Fréttir

Á heimasíðu KKÍ segir að landslið karla hefur verið kallað saman til æfinga og undirbúnings en framundan eru tveir landsleikir í nýrri undankeppni EM, EuroBasket 2025, sem hefst í næstu viku. Landsliðsglugginn stendur yfir dagana 19.-26. febrúar og leikur Ísland sinn fyrri leik í Laugardalshöllinni gegn Ungverjalandi fimmtudaginn 22. febrúar kl. 19:30 og þann síðari í Istanbúl gegn Tyrklandi sunnudaginn 25. febrúar kl. 13:00 að íslenskum tíma (16:00 að staðartíma ytra). RÚV mun sýna báða leikina beint.

Þessi frétt verður eflaust ekki lesin af neinum þar sem fyrirsögnin segir allt sem enginn vildi heyra eða sjá eftir gærkvöldið en staðan er því miður þannig að Tindastóll tapaði gegn Njarðvík í furðulegum leik þar sem nokkrir dómar voru vafasamir. Þar sem ég er ekki vön að lasta einn né neinn segi ég ekki meir og við leyfum sögusögnum bæjarins bara að fljóta því þær hafa í þessu tilviki sannleiksgildi. 

Á Facebook-síðu Brunavarna Skagafjarðar voru settir fram nokkrir tölfræðimolar á stafinu og segir að sjúkraflutningar í umdæminu hafi verið 485 talsins, sem er mesti fjöldi sjúkraflutninga á einu ári hjá Brunavörnum Skagafjarðar frá því mælingar hófust. Stærsti mánuður ársins var janúar, en í honum voru 55 sjúkraflutningar. Flestir sjúkraflutningar eru frekar tímafrekir því í tæplega 57% tilfella var farið með sjúkling á Sjúkrahúsið á Akureyri.

Á vef SSNV segir að átta fyrirtæki hafa verið valin til þátttöku á Fjárfestahátíð Norðanáttar sem fer fram á Siglufirði þann 20. mars næstkomandi og var eitt fyrirtæki frá Norðurlandi vestra í hópnum en það er FoodSmart Nordic á Blönduósi. Er þessi hátíð góður vettvangur fyrir frumkvöðla og fyrirtæki sem leita eftir fjármagni og eru tilbúnir að fá fjárfesta að borðinu.

Fræðslunefnd Skagafjarðar bókaði á fundi sínum í gær, miðvikudaginn 14. febrúar, að skipa tvo vinnuhópa sem snúa að starfsemi leik- og grunnskóla í Skagafirði og að skipuleggja kynningu á verkefninu Kveikjum neistann. Með þessari grein viljum við kynna forsendur nánar fyrir íbúum.

Lagt hefur verið fram erindi á fundum hjá Byggaðráði Skagafjarðar, Sveitastjórn Húnabyggðar og Sveitastjórn Skagastrandar frá Samtökum sveitarfélaga á Norðurlandi vestra, dags. 14. desember 2023, þar sem fram kemur að mennta- og barnamálaráðuneytið hefur óskað eftir því að samtökin taki að sér að samræma sjónarmið sveitarfélaga til samningsdraga vegna stækkunar verknámshúss Fjölbrautaskóla Norðurlands vestra.

Félag sauðfjárbænda í Austur-Húnavatnssýslu gerir athugasemdir við drög matvælaráðherra að reglugerð um sjálfbæra landnýtingu sem kynnt var í samráðsgátt stjórnvalda í síðasta mánuði. 

Á heimasíðunni smabatar.is segir að Samtök sveitarfélaga á Norðurlandi vestra (SSNV) hafi fjallað um frumvarp að breyttri veiðistýringu á grásleppu á fundi sínum þann 6. febrúar sl. Samþykkt var að hvetja meirihluta atvinnuveganefndar alþingis til að falla frá frumvarpinu.

Á heimasíðu Landhelgisgæslunnar segir að metfjöldi útkalla hafi verið hjá flugdeildinni árið 2023.  Alls hafi hún verið kölluð 314 sinnum út, bæði á þyrlum og flugvél, sem er fimmtán útköllum meira en árið 2022. Þyrlusveit Landhelgisgæslunnar var kölluð út 303 sinnum og áhöfnin á TF-SIF í 11 sinnum. 115 útköll voru á fyrsta forgangi, 136 á öðrum forgangi, 51 útkall var á þriðja og 12 á fjórða.

Í fréttatilkynningu frá Teslu og N1 segir að þessi tvö fyrirtæki hafi undirritað rammasamning sem felur í sér áform um uppbyggingu hraðhleðslustöðva við þjónustustöðvar N1 víðs vegar um landið. Markmið N1 með samningsgerðinni er að auka verulega þjónustu við notendur rafbíla og byggja upp víðfeðmt net hraðhleðslustöðva á næstu tveimur árum samhliða uppbyggingu Tesla.