Hákon Ólympíufari bæði húnvetnskur og skagfirskur
Ólympíuleikarnir standa nú sem hæst í París í Frakklandi og í dag keppti Hákon Þ. Svavarsson í skotfimi. Skagfirskur íbúí í Mosfellsbæ hafði samband við Feyki af þessu tilefni og tilkynnti að hann hefði hitt konu í ræktinni í morgun sem sagði honum að Svavar þessi væri af skagfirskum ættum.
Feykir hafði reyndar verið tekinn í bólinu kvöldið áður þegar annar skagfirskur íbúi Mosfellsbæjar, Gunnar nokkur Birgisson, sagði þjóð sinni frá því að Hákon, sem býr á Selfossi, hefði alið manninn á Blönduósi.
Ræktarkonan, sem einnig var skagfirskrar ættar, sagðist aftur á móti vita af skagfirskum tengslum Hákons þar sem hann væri frændi hennar. Þetta kveikti að sjálfsögðu áhugann hjá okkar manni í ræktinni sem lagðist í rannsóknir. Og þetta stóð heima.
Hákon er sonur Svavars Hákonar Jóhannssonar, bónda í Litladal í fyrrum Húnavatnshreppi. Svavar er bróðir Jóhanns Más, bónda í Keflavík í Hegranesi, og þá að sjálfsögðu Kristjáns Jóhannssonar en þeir stórsöngvarar eru synir Jóa heitins Konn, sömuleiðis stórsöngvara á Akureyri. Í gömlu DV fundust þær ættarlýsingar að móðir Jóa, „,,, var Svava, systir Jónasar, föður Kára, fréttastjóra Ríkisútvarpsins, og Mínervu, ömmu Guðríðar Haraldsdóttur dagskrárgerðarmanns. Svava var dóttir Jósteins, b. í Naustavík í Hegranesi, Jónssonar b. og smáskammtalæknis í Hróarsdal í Hegranesir, Jónssonar.“ Nú hringir bjöllum hjá skörpustu hnífunum í ættfræðiskúffum landsmanna en þetta þýðir að móðir Jóa Konn, og þar með langamma Hákons, var skagfirsk.
Þetta setur Ólympíuleikana að sjálfsögðu í allt annað samhengi fyrir okkur íbúa á hinu stórmagnaða Norðurlandi vestra.
Á RÚV sagði nú seinnipartinn að Hákon Þór Svavarsson hafi skorað 23 stig af 25 í öllum þremur umferðum dagsins í haglabyssuskotfimi á leikunum í dag. Hann er því samtals með 69 stig að loknum fyrri keppnisdegi í undankeppni og er í 22. sæti af 30 keppendum. Tvær umferðir eru eftir og fara þær fram á morgun en ef Feykir skilur rétt er þetta ein af fáum greinum sem ekki er send út í beinni útsendingu.
Áfram Hákon!
- - - - -
UPPFÆRT dögum síðar: Feykir þakkar vel þegnar leiðréttingar á þessari ættfræðiúttekt og biðst afsökunar á flumbrugangi.
Fleiri fréttir
-
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.