„Ég treysti því að dómarinn hafi tekið rétta ákvörðun“
„Það var góð stemning eftir leikinn enda sýndum við mikinn karakter að koma til baka og jafna leikinn eftir að hafa lent 1-3 undir. Gott og mikilvægt stig sem við tókum með okkur úr leiknum,“ sagði Laufey Harpa Halldórsdóttir, vinstri vængur og spyrnutæknir Tindastólsliðsins í Bestu deildinni, þegar Feykir spurði út í stemninguna að loknu 3-3 jafntefli gegn liði Þórs/KA á dögunum.
Laufey, sem er vinstri bakvörður að upplagi, nýtur sín vel á vinstri kantinum í stöðu sem gefur henni góða möguleika á að taka þátt í sóknarspili Stólastúlkna. Hún hefur verið að spila vel í sumar og þegar komin með nokkrar fínar stoðsendingar í kladdann. Leikurinn gegn Akureyringum var fjörugur en gestirnir leiddu með tveimur mörkum þegar fimm mínútur voru til leiksloka. Jordyn Rhodes minnkaði þá muninn eftir hornspyrnu frá Laufeyju og á lokamínútu uppbótartíma fékk Laufey boltann í góðu færi og negldi á markið en leikmaður gestanna varði með höndum – dómarinn dæmdi víti og gestirnir voru afar sárir og svekktir með þá ákvörðun. Jordyn jafnaði síðan leikinn úr vítaspyrnunni.
„Mér fannst leikurinn heilt yfir bara nokkuð góður. Liðin skiptust á að halda í boltann og skapa sér færi og auðvitað er alltaf gaman að gefa liðum fjörugan leik,“ sagði Laufey aðspurð um hvað henni hefði fundist um leikinn.
Var þetta ekki allan tímann víti? „Ég treysti því að dómarinn hafi tekið rétta ákvörðun á þessum tímapunkti. Ég átti skot á markið sem var varið á einhvern hátt af leikmanni og við uppskárum vítið í kjölfarið svo ég get allavega ekki kvartað. Jordyn tekur síðan alvöru spyrnu, í slánna og inn og jafnar þá leikinn.“
Finnst þér vera framför í spili Tindastóls? „Við erum alltaf að reyna að þróa og bæta okkar leik og höfum verið að eflast sem lið og náð góðum syrpum. Þegar við náum ekki að halda í okkar gildi hefur það komið niður á úrslitum leikja svo það er mikilvægt að ná að halda góðu striki.“
Hvað hefur komið þér mest á óvart í Bestu deildinni sumar og eru einhverjir samherjar sem hafa komið þér skemmtilega á óvart? „Það sem hefur komið mér mest á óvart er hvað deildin í ár er gríðarlega jöfn og að það sé stundum ómögulegt að segja til um úrslit leikja. Dagsform liða hefur því mikið að segja og gerir það deildina bara mun skemmtilegri og spennandi. Birgitta og Elísa eru alltaf að koma mér á óvart og eiga hrós skilið fyrir frammistöður sínar í sumar. Svo má ekki gleyma að Jordyn er sem stendur næst markahæst í deildinni og hefur vaxið mikið síðan hún kom í vetur.“
Hvernig leggst framhaldið í þig? „Framhaldið leggst vel í mig. Við eigum krefjandi leiki eftir og það skiptir máli að við komum vel stemmdar til leiks og vona ég að fólk fjölmenni á völlinn og styðji okkur áfram,“ segir Laufey að lokum.
Fleiri fréttir
-
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.