Íþróttir

Knattspyrnudeild Tindastóls hefur auglýst æfingadagskrá sumarsins í Sjónhorninu í dag en æfingar hefjast næstkomandi mánudag. Í auglýsingunni segir að æfingar 6. flokks sé kl. 13:10 og 7. flokks 8:10 en því mun vera öfugt farið, rétt er að 6. flokkur mun æfa kl. 8:10 og 7.fl. er kl. 13:10.

Tindastóll vann góðan sigur á Dalvík/Reyni á laugardaginn í 3. umferð 3. deildar Íslandsmótsins í knattspyrnu. Leikið var á Dalvíkurvelli við ágætar aðstæður og fór svo að Stólarnir unnu góðan 0-3 sigur.

Rallýáhugafólk er farið að setja sig í stellingar en fyrsta umferð í Íslandsmótinu í rallý 2016 verður ekin á Suðurnesjum dagana 3. og 4. júní næstkomandi. Að venju er það Akstursíþróttafélag Suðurnesja sem sér um þessa fyrstu keppni en hún hefst með akstri á sérleið um Nikkel klukkan 18:10 á föstudeginum.

Aðalfundur Körfuknattleiksdeildar Tindastóls fer fram á skrifstofu félagsins, Víðigrund 5, mánudaginn 13. júní, kl. 20:00.

Um síðustu helgi léku báðir m.fl. Tindastóls leiki. Karlalið Tindastóls er komið á fulla ferð í 3. deildinni í knattspyrnu en á laugardaginn léku strákarnir við Reyni Sandgerði í 3. deildinni og sigraði Tindastóll 1-2. Þetta var leikur sem átti að vera heimaleikur Tindastóls en honum var snúið þar sem vallaraðstæður voru ekki þannig að Tindastóll gæti spilað á Króknum.

Norðurlandamót U16 og U18 ára landsliða fer fram í Finnlandi dagana 26.-30. júní næstkomandi. Mótið sem í tæpa tvo áratugi hefur farið fram í Svíþjóð verður nú haldið í Finnlandi. Tilkynnt hefur verið um íslensku U16 og U18 ára hópana fyrir verkefnið og í U18 hóp stúlkna eru Skagfirðingarnir Linda Þórdís B. Róbertsdóttir og Bríet Lilja Sigurðardóttir.

Með hækkandi sól fer fiðringur um kylfinga landsins og eftirvæntingin eftir því að komast út á golfvöllinn gerir vart við sig. Þeir Rafn Ingi Rafnsson og Kristján B. Halldórsson hjá Golfklúbbi Sauðárkróks eru þar engin undantekning en blaðamaður Feykis hitti þá félaga á Hlíðarendavelli á Sauðárkróki þegar Jón Þorsteinn Hjartarson golfkennari var að renna í hlað.

Segja má að fyrstu alþjóðlegu æfingabúðirnar í haglagreinum hér á landi séu í gangi þessa dagana á skotíþróttasvæði Skotfélagsins Markviss á Blönduósi. Þetta kemur fram í frétt á vef Húnahornsins.

Lokahóf körfuknattleiksdeildar fór fram 30. apríl sl. Að venju voru afhent verðlaun fyrir veturinn. Körfuboltaárið hefur verið gott hjá Tindastóli og vill körfuknattleiksdeildin koma á framfæri þakklæti til sjálfboðaliða, styrktaraðila og stuðningsmanna fyrir kröftugt starf í vetur.

Það verður erfitt verkefni sem meistaraflokkur karla hjá Tindstóli á fyrir höndum í kvöld en þá leikur liðið við KA í bikarkeppninni. Leikurinn hefst á KA-vellinum á Akureyri í kvöld klukkan 19.