Íþróttir

Molduxamótið í körfubolta fór fram í íþróttahúsinu á Króknum í gær, laugardaginn 16. apríl, hvar spengilegir ungir piltar á ýmsum aldri og af ýmsu formi komu saman til að gera körfur. Alls mættu sex lið til leiks í 40+ flokki og níu í 30+ og þátttaka því bara nokkuð góð.

-Það er lykillinn að öllu að Costa haldi áfram með liðið, sagði Stefán Jónsson formaður körfuknattleiksdeildar Tindastóls við Feyki í kvöld en Stólarnir hafa komist að samkomulagi við spænska þjálfarann, Jou Costa, um að hann haldi áfram að þjálfa Tindastól næsta tímabil.

Haukar komu í heimsókn í Síkið í kvöld á afmælisdaginn sinn og stefndu að sigri gegn liði Tindastóls í fjögurra liða úrslitum Dominos-deildarinnar. Leikurinn var jafn og æsispennandi allan tímann og úrslitin ekki ljós fyrr en eftir að leik lauk. Þá kom í ljós að Helgi Margeirs hleypti af byssunni sekúndubroti of seint og leiktíminn úti þegar þristurinn þaut af stað í átt að körfunni. Haukar fögnuðu því sæti í úrslitarimmunni gegn KR eða Njarðvík og verður að segjast eins og er að þeir voru sterkara liðið í einvíginu. Lokatölur urðu 68-70.

Áætlað er að Landsmót Ungmennafélags Íslands (UMFÍ) verði haldið á Sauðárkróki sumarið 2018. Til stendur að undirrita samning þessa efnis við forsvarsmenn sveitarfélagsins og Ungmennasambands Skagafjarðar (UMSS).

Fjórði leikur í einvígi Tindastóls og Hauka í fjögurra liða úrslitum Dominos-deildarinnar fer fram í kvöld kl. 19:15 í Síkinu. Það má reikna með rosalegum baráttuleik og Stólarnir munu ekki gefa þumlung eftir gegn sterku liði Hauka. Ekkert annað en sigur kemur til greina hjá Tindastólsmönnum og því alveg kristaltært að stuðningsmenn verða að fjölmenna í Síkið og styðja sína menn til sigurs.

Lengjubikarinn í knattspyrnu er farinn af stað og hefur Meistaraflokkur kvenna í Tindastóli leikið þrjá leiki í bikarnum, þar af sigrað tvo leiki. Tindastóll leikur í C-deild kvenna riðil 3 og er í 2. sæti með 6 stig.

Haukar og Tindastóll mættust þriðja sinni á Ásvöllum í gær í einvígi liðanna um sæti í úrslitum Dominos-deildarinnar. Leikurinn var nokkuð sveiflukenndur en æsispennandi fram á lokamínútur þegar heimamenn í Hafnarfirði skriðu framúr Stólunum. Lokatölur voru 89-81 og Haukar því aftur komnir með yfirhöndina í rimmunni.

Skotfélaginu Markviss í Austur-Húnavatnssýslu var í gær veitt viðurkenning sem Fyrirmyndarfélag ÍSÍ. Afhendingin fór fram í Íþróttamiðstöðinni á Blönduósi.

Heilsudagar á Blönduósi hófust á Blönduósi í dag og standa þeir yfir til 18. apríl. Markmið þeirra er að hvetja fólk til að hreyfa sig og huga vel á heilsunni.

Körfuknattleiksdeild Tindastóls og Anthony Gurley hafa komist að samkomulagi um að Anthony hafi leikið sinn síðasta leik fyrir félagið. „Eftir langt og gott spjall formanns körfuknattleiksdeildar og Anthony töldu báðir aðilar að það væri félaginu fyrir bestu að Anthony myndi hætta að leika fyrir félagið,“ segir í fréttatilkynningu.