Skagafjörður

Stjórn Körfuknattleiksdeildar Tindastóls hefur samið við hinn króatíska Vladimir Anzulovic um að taka við þjálfun meistaraflokks karla auk þess sem hann mun koma að þjálfun unglingaflokks og stjórna Körfuboltakademíu FNV.

„Hugmyndin er að þessi hátíð verði upphafið að þróunarverkefni sem beinist að því að sett verði upp Sturlusetur sem dragi að sér fólk í framtíðinni”. Þannig komst Svavar Gestsson fyrrverandi alþingismaður og ráðherra að orði þegar hann lýsti hugmyndum um Sturluhátíð í Dalabyggð til að minnast þess að 800 ár voru þá liðin frá fæðingu Sturlu Þórðarsonar, skálds og sagnaritara á Staðarhóli í Dölum.

Á Facebook kennir töluvert margra grasa og þar dúkkar annað slagið upp eitt og annað spaugilegt. Í dag mátti sjá hjá Króksaranum Einari Gísla mynd sem Íris Ísaksdóttir, sonardóttir hans, hafði tekið af körfu í Túnahverfinu á Króknum sem er ólík flestum öðrum. Karfan er nefnilega í nískari kantinum því hún neitar að skila boltanum aftur.

Á Tindastóll.is segir frá því að nýr bandarískur leikmaður, Melissa Alison Garcia, sé gengin í raðir kvennaliðs Tindastóls í Lengjudeildinni en Melissa er einnig með ríkisborgararétt í Lúxemborg.Hún er fædd árið 1991 og er kunnug næst efstu deild á Íslandi en árið 2020 spilaði hún með Haukum en eftir að hafa spilað einungis fjóra leiki með Hafnfirðingum sleit hún krossbönd og kom ekki meira við sögu.

Nú stendur yfir alþjóðleg hornsílaráðstefna við Háskólann á Hólum. Ráðstefnan hófst 23. júlí og stendur til 29. júlí. Hornsíli er um margt merkilegur fiskur. Hann á uppruna sinn í sjó, en hefur endurtekið numið land í fersku vatni og hefur þar þróað mikinn fjölbreytileika, jafnvel þannig að nýjar tegundir hafi myndast. Hornsílið hefur fjölbreytt atferli, sérstaklega um hrygnimgartímann. Rannsóknir á atferli hornsíla lögðu einn grunninn undir atferlisfræði nútímans og fékk Tinbergen nóbelsverðlaun fyrir þær.

Hér ætla ég að taka aðeins 3 dæmi af ótalmörgum “meintum” kynferðisbrotum úr skagfirskum samtíma. Athugið að dæmin eru mjög einfaldaðar frásagnir af raunverulegri reynslu þolenda og aðeins til þess ætlaðar að gefa almenningi hugmynd um hvernig þessi mál koma þolendum og aktívistum fyrir sjónir.

Stjórn Körfuknattleiksdeildar Tindastóls hefur samið við hina serbnesk-ungversku Emese Vida um að leika með kvennaliðinu næstkomandi vetur. Vida er 29 ára og kemur með dýrmæta reynslu í ungt og efnilegt Tindastólsliðið. Hún er líka 1,90m á hæð og kemur því inn í lið Tindastóls með sjaldséða sentimetra.

Í gær, laugardaginn 23. júlí, var gengin fyrsta Druslugangan á Sauðárkók fyrir tilstilli Tönju M. Ísfjörð En gamanið byrjaði þó kvöldið áður um klukkan átta þegar hist var á Grand-inn bar, þar sem fram fór svo kalla prepp-kvöld, þar sem gerð voru skilti fyrir gönguna og stemmingin var góð.

Nú nýlega var nýja stúkubyggingin við gervigrasvöllinn á Sauðárkróki klædd og er hin snotrasta. Allra ánægðastir eru væntanlega stuðningsmenn sem hafa kvartað undan því að ísköld norðangolan hafi kælt á þeim læri og bossa þar sem hún átti greiðan aðgang undir stúkuna ... já og svo framvegis!

Senn lokar leikmannaglugginn í íslenska fótboltanum og ljóst að Tindastóll hefur stefnt að því að styrkja bæði karla- og kvennalið félagsins fyrir átökin framundan. Feykir hafði samband við Donna Sigurðsson, þjálfara beggja liða, og spurði hann út leikmannamálin og hvort hann hafi verið sáttur við úrslit helgarinnar hjá sínum liðum.