Eyþór Árnason les upp úr ljóðabók sinni Norður í kvöld á Facebook
Skagfirðingurinn og ljóðskáldið úr Blönduhlíðinni Eyþór Árnason hefur glatt ljóðaunnendur með upplestri á ljóðabókum sínum á Facebook-síðu sinni og hefur lesið eina bók frá upphafi til enda í hvert sinn. Í kvöld er komið að þriðja lestri er hann fer í gengum bókina Norður sem út kom árið 2015. „Þetta var nú bara hugdetta sem vaknaði núna fyrir síðustu jól og svo var maður að bræða þetta með sér og ákvað síðan að nota Covid-ástandið og kýla á það,“ segir Eyþór aðspurður um atburðinn.
Hann segir að þegar lesið sé upp úr bókum verði oftast sömu ljóðin fyrir valinu og þess vegna þætti honum gaman að leyfa öllum njóta sín með því að lesa allar bækurnar fimm með haus og hala. Segir hann viðtökur hlustenda hafa verið sallafín.
„Þemað í bókinni Norður sem ég ætla að lesa í kvöld er eiginlega rútuferð norður í Skagafjörð. Að vísu fer hugurinn út og suður og draumar fara á stjá, en sjoppurnar ramma þetta inn. Hugurinn leitar jú oft norður,“ segir Eyþór sem ólst upp á Uppsölum í Blönduhlíð í Skagafirði. Hann var orðinn þrítugur þegar hann flutti endanlega í höfuðstaðinn og segir það eðlilegt að sveitin kalli stundum á hann.
En skyldi vera ný bók í sigtinu?
„Ný bók? Tja, við skulum vona það besta. Borgar sig ekki að vera með neinar yfirlýsingar,“ segir hann en hvort séu komin Covidljóð segir hann svo vera: „Já það komu Covid- ljóð í apríl í fyrra og kannski hefur pestin litað fleiri.“
Eyþór áætlar að lesa bókina Ég sef ekki í draumheldum náttfötum 2. mars og Skepnur eru vitlausar í þetta þann 9. mars. Áhugasamir geta nálgast upplesturinn á Facebooksíðu Eyþórs þar sem hann er opinn öllum og mun lifa áfram þar.
Fleiri fréttir
-
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira -
Höfðinglegur styrkur Gæranna á árinu
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.18Nytjamarkaðurinn á Hvammstanga er mörgum af góðu kunnur. Hann er rekinn af Gærunum, vöskum hópi kvenna sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á árinu sem er að líða gáfu þær líkt og fyrri ár gjafir til stofnana sveitarfélagsins af miklum rausnarskap, segir á heimasíðu Húnaþings vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.