Skagafjörður

Fulltrúi VG og óháðra lagði fram á fundi fræðslunefndar Skagafjarðar í gær, 5. september, tillögu um endurskoðun á nýlegri breytingu á skólaakstri hjá sveitarfélaginu varðandi það að komið yrði til móts við þá nemendur sem breytingarnar hafa veruleg áhrif á. Einnig gerði fulltrúi VG og óháðra athugasemd við hvernig staðið var að upplýsingaskyldu til foreldra viðkomandi nemenda en þeir fengu ýmist símtal eða tölvupóst daginn fyrir skólasetningu.

Úrvalsdeildin í pílu er farin af stað á ný á nýju tímabili. Mótið fer fram á Bullseye, í gamla Austurbæ í Reykjavík, áttamiðvikudaga í röð. Keppt er í átta riðlum og eru fjórir keppendur í hverju riðli. Einn fulltrúi frá Pílukastfélagi Skagafjarðar er á meðal keppenda en það er Arnar Geir Hjartarson. Mótið hófst í síðustu viku en í kvöld opnar Arnar Geir píluveskið í beinni útsendingu á Stöð2Sport og mun að sjálfsögðu gera sitt allra besta.

Það voru margir sem glöddust óendanlega í vor þegar lið Tindastóls varð Íslandsmeistari í körfubolta og hafa jafnvel horft á sigursöguna ítrekað í allt sumar, enda veislan endursýnd á Stöð2Sport að því er virðist daglega. Ef svo ólíklega vill til að einhver sé að verða leiður á endurtekningunni þá er gaman og gott að segja frá því að nú vinna Árni Gunnarsson, kvikmyndagerðarmaður hjá Skottu, og samverkafólk hans að mynd um meistaratímabilið og hefur hún þegar hlotið nafnið Velkomnir í Síkið.

Nýtt skólaár er að hefjast hjá Farskólanum – miðstöð símenntunar á Norðurlandi vestra. Nú um helgina og upp úr helgi geta áhugasamir lært kransagerð en kennt verður á Hvammstanga, Blönduósi, Skagaströnd og á Sauðárkróki. Það er fyrsta námskeiðið í fjölbreyttri flóru vef- og staðnámskeiða á haustönn skólans.

Í upp­hafi kjör­tíma­bils setti mat­vælaráðherra af stað einn fjöl­menn­asta starfs­hóp Íslands­sög­unn­ar und­ir nafn­inu Auðlind­in okk­ar. Mark­miðið, að koma á sátt um stjórn fisk­veiða. All­ir vita að ís­lenska kvóta­kerfið hef­ur um ára­bil mis­boðið rétt­lætis­kennd þjóðar­inn­ar. Kvóta­kerfið hef­ur skilað helm­ingi minni afla á land en fyr­ir daga þess og kvótaþegar hafa kom­ist upp með að selja helstu út­flutn­ingsaf­urð þjóðar­inn­ar í gegn­um skúffu­fyr­ir­tæki í skatta­skjól­um.

Bryndísi Rún Baldursdóttur, markaðsstjóra Ungra athafnakvenna, langar að fá fleiri konur af Norðurlandi vestra til að vera með í þessum frábæra félagsskap sem UAK er. Hún setti sig í samband við Feyki og sagði okkur frá því hvað UAK er og líka hver hún sjálf er. „Stundum gætir þess misskilnings að viðkomandi þurfi að vera í atvinnurekstri til að vera í félaginu, það er alls ekki svo. Þetta er vettvangur fyrir konur til að eflast og styrkja tengslanetið sitt, félagið heldur alls kyns viðburði í þeim tilgangi. Það er ekkert aldurstakmark í félagið, allar konur geta verið ungar í anda svo þeim er öllum velkomið að ganga til liðs við okkur.“

Um helgina fór stórt badmintonmót fram í Arena Nord í Fredrikshavn í Danmörku, alls voru um 340 þátttakendur skráðir til leiks og þar af 50 frá Íslandi. Á heimasíðu Tindastóls er sagt frá því að í íslenska hópnum voru tveir þátttakendur frá Badmintondeild Tindastóls, þær Emma Katrín og Júlía Marín Helgadætur.

Lið Tindastóls og Keflavíkur mættust á Sauðárkróksvelli í dag í fyrstu umferð úrslitakeppni liðanna í neðri hluta Bestu deildarinnar. Suðvestan strekkingur setti talsvert strik í leikinn en var þó ekki það strembinn að ekki væri hægt að spila boltanum. Gestirnir komust yfir snemma leiks en Stólastúlkur jöfnuðu eftir klukkutíma leik og þar við sat. Lokatölur 1-1 og verða það að teljast nokkuð sanngjörn úrslit.

Það var ljóst fyrir tímabilið í Bestu deildinni að lið Tindastóls yrði að styrkja sig. Augljóslega þurfti að finna markvörð í stað Amber Michel sem ákvað að freista gæfunnar í Bandaríkjunum. Í hennar stað kom Monica Wilhelm og á sama tíma gekk Gwen Mummert til liðs við Stólastúlkur. „Gwen er gríðarlega sterk og fljót, er góð á boltanum, með góðar sendingar og mjög sterk i föstum leikatriðum. Mörg lið voru á höttunum eftir Gwen og mikil ánægja er með að hún hafi valið að koma á Krókinn,“ sagði Donni þjálfari við Feyki þegar þær stöllur voru kynntar til sögunnar.

Á vef Samtaka sveitarfélaga á Norðurlandi vestra er sagt frá því að í síðustu viku hafi samtökin fengið þær frábæru fréttir að SSNV hafi verið úthlutað styrk fyrir tveimur viðburðum úr samfélagssjóði Landsvirkjunar. Styrkirnir eru vegna ungmennaþings um valdeflingu ungs fólks á Norðurlandi vestra sem fram á að fara á Blönduósi í október og síðan örráðstefnu um umhverfismál á Norðurlandi vestra.