Í dreifðari byggðum, þar sem samfélög eru minni og nánari, verður þessi auðlind enn mikilvægari. Hver einstaklingur skiptir enn meira máli og fer með mörg hlutverk, ekki aðeins sem starfsmaður heldur einnig sem virkur þátttakandi í félagslífi, íþróttastarfi og öðrum samfélagsverkefnum.
Meira

Purusteik og tortillahjúpaðar kjúklingalundir | Feykir mælir með.....

Það er komið að því að bjóða upp á tvær uppskriftir sem hægt er að elda í air fryer tryllitækinu sem er komið á annað hvert heimili í dag. Farskólinn hefur verið iðinn við að bjóða upp á námskeið þar sem eldaðir eru gómsætir réttir en það er snillingurinn Ásta Búadóttir sem heldur utan um þau. Þessar uppskriftir eru samt sem áður upp úr þeirri góðu bók Eldað með air fryer og vonandi eru einhverjir sem hafa áhuga á að prufa. 
Meira

Þróttarar úr Vogunum höfðu betur gegn Kormáki/Hvöt

Knattspyrnuliðin hér á Norðurlandi vestra eru komin á fullt í Lengjubikarnum. Þó var frí hjá liðum Tindastóls þessa helgina; stelpurnar eiga leik gegn Val um næstu helgi og leik strákanna sem átti að vera nú um helgina var frestað um viku. Húnvetningar voru aftur á móti í eldlínunni í gær og mættu liði Þróttar úr Vogum í Akraneshöllinni og máttu þola 0-3 tap.
Meira