Íþróttir

Mil­an Roza­nek, fyrr­ver­andi þjálf­ari körfuknatt­leiksliðs Tinda­stóls, var á fimmtu­dag­inn tek­inn inn í heiðurs­höll körfu­bolt­ans í Slóvakíu fyr­ir ævi­starf sitt í þágu íþrótt­ar­inn­ar í land­inu. Morgunblaðið segir frá því að Mil­an, sem er nú 83 ára gam­all, hafi þjálfað karlalið Tinda­stóls vet­urinn 1990-1991. Það tímabil var Tindastóll með Pét­ur Guðmunds­son, eina NBA-leik­mann Íslands á þeim árum, í sín­um röðum og auk þess leik­menn á borð við Val Ingi­mund­ar­son, Sverri Sverris­son og Karl Jónsson.

Fótbolti.net bikarinn hélt áfram í kvöld en lið Tindastóls, sem er í öðru sæti 4. deildar tók á móti liði Kára í átta liða úrslitum en þeir Skagamenn eru aftur á móti toppliðið í 3. deildinni. Það mátti því reikna með hörkuleik og sú varð niðurstaðan því mikill hiti var í mönnum. Jafnt var að leik loknum, því þurfti að framlengja og þegar langt var liðið á framlenginguna dúkkaði Addi Ólafs upp með sigurmarkið. Stólarnir eru því komnir í undanúrslit Fótbolta.net bikarsins og mæta þar annað hvort Selfyssingum hans Bjarna, KFA eða Árbæ.

Næsta fimmtudag 8. ágúst verður haldið styrktarmót fyrir Önnu Karen Hjartardóttir á golfvellinum á Króknum en hún er á leiðinni í háskóla í Bandaríkjunum eftir nokkra daga. Spilaðar verða niu holur og skráning er á golfboxinu. Einnig er hægt að hafa samband við golfskálann og láta skrá sig.

Unglingalandsmóti UMFÍ lauk í Borgarnesi í kvöld og samkvæmt frétt á vef UMFÍ var framkvæmd mótsins framúrskarandi og samvinna allra sem að því komu með eindæmum góð. Jóhann Steinar Ingimundarson, formaður UMFÍ, hélt tölu í móttöku með forsetahjónunum, sambandsaðilum UMFÍ, heiðursfélögum og fleirum frá sveitarfélaginu Borgarbyggð, og þar bauð hann Króksaranum Ómari Braga Stefánssyni, sem er framkvæmdastjóri móta UMFÍ, að taka við þakklætisvotti en Ómar Bragi hefur skipulagt mót UMFÍ í 20 ár.

Íslendingurinn Hákon Þór Svavarsson klikkaði ekki á skoti í síðustu umferð sinni á Ólympíuleikunum í París í dag. Hákon Þór lauk keppni í 23. sæti í leirdúfuskotfimi og er það besti árangur Íslendings á Ólympíuleikunum í greininni.

„Það var góð stemning eftir leikinn enda sýndum við mikinn karakter að koma til baka og jafna leikinn eftir að hafa lent 1-3 undir. Gott og mikilvægt stig sem við tókum með okkur úr leiknum,“ sagði Laufey Harpa Halldórsdóttir, vinstri vængur og spyrnutæknir Tindastólsliðsins í Bestu deildinni, þegar Feykir spurði út í stemninguna að loknu 3-3 jafntefli gegn liði Þórs/KA á dögunum.

Ólympíuleikarnir standa nú sem hæst í París í Frakklandi og í dag keppti Hákon Þ. Svavarsson í skotfimi. Skagfirskur íbúí í Mosfellsbæ hafði samband við Feyki af þessu tilefni og tilkynnti að hann hefði hitt konu í ræktinni í morgun sem sagði honum að Svavar þessi væri af skagfirskum ættum.

Aðdáendur Kormáks/Hvatar þráðu sæta hefnd í Hafnarfirði þegar Húnvetningar heimsóttu Hauka sl. miðvikudagskvöld. Þeim fannst Haukar ekki hafa átt skilið jafntefli í fyrri leik liðanna á Blönduósi og nú átti að leiðrétta. Hvort óskirnar hafi ekki skilað sér til leikmanna skal ósagt látið en niðurstaðan varð sú að Hafnfirðingar sýndu litla gestrisni og sendu Húnvetninga heim með 5-1 tap á bakinu.

Það hefur ekki farið framhjá neinum að Unglingalandsmótið í ár er haldið í Borgarnesi og verður setningarathöfnin haldin í kvöld. Dagskrá mótsins er afar fjölbreytt og keppt er í 18 keppnisgreinum. Ýmiss konar afþreyingar er einnig í boði og skemmtun fyrir alla fjölskylduna en um 1000 ungmenni eru á svæðinu og eru 40 þátttakendur frá UMSS skráðir til leiks og 24 keppendur fyrir hönd USAH. Keppni hófst í golfi í gærkvöldi í frábæru veðri á Hamarsvelli og voru þrír þátttakendur mættir frá UMSS. Fyrsti keppandi mótsins fyrir hönd UMSS gerði sér lítið fyrir og vann sinn flokk og var hin brosmilda og káta Nína Júlía Þórðardóttir þar á ferðinni, frábær árangur hjá henni. 

Tindastóll og Þór/KA mættust á Króknum í gær í 15. umferð Bestu deildarinnar. Stólastúlkur hafa ekki unnið leik síðan þær spiluðu gegn Keflavík í lok júní og voru því mjög hungraðar í sigur. Stelpurnar náðu samt sem áður í sterkt stig því lokatölur leiksins voru 3-3 þar sem Elise skoraði sitt fyrsta mark og Jordyn setti tvö og er því komin með níu mörk það sem af er tímabilsins. Eftir leikinn situr Þór/KA í 3. sæti en Tindastóll í því 8.. Næsti leikur er á móti Þróttur Reykjavík þann 9. ágúst á Króknum.