Skagafjörður

Um sl. helgi fór fram hið árlega RSL ICELAND INTERNATIONAL 2025 í Reykjavík en það er stærsta afreksverkefni Badmintonsambands Íslands. Á mótinu voru 247 leikmenn skráðir til leiks og voru þeir frá 35 löndum. Ísland átti 34 leikmenn skráða á mótið og var þar á meðal unga og efnilega Emma Katrín Helgadóttir frá Bandmintondeild Tindastóls og spilaði hún þar sem fulltrúi Íslands í einliðaleik kvenna.

Það er boðið upp á gula veðurviðvörun á Vestur-, Suðvesturlandi og miðhálendinu í dag. Norðurland vestra virðist sleppa nokkuð vel en þó gæti hvesst nokkuð í Húnavatnssýslunum. Gengur í suðaustan 13-18 m/s með snjókomu eða slyddu öðru hvoru, segir í veðurspá Veðurstofunnar fyrir daginn í dag, en snýst í suðvestan 8-13 með stöku éljum í kvöld. Hiti kringum frostmark. Suðaustan 18-25 og dálítil rigning á morgun en hiti 3 til 10 stig.

„Okkar ástsæli – og ekki síður farsæli – skipstjóri Guðjón Guðjónsson, sem flestir þekkja væntanlega ekki nema sem Jonna, hoppaði alkominn í land í [gær] eftir rúmlega hálfa öld á sjó.“ Svo segir í frétt á vef FISK Seafood en umræddur Jonni hefur lengst af verið skipstjóri á frystitogaranum Arnari HU-1 og hefur á þessum árum gert víðreist um sjóinn en „...stærir sig af því um leið að hann hafi aldrei flutt skattkortið sitt af Skagaströndinni enda hafi líf hans verið í föstum skorðum alla tíð.“

Matgæðingar vikunnar í tbl 11, 2024, voru Eyrún Helgadóttir og eiginmaður hennar Bjarni Kristmundsson. Eyrún og Bjarni eru bændur á Akurbrekku en Eyrún er einnig nuddfræðingur og Bjarni alltmuligman. Þau fluttu á Akurbrekku lok árs 2023 en bjuggu áður á Borðeyrarbæ og eru búin að koma sér vel fyrir með 420 kindur, ellefu hænur og einn hund á bænum.

Í febrúar 2021 sagði Feykir frá því að Bæjartún hses. hefði hafið vinnu við að reisa fyrsta húsið af átta á Freyjugötureitnum svokallaða á Sauðárkróki, þar sem bílaverkstæði KS stóð áður. Þá stóð til að fyrstu íbúðirnar færu í leigu um haustið en það er loks nú, eftir fjögur ár, ýmsa snúninga og árlegar fréttir í Feyki um að nú sé þetta að bresta á, sem Brák íbúðafélaga hses. auglýsir eftir umsóknum um leigu á íbúðunum í húsinu.

Félagsmenn Félags leikskólakennara og Félags stjórnenda leikskóla í Skagafirði hafa sent frá sér opið bréf til sveitarstjóra og sveitarstjórnar Skagafjarðar þar sem þau koma á framfæri viðbrögðum við því að formaður fræðslunefndar Skagafjarðar, sem er Kristófer Már Maronsson, fulltrúi Sjálfstæðisflokks, sé einn þeirra sem stefnir Kennarasambandi Íslands fyrir ólögmætt verkfall.

Í tilefni af Vitundarvakningu Krafts verður Lífið er núna dagurinn haldinn hátíðlega fimmtudaginn 30. janúar. „Þennan dag hvetjum við almenning og fyrirtæki í landinu til að halda hátíðlegan Lífið er núna daginn en tilgangur hans er að minna fólk á að staldra við og njóta líðandi stundar“, segir Þórunn Hilda Jónasdóttir, viðburða- og þjónustustjóri Krafts.

Sóknaráætlanasamningar við átta landshlutasamtök sveitarfélaga til fimm ára (2025-2029) voru undirritaðir í gær. Eyjólfur Ármannsson, samgöngu- og sveitarstjórnarráðherra, Logi Einarsson, menningar-, nýsköpunar- og háskólaráðherra, Jóhann Páll Jóhannsson, umhverfis-, orku- og loftslagsráðherra og fulltrúar landshlutasamtakanna undirrituðu samningana í Norræna húsinu. Það er samdóma álit þeirra sem koma að sóknaráætlunum að þær hafi sannað gildi sitt fyrir byggðir landsins en verkefnið byggir á tólf ára sögu.

Allt stefnir í að kennarar hefji verkfallsaðgerðir að nýju nú í byrjun febrúar en lítið virðist þokast í samningaviðræðum. Á Norðurlandi vestra verður þá eftir sem áður verkfall í einum skóla og líkt og í nóvember þá eru það leikskólakennarar í Ársölum á Sauðárkróki sem verða í verkfalli.

Það er ekki ráð nema í tíma sé tekið. Bæjarhátíðin Hofsós heim verður haldin dagana 20.–22. júní í sumar og er undirbúningsnefndin búin að bretta upp á ermarnar og farin að undirbúa hátíðina.