Nýr snjótroðari afhentur formlega
Skíðasvæðinu í Tindastóli barst öflugur liðsauki síðastliðinn mánudag þegar nýr snjótroðari var afhentur formlega. Það var Viggó Jónsson frá fyrirtækinu Rafstillingu ehf. sem afhenti sveitarstjórn nýja troðarann og var það Sigfús Ingi Sigfússon, sveitarstjóri Sveitarfélagsins Skagafjarðar, sem tók við lyklunum.
Nýi snjótroðarinn er af gerðinni Prinuth Leitwolf, árgerð 2011, og er vélarstærð hans um 500 hestöfl. Hann er ekinn um 5000 tíma og 600 tíma á spili og er allur yfirfarinn og skoðaður hjá verksmiðjunum á Ítalíu þaðan sem hann kemur. Það er fyrirtækið Rafstilling ehf. sem flytur inn troðarann en fyrirtækið hefur umboð fyrir skíðalyftur og snjótroðara.
Nýi snjótroðarinn leysir af hólmi annan eldri, sömu tegundar sem keyptur var árið 1997 og er því kominn til ára sinna eftir dygga og farsæla þjónustu í fjallinu. Sigurður Hauksson, umsjónarmaður skíðasvæðisins, segir kosti nýja troðarans ótvíræða en með tilkomu hans helmingast sá tími sem tekur að troða brekkurnar svo og olíukostnaður, auk þess sem hann er mun betra og öruggara vinnutæki. Það er nýjung í Tindastólnum að vera með snjótroðara með spili en það gerir það að verkum að mun fljótlegra er að troða brekkurnar og auðveldar það verk mjög, auk þess sem þessi troðari kemst þar um brattlendi sem gamli troðarinn á enga möguleika á að troða.
Að sögn Sigurðar hefur það verið mikið kappsmál að fá þetta nýja tæki fyrir veturinn og hefur verið unnið að því hörðum höndum. Vill hann koma á framfæri kærum þökkum til sveitarfélagsins fyrir stuðninginn við skíðasvæðið sem hefur gert þetta að veruleika.
Það sem af er vetri hafa skíðabrekkurnar ekki verið opnar almenningi en æfingar hjá skíðadeild Tindastóls hafa verið í gangi og eru að hefjast að nýju eftir jólafrí. Sigurður segir ánægjulegt að þar hafi nýir iðkendur verið að koma inn og eru skráningar í gangi. Einnig hefur verið góð aðsókn á gönguskíðasvæðið það sem af er vetri. Hann lítur björtum augum til vetrarins og vonast til að hægt verði að opna svæðið fljótlega en það er að sjálfsögðu bundið við sóttvarnarreglur vegna COVID-19.
(Í myndatexta á forsíðu nýjasta tölublað Feykis víxluðust nöfn þeirra Gísla Sigurðssonar og Stefáns Vagns Stefánssonar. Beðið er velvirðingar á því).
Fleiri fréttir
-
SSNV fékk fulltrúa stýrihóps stjórnarráðsins um byggðamál í heimsókn
feykir.is Skagafjörður, Austur-Húnavatnssýsla, Vestur-Húnavatnssýsla 04.03.2025 kl. 14.25Miðvikudaginn 26. febrúar síðastliðinn heimsóttu fulltrúar stýrihóps stjórnarráðsins um byggðamál ásamt fulltrúum Byggðastofnunar starfsmenn SSNV á Hvammstanga. Fundurinn var gagnlegur og var fjallað um margvísleg málefni sem tengjast uppbyggingu og þróun svæðisins.Meira -
Níu umferðarslys tilkynnt til lögreglu í febrúar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.03.2025 kl. 14.15Lögreglan á Norðurlandi vestra hafði í nógu að snúast í febrúar eins og í janúar og var málafjöldi þessara mánaða áþekkur eða á fimmta hundrað mál. Veður hafði nokkur áhrif á verkefni lögreglunnar að þessu sinni enda nokkuð byljótt tíðin. Þá var bæði tilkynnt um foktjón sem og ófærð víða.Meira -
Anna Hulda djákni ráðin í hlutastarf í Skagafjarðarprestakalli
feykir.is Skagafjörður, Austur-Húnavatnssýsla, Vestur-Húnavatnssýsla 04.03.2025 kl. 13.41Á Facebook-síðunni Kirkjan í Skagafirði segir að Anna Hulda Júlíusdóttir hafi verið ráðin í hlutastarf í Skagafjarðarprestakalli. Anna Hulda hefur víðtæka reynslu af kirkjustarfi og sálgæslu. Hún er mörgum Skagfirðingum af góðu kunn eftir að hafa starfað á Löngumýri, þar sem hún m.a. veitti orlofsbúðum eldri borgara forstöðu. Hún var vígð til þjónustu við orlofsbúðirnar á Löngumýri þann 1. mars árið 2020. Síðasta ár vann hún í sálgæsluteymi Landsspítala háskólasjúkrahúss.Meira -
Fimm verkefni á Norðurlandi vestra fengu styrki úr Lýðheilsusjóði
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 04.03.2025 kl. 13.40Alma B. Möller heilbrigðisráðherra úthlutaði sl. föstudag styrkjum úr Lýðheilsussjóði fyrir árið 2025. Alls voru 98 milljónir til úthlutunar sem öll miða að því að efla lýðheilsu. Fimm verkefni á Norðurlandi vestra hlutu styrki, fjögur þeirra í Húnaþingi vestra og eitt í Skagafirði.Meira -
Dansskóli Menningarfélags Húnaþings vestra á heimsmeistaramót í dansi
feykir.is Austur-Húnavatnssýsla, Vestur-Húnavatnssýsla 04.03.2025 kl. 13.18Dansskóli Menningarfélags Húnaþings vestra átti glæsilega frammistöðu í undankeppni Dance World Cup sem haldin var á stóra sviðinu í Borgarleikhúsinu helgina 21.-23. febrúar. Danshópur skólans hafnaði í þriðja sæti í sínum flokki, sem tryggir hópnum sæti á heimsmeistaramótinu í dansi, Dance World Cup, sem fram fer á Spáni í byrjun júlí, segir á vef ssnv.is.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.