Gallabuxurnar héngu fastar á spoilernum
Hver er maðurinn? Ingi Þór Rúnarsson
Hverra manna ertu ? Sonur Rúnars hjá Símanum og Eyrúnar aðstoðarkonu Palla tannlæknis. Bjó á Sauðárkróki þar til leiðir skildu og ég hóf nám í háskóla.
Árgangur? 1973 módel
Hvar elur þú manninn í dag ? Bý í Hafnarfirði en starfa í Reykjavík.
Fjölskylduhagir? Trúlofaður Fjólu Bjarnadóttur, Hafnfirðingi með meiru.
Afkomendur? Rakel Heba, 10 ára og Jóhannes Rúnar 4ra ára. Fjóla á eina dóttur, Rebekku Rós sem er 7 ára og svo er eitt á leiðinni hjá okkur.
Helstu áhugamál? Fjölskyldan, stang- og skotveiði, fótbolti og körfubolti.
Við hvað starfar þú? Ég starfa hjá Nýja Glitni hf.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er ..................... best
Það er gaman......................... að koma á heimaslóðir í Skagafjörðinn.
Ég man þá daga er........................ sveitaböll voru nánast vikulega í Skagafirðinum.
Ein gömul og góð sönn saga.................. Mér dettur ein í hug. Það var þegar Smári Eiríks var nýbúinn að fjárfesta í 1. bílnum sínum. Hvít Toyota með spoiler og það var komið að fyrstu ferð hans á honum útúr Skagafirðinum. Við fórum saman suður á honum félagarnir á föstudegi, ég, Smári, Stebbi Vagn og Grétar og vorum að fara að spila við ÍR á laugardeginum í Breiðholtinu. Við fórum svo saman, ég, Grétar og Smári vestur í bæ til að sækja Stebba á laugardeginum og það var mjög heitt í veðri. Á meðan við biðum eftir Stebba fyrir utan hjá honum ákvað einn okkar að vera á stuttbuxunum og fór því úr gallabuxunum og setti þær á toppinn á bílnum meðan hann græjaði sig í stuttbuxurnar. Svo kom Stebbi og við héldum af stað í gegnum borgina. Fljótlega tókum við eftir því að mikið var horft á okkur í bílnum og Smári bretti upp ermarnar og setti á sig sólgleraugun og var mjög ánægður með eftirtektina sem bíllinn hans fékk. Þegar við stigum útúr bílnum í Breiðholtinu þá fór brosið fljótlega af Smára þegar við sáum af hverju það var horft svona mikið á okkur í gegnum borgina. Gallabuxurnar héngu fastar á spilernum á bílnum og Smári hét því að fara aldrei aftur til Reykjavíkur á honum.
Spurt frá síðasta viðmælanda.................... Voru þetta samantekin ráð hjá þér og Stebba?
Svar............ Nei Stebbi greyið kom ekki nálægt þessu en hann var snöggur að mæta á svæðið þegar útkallið kom.
Hvern villt þú sjá svara þessum spurningum og hvaða spurningu myndir þú leggja fyrir viðkomandi?
Nafn............. Friðrik Smári Eiríksson
Spurningin er.................. Hver er eftirminnilegasti leikurinn sem þú spilaðir með Stólunum?
Fleiri fréttir
-
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira -
Höfðinglegur styrkur Gæranna á árinu
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.18Nytjamarkaðurinn á Hvammstanga er mörgum af góðu kunnur. Hann er rekinn af Gærunum, vöskum hópi kvenna sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á árinu sem er að líða gáfu þær líkt og fyrri ár gjafir til stofnana sveitarfélagsins af miklum rausnarskap, segir á heimasíðu Húnaþings vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.