Skagafjörður

Íslandsmót félagsliða í pílukasti fór fram um helgina og sendi Pílukastfélag Skagafjarðar fullmannað lið til keppni í karlaflokki. Leikið var bæði laugardag og sunnudag. Byrjað var á tvímenning og komust tvö af fjórum liðum upp úr riðlum, Arnar Már og Þórður Ingi duttu út í 16 liða úrslitum en Arnar Geir og Jón Oddur voru slegnir út í 8 liða úrslitum.

Umhverfis- og samgöngunefnd Alþingis kom saman til fundar í dag vegna þess alvarlega ástands sem skapast hefur á Siglufjarðarvegi. TIl fundarins voru boðaðir fulltrúar Skagafjarðar, Fjallabyggðar og Vegagerðarinnar. Niðurstaða fundarins var að markmiðið verði að gerð jarðganga undir Siglufjarðarskarð geti hafist árið 2026 og verkinu ljúki á fjórum árum.

Félagsmót Skagfirðings fór fram sunnudaginn 1.september þar sem keppt var í gæðingakeppni og skeiði. Á Facebooksíðu Skagfirðings voru úrslit en það voru þau Dís frá Ytra-Vallholti og Bjarni Jónasson sigruðu B-flokk, Rosi frá Berglandi 1 og Guðmar Freyr Magnússon unnu A flokkinn og Drottningabikarinn í ár fékk Eind frá Grafarkoti og knapi hennar Bjarni Jónasson en hann er veittur efstu hryssunni í A-flokki gæðinga Arnheiður Kristín Guðmundsdóttir og Sprækur frá Fitjum unnu barnaflokkinn, Hjördís Halla Þórarinsdóttir vann unglingaflokkinn á Hnjúk frá Saurbæ, A- og B-flokk ungmenna vann Björg Ingólfsdóttir.

Á vef Skagafjarðar segir að Fræðslunefnd Skagafjarðar boðar ykkur á kynningarfund til að kynna niðurstöður spretthóps um nýja nálgun í leikskólamálum og þær breytingar sem framundan eru. Fundurinn verður haldinn á Teams mánudaginn 2. september kl. 17:00.

Í tilkynning frá Skagafjarðarveitum til notenda austan þjóðvegar við Varmahlíð, í Hólminum og Akrahreppi. Vegna tenginga við stofnlögn verður lokað fyrir heita vatnið á þessu svæði þriðjudaginn 3. sept. frá kl. 9 og fram eftir degi.

Feykir rak augun í að í síðustu viku voru Nýnemadagar hjá Háskólanum á Hólum. Það var því ekki úr vegi að spyrja Hólmfríði Sveinsdóttur rektor hvernig til hefði tekist. „Nýnemadagar tókust með eindæmum vel í ár. Mætingin var mjög góð og dagskrá daganna var vel skipulögð,“ sagði hún.

Hvers vegna skyldu talsmenn þess að Ísland gangi í Evrópusambandið svo gott sem eingöngu tala um vaxtastigið á evrusvæðinu þegar efnahagsmál þess eru annars vegar? Jú, vegna þess að fæstar hagtölur innan svæðisins eru eitthvað til þess að hrópa húrra yfir. Raunar eru vextirnir það ekki heldur enda engan veginn birtingarmynd heilbrigðs efnahagsástands heldur þvert á móti viðvarandi efnahagslegrar stöðnunar.

Ástandið á veginum um Almenninga á Siglufjarðarvegi og aðkomu að Strákagöngum úr vestri hefur ekki farið framhjá neinum. Bjarni Benediktsson skoðaði aðstæður fyrir helgi og viðraði þá skoðun sína að flýta þyrfti rannsóknum við Fljótagöng. Í Morgunblaðinu í gær tók Svandís Svavarsdóttir innviðaráðherra undir orð Bjarna og bætti við að þarna væri yfirvofandi hætta og við það verði ekki unað.

„Þessi var risastór og mikilvægur fyrir okkur. Mér fannst þessi leikur spilast nokkurn veginn eins og við vildum. Náðum fyrsta markinu sem var mjög mikilvægt og heilt yfir þá fékk Keflavík ekkert færi af viti í leiknum fyrir utan markið. Við erum mjög ánægð með varnarleikinn í heild sinni og sóknarleikurinn var þokkalegur og við fengum okkar færi eins og venjulega. Virkilega sterkt að skora tvö góð mörk,“ sagði Donni þjálfari Stólastúlkna eftir mikilvægan 2-1 sigur á liði Keflavíkur í fyrstu umferð úrslitakeppni neðrii liðanna í Bestu deildinni.

Ólöf Ásta Jónsdóttir, eða Óla eins og hún er oftast kölluð, býr í Dalatúninu á Sauðárkróki með Helga Ragnarssyni, eiginmanni sínum. Óla starfar sem matráður hjá FISK Seafood.