Fréttir

Að þessu sinni er veislan í Víðidalstungurétt Húnaþingi vestra, föstudaginn 6. október nk. verður stóðsmölun í vestrinu. Stóðinu verður hleypt í gegnum hliðið við Bergárbrú klukkan 14:30. Milli klukkan 14:00 og 17:00 verður boðið uppá súpu í skemmunni á Kolugili. Pantanir sendist á kolugil@gmail.com. Lagt verður af stað með stóðið frá Kolugili klukkan 16:30. Hafa skal í huga að ný rekstrarleið verður farin og er hún eftir malbikaða veginum fyrir neðan Dæli. Eru því gestir beðnir að fara varlega eftir stóðinu á leið sinni í nátthólfið, hvort sem fólk er á hestum, bílum, reiðhjólum eða gangandi.

Leikfélag Blönduóss auglýsir eftir efni fyrir viðburðinn „Upplestur“ sem fyrirhugaður er nú í vetur. Um er að ræða viðburð þar sem leikhópurinn mun lesa upp með leikrænum tilþrifum frásagnir, bréf, dagbókafærslur og annað í þeim dúr sem lífga upp á tilveruna. Takið eftir, sagnafólk og unnendur leyndarmála! Leikfélag Blönduóss býður ykkur ad leggja til kærkomnustu, vandræðalegustu eða áhugaverðustu frásagnir ykkar fyrir næsta viðburð okkar „Upplestur“

Í tilkynningu frá skrifstofum sýslumannsins á Norðurlandi vestra á Blönduósi og á Sauðárkróki segir að þær verði lokaðar frá kl. 11 fimmtudaginn 5. október. Opnar svo aftur föstudaginn 6. október klukkan 09:00. Erindum má beina á nordurlandvestra@syslumenn.is eða innheimta@syslumenn.is en þeim verður svarað næsta dag. Bendum einnig á stafrænar umsóknir á vef ef við á.

Tindastóll er skrefinu nær því að tryggja sér sæti í FIBA Europe Cup keppninni en seinni leikurinn fer fram á morgun kl. 16:00 á móti BC Trepka. Þar sem undirritaður var á fullu að setja upp Fréttablaðið Feykir, sem kemur út á morgun, á meðan á leik stóð gat hann ekki mikið fylgst með gengi mála öðruvísi en að horfa á stöðuna af og til. Leikurinn byrjaði ekkert svakalega vel fyrir okkar menn og ef ég man rétt vorum við um 10 stigum undir í hálfleik. Pavel hefur því náð að stappa stálinu í hópinn í leikhléinu því þeir enduðu með því að sigra með 7 stiga mun. Vel gert Tindastóll - Gangi ykkur vel á morgun.

Húsnæðis- og mannvirkjastofnun auglýsir eftir umsóknum um styrki úr Aski–mannvirkjarannsóknasjóði fyrir þriðja styrkár sjóðsins, styrkárið 2023.

Sjö nýsköpunarteymi af Norðurlandi hafa verið valin til þátttöku í viðskiptahraðalinn Startup Storm sem hefst 4. október næstkomandi. Startup Stormur er sjö vikna hraðall fyrir græn verkefni á Norðurlandi, þar sem þátttakendur fá tækifæri til að efla sig og sín fyrirtæki og vaxa með vindinn í bakið.

Í upphafi síðasta mánaðar kynnti Samkeppnisstofnun skýrslu um samráð skipafélaganna Eimskipa og Samskipa og að stjórnendur Eimskipa hafi samþykkt 1,2 milljarða sekt, en mál sé höfðað gegn Samskipum þar sem farið er fram á 4,2 milljarða í sekt. Hverjir borga þessar sektir að endingu aðrir en neytendur. Sektirnar munu beinast að fólkinu í landinu. Í stað þess að beinast að gerendum og fyrirtækjunum. Við athugun á viðurlögum við broti á samkeppnislögum geta þau verið allt að 6 ára fangelsi. En um það má lesa í 4. kafla 1. greinar samkeppnislaganna. Þar vantar ákvæði um að leggja megi hald á og gera upptæk þau fyrirtæki sem gerist sannarlega brotleg við umrædd lög.

Á Facebook-síðunni Björgunarsveitin Skagfirðingasveit er tilkynning til íbúa Sauðárkróks. Þar segja þau frá því að félagar úr Björgunarsveitinni verði á röltinu, þriðjudaginn 3. okt., á milli húsa í fjáröflunarverkefni fyrir Skagafjörð við að skrásetja ruslatunnur á Króknum og þar með talið brúna hólfið sem er fyrir lífræna úrganginn. Það verði því nauðsynlegt að opna tunnurnar og íbúar megi eiga von á því að félagar sveitarinnar verði að hnýsast eitthvað en það er bara í góðum tilgangi, ekkert slæmt á ferðinni.

Gráni gamli, þruman og kagginn eru algeng gælunöfn á bílum og er þetta ótrúlega skemmtileg hefð sem ég hef fallið fyrir. Ég hef yfirleitt notað bílategundina til að nefna bílana mína eins og t.d Yarrinn (Yaris) og Rollan (Corolla). Þannig að ef þú ert ekki nú þegar búin/n að gefa bílnum þínum gælunafn þá er um að gera að gera það í dag því það er alþjóðlegi gefðu bílnum þínum nafn í dag. En hvað segja lesendur Feykis, þeir sem eru löng búnir að skíra bílana sína skemmtilegum nöfnun, hvað heita þeir?

Á Facebooksíðu Körfuknattleiksdeildar Tindastóls segir að meistaraflokkur karla lagði land undir fót og hélt af stað til Eistlands þar sem þeir munu taka þátt í forkeppni FIBA Europe Cup. Tindastóll varð íslandsmeistari í vor og áttu þeir því rétt á ásamt fjórum efstu liðum deildarinnar að sækja um þátttöku í þessari keppni. Um er að ræða þriggja liða riðil í forkeppni og mun það lið sem verður í fyrsta sæti tryggja sér þátttöku í riðlakeppni mótsins og er þá keppt heima og að heiman í fjögurra liða riðlum.