Skagfirsku tónlistarmennirnir ungu Atli Dagur og Haukur Sindri gefa út nýtt lag
Út er komið nýtt lag Breaking out frá tónlistardúettinum Azepct, sem þeir Atli Dagur Stefánsson og Haukur Sindri Karlsson glæða lífi. Lagið er seinasti singullinn af fyrstu plötu þeirra félaga sem mun koma út seinna í sumar.
„Lagið er gerólíkt því sem við höfum verið að gera en við höldum að þetta muni falla þvílíkt vel í mannskapinn svona rétt fyrir sumarið. Lagið er samblanda af trappi sem hefur verið mikið þema hjá okkur í Azepct, og rokki,“ segir Atli Dagur. Hvort þær tvær stefnur eigi vel saman segir hann það kannski ekki endilega augljóst. En lagið hefur fengið frábærar viðtökur hjá öllum þeim sem heyrt hafa og er það von drengjanna að það haldi áfram þegar lagið hefur loks komið út.
„Lagið var samið, eins og platan öll, í bílskúrnum heima á Hólaveginum og var í raun samið í smá panikki þar sem okkur vantaði enn eitt lag á plötuna og örfáir dagar til stefnu. Lagið varð til á u.þ.b. tveimur tímum og varð strax lang-uppáhaldslagið okkar af plötunni. Lagið heitir Breaking out og er því titillag plötunnar.“
Þessa dagana eru þeir Atli Dagur og Haukur Sindri mjög uppteknir en Haukur er að leggja lokahönd á Bachelors verkefnið sitt í Music Production við RMC í Kaupmannahöfn.
Atli er á fullu að vinna í öðru tónlistarverkefni sem hann vonast til að hefjist seinna í sumar en áður hyggst hann fara með það í Músíktilraunir í lok maí. Hann segir allan frítíma sinn fara í að æfa fyrir þær. Einnig er fótboltinn að hefjast á ný og þar er markmaðurinn Atli Dagur ásamt félögum sínum á fullu við að gera liðið klárt fyrir komandi átök í 3. deildinni í sumar.
„Það er síðan margt planað hjá okkur fyrir sumarið en Haukur hyggst flytja á Krókinn í sumar og við munum halda áfram að vinna að fullt af nýrri tónlist saman. Það sem stendur þó helst upp úr er útgáfupartý sem okkur langar til að halda samhliða útgáfu plötunnar okkar en ef að afléttingar sóttvarna ganga eftir munum við reyna að halda stórt útgáfupartý einhversstaðar í Skagafirðinum.“
Atli segir að eftir sumarið munu leiðir þeirra félaga liggja til Bretlands, í sitthvorn tónlistarskólann í London. Haukur í Royal College of Music, að taka mastersgráðu í kvikmyndatónlist, en hann komst þar inn í desember sl. og fékk að auki rausnarlegan skólastyrk. Atli hins vegar fer í Institute of Contemporary music performance þar sem hann tekur bachelorsgráðu í Songwriting eða lagasmíðum.
HÉR er hægt að nálgast nýjasta lagið á Spotify.
Fleiri fréttir
-
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira -
Höfðinglegur styrkur Gæranna á árinu
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.18Nytjamarkaðurinn á Hvammstanga er mörgum af góðu kunnur. Hann er rekinn af Gærunum, vöskum hópi kvenna sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á árinu sem er að líða gáfu þær líkt og fyrri ár gjafir til stofnana sveitarfélagsins af miklum rausnarskap, segir á heimasíðu Húnaþings vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.