Maria Gaskell nýr skólastjóri Tónlistarskóla Húnaþings vestra
Maria Gaskell hefur verið ráðin skólastjóri Tónlistarskóla en auglýst var eftir einstakling í það starf þann tólfta febrúar síðastliðinn. Á vef Sveitarfélagsins Húnaþings vestra kemur eftirfarandi fram:
“Á 339. fundi sveitarstjórnar var samþykkt að ráða Mariu Gaskell sem skólastjóra Tónlistarskóla Húnaþings vestra. Maria hefur langa reynslu af tónlistarkennslu og stjórnun bæði hér á landi og erlendis.
Maria er með B.A. gráðu í tónlist og ensku frá Christ Church háskóla í Bretlandi. Hún hefur einnig lokið P.G.C.E gráðu í tónlistarkennslu frá SPA háskóla í Bretlandi ásamt M.Ed. gráðu í tónlist og skapandi listum frá Exeter háskóla í Bretlandi.
Maria hefur starfað sem tónlistar- og tónmenntakennari í yfir þrjá áratugi. Þau hljóðfæri sem hún hefur kennt á eru m.a. píanó, saxafónn, blokkflauta, gítar, harmonika, klarinet auk söngs. María hefur sett upp söngleiki og samið tónlist í samvinnu við nemendur. Hún hefur gegnt stöðu deildarstjóra og sviðsstjóra tónlistardeildar við nokkra tónlistarskóla, í Bristol, Seyðisfirði, Swiss og London.
Maria kom fyrst til Íslands árið 1991 og kenndi þá við Tónlistarskóla Austur-Húnavatnssýslu og Húnavallaskóla þar sem hún stjórnaði einnig hljómsveitum og kórum. Maria bjó í 13 ár á Seyðisfirði og starfaði þar sem kennari og organisti. Þar kom hún að ýmsum verkefnum s.s. stjórnun kóra og hljómsveita ásamt því að starfa með leikfélaginu.”
Á komandi hausti mun tónlistarskóli Húnaþings vestra flytja í nýtt sérhannað húsnæði og því spennandi tímar framundan í tónlistarkennslu í Vestur Húnavatnssýslu.
/SMH
Fleiri fréttir
-
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira -
Höfðinglegur styrkur Gæranna á árinu
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.18Nytjamarkaðurinn á Hvammstanga er mörgum af góðu kunnur. Hann er rekinn af Gærunum, vöskum hópi kvenna sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á árinu sem er að líða gáfu þær líkt og fyrri ár gjafir til stofnana sveitarfélagsins af miklum rausnarskap, segir á heimasíðu Húnaþings vestra.Meira -
Þreifingar um sameiningu verkalýðsfélaga
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.07Þrjú af stærri verkalýðsfélögum á Norðurlandi vestra hafa ákveðið að kanna möguleika á sameiningu. Um er að ræða Samstöðu, Ölduna og Verslunarmannafélag Skagafjarðar. Stjórnir félaganna funduðu sameiginlega á Blönduósi 4. desember síðastliðinn og þar var ákveðið að bjóða Iðnsveinafélagi Skagafjarðar að taka þátt í umleitunum.Meira -
Kormákur Hvöt semur við Dominic og Sigurð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 19.12.2024 kl. 09.02Aðdáendasíða Kormáks Hvatar sagði frá því í vikunni að meistaraflokksráðið hafi ráðið enska þjálfarann Dominic Louis Furness til starfa fyrir leiktíðina 2025. Dominic, sem kemur frá Middlesborough í Norður-Jórvíkurskíri, þjálfaði lið Tindastóls síðastliðin tvö sumur, þar sem hann þótti brydda upp á skemmtilegum bolta. Sigraði liðið til að mynda 4. deildina í sumar með talsverðum yfirburðum. Einnig hafa þeir samið við Sigurður Pétur Stefánsson fyrir keppnistímabilið 2025 en hann spilaði með Kormáki/Hvöt á síðasta tímabili og var einn af mikilvægustu leikmönnum tímabilsins, spilaði flesta leiki allra leikmanna og steig þar í stóra skó á miðri miðjunni.Meira -
SSNV óskar eftir ábendingum um menningarhús á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 08.46Á heimasíðu SSNV segir að Í öllum sveitarfélögum, utan höfuðborgarsvæðisins, fer nú fram vinna við að safna gögnum um húsnæði eða staði þar sem fram fer menningar- og/eða listtengd starfsemi. Er þetta hluti af aðgerðaáætlun byggðaáætlunar og er markmið þessarar vinnu m.a. að efla menningarstarfsemi í byggðum landsins, í takt við meginmarkmið byggðaáætlunar sem er að jafna tækifæri allra landsmanna til atvinnu og þjónustu, jafna lífskjör og stuðla að sjálfbærri þróun byggðarlaga um land allt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.