Skagafjörður

Þessa dagana eru nokkur ungmenni fædd 2010 frá Knattspyrnudeild Tindastóls á æfingum í Boganum á Akureyri en þau hafa verið á reglulegum æfingum hjá Hæfileikamótun KSÍ í vetur.

Skipulagsnefnd Skagafjarðar boðar til íbúafundar miðvikudaginn 28. febrúar kl. 17-18 í samstarfi við Kiwanisklúbbinn Freyju í stóra salnum/fundarsal Skagafjarðar, Sæmundargötu 7a (2. hæð) á Sauðárkróki.

Veðurstofan hefur gefið út gula viðvörun fyrir Strandir og Norðurland vestra

Héraðsbókasafn Skagfirðinga auglýsir bókamarkað í Safnahúsinu. 

Ferðafélag Fljóta stendur fyrir skíðagöngumóti í Fljótum föstudaginn langa ár hvert. Mótið er fyrir alla fjölskylduna og keppt er í öllum aldursflokkum.

Á vef SSNV segir að Sigurður Ingi Jóhannsson, innviðaráðherra, hefur úthlutað styrkjum að upphæð 130 milljónum króna til tíu verkefna á vegum sjö landshlutasamtaka sveitarfélaga. Þar af fékk SSNV þrjá styrki fyrir samtals 40.500.000 kr.

Í tilkynningu frá Vegagerðinni kemur fram að meðalhraðaeftirlit í Hvalfjarðargöngum verður tekið í notkun þann 22. febrúar 2024. Sjálfvirkt hraðaeftirlit er ein af megin áherslum í umferðaröryggisáætlun stjórnvalda. Hraðamyndavélar eru fyrst og fremst settar upp á köflum þar sem slys eru mörg, en einnig er lögð áhersla á að setja slíkan búnað upp í jarðgöngum til að draga úr líkum á að slys verði.

Dropinn holar steininn eru upphafsorð bókunar skólaráðs Varmahlíðarskóla undir málaflokknum þróun mála á viðhaldi skólans. Miklar umræður hafa verið þegar kemur að viðhaldi og viðbyggingu við Varmahlíðarskóla undanfarin ár. Nú er það orðið ljóst að viðhald Varmahlíðarskóla er ekki á dagskrá í fjárhagsáætlun Skagafjarðar. Viðhaldi hefur stöðugt verið slegið á frest, að sögn vegna væntanlegra framkvæmda sem enn hafa þó ekki verið tímasettar en hafa lengi verið taldar í augsýn og eðli málsins samkvæmt eru vangaveltur um hvað þarf að bíða lengi eftir að þær framkæmdir hefjist.

Í byrjun febrúar óskaði Sveitarfélagið Skagaströnd eftir tilnefningum frá íbúum sveitarfélagsins í Eldhugi/eldhugar ársins 2023. Tilnefna mátti einstaklinga, félagasamtök og fyrirtæki og viðurkenninguna átti að veita á Þorrablóti Kvenfélagsins einingar í Fellsborg þann 17. febrúar. 

Á dögunum hlaut Húnaþing vestra styrk að upphæð kr. 10,5 milljónir til uppsetningar tæknismiðju í anda FabLab smiðja í Félagsheimilinu Hvammstanga. Er styrkurinn veitur af lið C1 á byggðaáætlun sem ber heitið sértæk verkefni sóknaráætlanasvæða og hugsaður til tækjakaupa í smiðjuna.