Dansskóli Menningarfélags Húnaþings vestra á heimsmeistaramót í dansi
Dansskóli Menningarfélags Húnaþings vestra átti glæsilega frammistöðu í undankeppni Dance World Cup sem haldin var á stóra sviðinu í Borgarleikhúsinu helgina 21.-23. febrúar. Danshópur skólans hafnaði í þriðja sæti í sínum flokki, sem tryggir hópnum sæti á heimsmeistaramótinu í dansi, Dance World Cup, sem fram fer á Spáni í júlíbyrjun. Með þessum frábæra árangri munu dansararnir frá Norðurlandi vestra vera fulltrúar Íslands á þessu alþjóðlega móti þar sem keppendur koma víðs vegar að úr heiminum, segir á vef ssnv.is.
Menningarfélag Húnaþings vestra hefur lagt mikla áherslu á að efla dansmenningu á svæðinu og hefur dansskóli félagsins notið stuðnings frá Uppbyggingarsjóði Norðurlands vestra til að efla starfsemi skólans. Skólinn er starfræktur í Húnaþingi vestra og Húnabyggð. Með þessum frábæra árangri hefur Dansskóli Menningarfélags Húnaþings vestra sannað gildi sitt sem mikilvægur hluti af menningar- og listalífi svæðisins.
"Krakkarnir stóðu sig frábærlega, og langt umfram það sem ég þorði að gera mér vonir um. Þau hafa sannað að þau eiga fullt erindi á lokakeppnina. Það verður að viðurkennast að við stöndum allt í einu frammi fyrir stóru verkefni til að fjármagna ferð þeirra á keppnina. Við erum þakklát allri liðveislu við að koma þessum glæsilegu fulltrúum landshlutans á lokakeppnina á Spáni." segir Sigurður Líndal formaður Menningarfélags Húnaþings vestra.
Fyrir þá sem vilja styðja danshópinn og leggja sitt af mörkum við að standa straum af ferðakostnaði til Spánar á Dance World Cup, er hægt að leggja inn framlög á bankareikning Menningarfélags Húnaþings vestra: Kennitala: 580116-2130 Reikningsnúmer: 0159-05-060370.
SSNV og Feykir senda hópnum innilegar hamingjuóskir og óska þeim góðs gengis á Dance World Cup!
Frétt tekin af vef ssnv.is
Fleiri fréttir
-
SSNV fékk fulltrúa stýrihóps stjórnarráðsins um byggðamál í heimsókn
feykir.is Skagafjörður, Austur-Húnavatnssýsla, Vestur-Húnavatnssýsla 04.03.2025 kl. 14.25Miðvikudaginn 26. febrúar síðastliðinn heimsóttu fulltrúar stýrihóps stjórnarráðsins um byggðamál ásamt fulltrúum Byggðastofnunar starfsmenn SSNV á Hvammstanga. Fundurinn var gagnlegur og var fjallað um margvísleg málefni sem tengjast uppbyggingu og þróun svæðisins.Meira -
Níu umferðarslys tilkynnt til lögreglu í febrúar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.03.2025 kl. 14.15Lögreglan á Norðurlandi vestra hafði í nógu að snúast í febrúar eins og í janúar og var málafjöldi þessara mánaða áþekkur eða á fimmta hundrað mál. Veður hafði nokkur áhrif á verkefni lögreglunnar að þessu sinni enda nokkuð byljótt tíðin. Þá var bæði tilkynnt um foktjón sem og ófærð víða.Meira -
Anna Hulda djákni ráðin í hlutastarf í Skagafjarðarprestakalli
feykir.is Skagafjörður, Austur-Húnavatnssýsla, Vestur-Húnavatnssýsla 04.03.2025 kl. 13.41Á Facebook-síðunni Kirkjan í Skagafirði segir að Anna Hulda Júlíusdóttir hafi verið ráðin í hlutastarf í Skagafjarðarprestakalli. Anna Hulda hefur víðtæka reynslu af kirkjustarfi og sálgæslu. Hún er mörgum Skagfirðingum af góðu kunn eftir að hafa starfað á Löngumýri, þar sem hún m.a. veitti orlofsbúðum eldri borgara forstöðu. Hún var vígð til þjónustu við orlofsbúðirnar á Löngumýri þann 1. mars árið 2020. Síðasta ár vann hún í sálgæsluteymi Landsspítala háskólasjúkrahúss.Meira -
Fimm verkefni á Norðurlandi vestra fengu styrki úr Lýðheilsusjóði
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 04.03.2025 kl. 13.40Alma B. Möller heilbrigðisráðherra úthlutaði sl. föstudag styrkjum úr Lýðheilsussjóði fyrir árið 2025. Alls voru 98 milljónir til úthlutunar sem öll miða að því að efla lýðheilsu. Fimm verkefni á Norðurlandi vestra hlutu styrki, fjögur þeirra í Húnaþingi vestra og eitt í Skagafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.