Fréttir

Að þessu sinni er það María Sigrún Hilmarsdóttir, fréttamaður á RÚV, sem svarar Rabbinu. „Foreldrar mínir eru Hilmar Þór Björnsson, ættaður úr Svefneyjum, og Svanhildur Sigurðardóttir [Sigurðar varðstjóra í Varmahlíð] úr Skagafirði. Ég var alin upp í Vesturbæ Reykjavíkur,“ segir María Sigrún sem er móðir þriggja barna, stúdent frá MR, BA í hagfræði frá Háskóla Íslands og með MA í fréttamennsku frá Háskóla Íslands.

Tröllaskagahringinn fór undirritaður sl. sunnudag í sumarveðri. Þrátt fyrir að þurfa að fara í gegnum fjögur göng þá er alla jafna gaman að fara þennan rúnt – ekki síst í góðu veðri. Það er margt að skoða og leiðin stútfull af bröttum fjöllum og grösugum dölum, söfnum og sjoppum. Á leiðinni er rennt í gegnum Hofsós, Sigló, Ólafsfjörð og Dalvík og hægt að teygja rúntinn með viðkomu á Hólum, í Glaumbæ, Varmahlíð, á Króknum og á Akureyri. Og svo ekki sé talað um að uppgötva útvegsbæina Árskógs-strönd, Hauganes, Hjalteyri og Dagverðareyri og hvað þeir nú heita allir þarna í Eyjafirðinum.

Morgunblaðið segir af því að Gleðip­inn­ar ehf, sem rek­a meðal ann­ars veit­ingastaðina American Style, Aktu Taktu, Ham­borg­arafa­brikk­una, Shake and Pizza og Black­box, hafi skilað hagnaði upp á 1,02 millj­arða á síðasta ári. Þetta kem­ur fram í nýj­um samstæðareikn­ingi fé­lags­ins fyr­ir síðasta ár en fé­lagið er að hluta í eiga Kaup­fé­lags Skagf­irðinga.

Nú ætlar Feykir að mæla með nokkrum Air fryer uppskriftum því annað hvort heimili er komið með svona snilldar græju. En það eru samt margir hræddir við að nota hann svona fyrst en það er um að gera að láta vaða og prufa sig áfram. Fyrir þá sem ekki þekkja til þá er Air fryer lofsteikingarpottur sem er blanda af bakstursofni og djúpsteikingarpotti, fyrst og fremst hannað til að líkja eftir djúpsteikingu án þess að sökkva matnum í olíu. Vifta dreifir heitu lofti á miklum hraða og framleiðir stökkt lag en heldur matnum safaríkum.

Lið Kormáks/Hvatar sótti þrjú stig suður með sjó í gærkvöldi en þá mættu þeir botnliði Reynis Sandgerði í afar mikilvægum leik í botnbaráttu 2. deildar. Gestirnir voru sterkari aðilinn í leiknum og uppskáru eitt mark um miðjan síðari hálfleik og það dugði til þar sem sterk vörn Húnvetninga hélt vatni og vindum. Lokatölur 0-1.

Í tilkynningu frá körfuknattleiksdeild Tindastóls segir að samið hafi verið við franska leikmanninn Sadio Doucoure um að leika með karlaliðinu í Bónusdeildinni á komandi tímabili. „Ég er mjög spenntur að koma og spila fyrir Tindastól,” segir Sadio. „Ég hef átt góð samskipti við bæði þjálfara og formann klúbbsins. Ég hef spilað með Martin Hermannssyni og spurði hann út í liðið og samfélagið og hann sagði mér bara góða hluti svo ég er fullur tilhlökkunar að koma í þennan bæ sem elskar körfubolta.“

Dregið hefur verið í átta liða úrslit í Fótbolti.net bikarnum en eins og kunnugt er sló lið Tindastóls út Hlíðarendapilta í KH nú í vikunni og var eina liðið úr 4. deild sem komst áfram. Strákarnir eru því að spila upp fyrir sig í næstu umferð en auk Stólanna voru þrjú 2. deidar lið í pottinum og fjögur lið úr 3. deild. Stólarnir höfðu heppnina með sér og fengu heimaleik en andstæðingurinn reyndist hinsvegar topplið 3. deildar, Kári.

Á morgun, laugardaginn 20. júlí, fer fram fjórða umferð Íslandsmótsins í torfæru við Kleifarhorn á Blönduósi. Um er að ræða svokallaða Jón og Margeir torfæru og hefjast leikar kl. 11:00 og stendur í um sex tíma samkvæmt auglýstri dagskrá Húnavöku. Í kvöld kl. 19 stendur til að torfærubíll aki yfir Blönduós – það er að segja ós Blöndu.

Það er nokkuð um liðið síðan VALDÍS sendi frá sér lag en í dag kom út lagið Þagnir Hljóma Vel sem hún flytur ásamt JóaPé sem margir ættu að þekkja sem hluta af dúettnum JóaPé og Króla. Þeir slógu í gegn með lagið B.O.B.A. sem nálgast nú fjórar milljónir rennsla á Spottanum sem er dágott fyrir íslenskt lag. VALDÍS hefur í gegnum tíðina sent frá sér r og b skotið popp og sungið á ensku.

Tónlistarmaðurinn Ásgeir hefur verið á ferð um landið síðustu daga en tónleikaferðin hans, Einför um Ísland, hófst í Landnámssetrinu í Borgarnesi seint í júní. Ásgeir, sem eins og flestir ættu að vita að er frá Laugarbakka í Húnaþingi vestra, mætir á sinn heimavöll laugardagskvöldið 20. júlí því þá leikur hann og syngur í Félagsheimilinu Ásbyrgi á Laugarbakka.