Fréttir

Gerður Rósa Sigurðardóttir á Hvammstanga svarar Rabb-a-babbi að þessu sinni. Hún er uppalin á Kolugili í Víðidal, undan Nínu Sig og Sigga, eins og hún segir sjálf. Rósa starfar sem skrifstofustjóri hjá Sláturhúsi KVH á Hvammstanga og er stundum meðhjálpari. Hún er tamningamaður að mennt frá Hólaskóla og er gift Kristjáni Svavari en saman eiga þau þrjú börn.

Í tilkynningu frá Skagafjarðarveitum segir að fimmtudaginn 7. Nóvember kl. 9:00 stöðvast rennsli á heituvatni til notenda í Akrahreppi fram eftir degi vegna viðhalds og breytinga í dælustöðinni við Syðstu – Grund. Svæðið sem þetta nær til er frá Dýrfinnustöðum í norður og að Uppsölum í suður.

Úthlutunarnefnd um úthlutun rekstrarstuðnings til einkarekinna fjölmiðla hefur lokið störfum í ár. Alls bárust 30 umsóknir um rekstrarstuðning til einkarekinna fjölmiðla og samtals var sótt um rekstrarstuðning að fjárhæð 936,8 milljónir kr. en til úthlutunar voru því 550.901.932 kr. Útgefandi Feykis, Nýprent ehf., fékk að þessu sinni styrk að upphæð 5.305.651 en auk þess að gefa út Feyki heldur Nýprent einnig úti vefnum Feykir.is.

Nú fer að verða síðasti séns að sjá listasýninguna „Myrkrið nálgast“ í Hillebrandtshúsi, gamla bænum á Blönduósi.

Strandveiðar eru ekki bara kjölfesta í mörgum sjávarbyggðum heldur líka mikil menningarverðmæti sem ber að stórefla fyrir atvinnuöryggi og möguleika komandi kynslóða til að stunda sjósókn á eigin forsendum án þess að gerast leiguliðar stórútgerðarinnar sem hefur yfir að ráða milli 80 til 90% allra aflaheimilda í dag.

Áskorun var send til sveitastjóra á Norðurlandi vestra frá fulltrúm kennara og stjórnenda þar sem skorað er á sveitarstjórnarfólk að vanda orðræðu sína um kennara og skólastarf, jafnt á opinberum vettvangi sem annars staðar, og leggi sig inn í skólamál og starfsumhverfi skólanna. 

Nóvember er genginn í garð og áður en við vitum af verðum við farin að rífa pappírinn utan af jólagjöfunum og liggja afvelta í sterkbyggðum sófum eftir að hafa sporðrennt hamborgarhrygg, konfekti og öðru jólafíneríi. Áður en að því kemur megum við ekki missa af tónleikunum Jólin heima sem fara fram í Miðgarði 14. desember. Fljótt varð uppselt á tónleikana og var því öðrum bætt við. Feykir spurði tónleikahaldarann, Jóhann Daða Gíslason, aðeins út í tónleikana en enn er hægt að næla í miða á aukatónleikana sem að þessu sinni verða eins og aðal.

Stjórn Félags- og skólaþjónustu A-Hún fundaði þann 29. október síðastliðinn og tók þar ákvörðun um að segja upp samningi byggðasamlagsins við Sjúkratryggingar Íslands og Heilbrigðisráðuneytið vegna reksturs Hjúkrunarheimilisins Sæborgar á Skagaströnd. Í frétt á vef Skagastrandar segir að ákvörðunin sé tekin að vel ígrunduðu máli enda ekki forsvaranlegt að sveitarfélögin sem að rekstrinum standa haldi áfram að greiða tugi milljóna með rekstrinum árlega þegar verkefnið er ekki á ábyrgð sveitarfélaga lögum samkvæmt.

Mig langar að setja á blað nokkur orð um þá þjónustu sem er í boði í Skagafirði á söfnun sjálfdauðra dýra frá búrekstri til að útskýra hvaða sjónarmið liggja að baki núverandi fyrirkomulagi og áformum um breytingar á því.

Síðustu vikur hafa starfsmenn Héraðsbóka-safns Skagfirðinga verið að halda upp á afmæli safnsins en á þessu ári eru 120 ár síðan sú ágæta ákvörðun var tekin á sýslunefndarfundi Skagfirðinga að setja á laggirnar bókasafn. Það var því ekki úr vegi að leggja nokkrar spurningar fyrir héraðsbókavörð en því starfi gegnir Kristín Sigurrós Einarsdóttir. Það er að sjálfsögðu óþarfi að taka fram að hún hefur ekki gegnt starfinu frá fyrstu tíð enda aðeins eitt og hálft ár síðan Stína tók við keflinu af Þórdísi Friðbjörnsdóttur sem gegndi starfinu þar á undan – já og var heldur ekki fyrsti héraðsbókavörðurinn. Núverandi héraðsbóka-vörður býr á Hofsósi en starfar á Sauðárkróki enda höfuðstöðvar Héraðs-bókasafnsins staðsettar í Safnahúsi Skagfirðinga. En hvað ætli sé vitað um aðdragandann að stofnun bókasafns í Skagafirði?