Tilfinningar frá myrkri til ljóss
Dagana 25. nóvember til 1. desember komu ungmenni frá sveitum Toskana á Ítalíu, Pyhtää í Finnlandi og Húnaþingi vestra á Íslandi saman til þátttöku í Miðnæturljósi, Erasmus+ verkefni, sem miðar að því að hvetja til sköpunar og sjálfstjáningar. Íslenski hluti verkefnisins var skipulagður í samstarfi við Húnaklúbbinn, sem er félag ungs fólks í Húnaþingi vestra, og Félagsmiðstöðina Órion.
Miðnæturljós fjalla um tilfinningar á breiðum skala, allt frá „myrkri“ til „ljóss“, í gegnum sjónlistir og sviðslistir. Í vikunni lærðu þátttakendur að tjá sig betur og efla sjálfsmynd sína. Starfsemin miðaðist við fjögur meginþemu – náttúru, tíma, ljós og tækni – og innihélt ljósmyndun með ljósum, landslagsmálun, skuggaleikhús, spunaleik og ígrundaðar umræður.
Áhersla var lögð á andlega vellíðan og á að hvetja þátttakendur til að kanna eigin tilfinningar og byggja upp seiglu með tengingu við náttúruna og samfélagið sitt. Andleg vellíðan er stórt málefni meðal ungs fólks í dag og verkefni eins og Miðnæturljós skapa vettvang til að takast á við þetta á uppbyggilegan hátt. Með því að efla sjálfstjáningu og tengsl hjálpa slík verkefni ungmennum að takast á við áskoranir lífsins á sama tíma og þau njóta og fagna hæfileikum sínum. Að efla ungmenni með svona verkefnum styrkir ekki aðeins framtíð þeirra heldur líka samfélögin sem þau tilheyra.
Aðstandendur verkefnisins vilja nýta tækifærið og þakka sérstaklega Húnaþingi vestra, starfsfólki Kaupfélags Vestur-Húnvetninga og stjórn Húnaklúbbsins fyrir ómetanlegan stuðning og vinnuframlag sem gerði þetta verkefni að veruleika.
Fleiri fréttir
-
Textíl gámur Rauða krossins fjarlægður
feykir.is Skagafjörður 16.12.2024 kl. 10.45Vegna breyttra aðstæðna er hætt að taka á móti textíl í fatagáma Rauða krossins í Skagafirði. Fólk er bent á að fara með textíl á flokkunarstöðvar sveitarfélagsins. Koma má með vönduð, hrein og heil föt í búðina við Aðalgötu 10B á opnunartíma sem er á þriðjudögum frá kl. 13-16 og laugardögum frá kl. 13-16.Meira -
Dalamaðurinn í Hrútafirðinum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Hvað segja bændur? 15.12.2024 kl. 09.00Ingimar Sigurðsson býr á Kjörseyri í Hrútafirði vestanverðum. Er fráskilinn, býr einn og er með um 500 fjár. Ingimar er rafmagnstæknifræðingur að mennt og er löggildur rafverktaki. Vinnur sem rafvirki meðfram búskapnum eins og hann hefur tíma til. Á eina dóttur og tvö fósturbörn sem hjálpa til í sveitinni þegar þau geta.Meira -
Afrískur pottréttur og snickerskaka | Matgæðingur Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 14.12.2024 kl. 12.16Það er Helga Kristín Sigurðardóttir sem fékk áskorun frá dóttur sinni, Kristjönu Pálsdóttur, að taka við matgæðingaþætti Feykis fyrir tölublað 44 í fyrra og auðvitað tók Helga henni. Helga og maðurinn hennar, Páll Jóhannsson, eru bæði fædd og uppalin í Reykjavík, en móðurfjölskylda Helgu er frá Sólheimum í Sæmundarhlíð.Meira -
Frá Álaborg aftur heim í Skagafjörð
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Velkomin heim 14.12.2024 kl. 12.00Heiða B. Jóhannsdóttir hjúkrunarfræðingur og ljósmóðir á HSN á Sauðárkróki og á Blönduósi er fædd og uppalin á Sauðárkróki. Heiða er gift Árna Gísla Brynleifssyni og eiga þau börnin Louisu Lind 18 ára, Ingólf Snæ 11 ára og Evu Líf sjö ára. Heiða og Árni fluttu úr Skagafirði í ágúst 2014 og fluttu svo heim sléttum sjö árum síðar upp á dag. Feykir býður þau að sjálfsögðu velkomin heim.Meira -
Syngjandi Húnar á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 14.12.2024 kl. 09.00Það styttist í tónleika Jólahúna sem fara fram í Félagsheimilinu á Blönduósi sunnudaginn 15. desember og hefjast á slaginu sex. Það er að mestu sami hópurinn sem kemur fram núna og var í fyrra en að sögn Árnýjar Bjarkar Brynjólfsdóttur, yfirjólahúns, er algjörlega frábær stemning í hópnum, „æfingarnar ganga eins og í sögu og einkennast fyrst og fremst af hlátri, samvinnu og góðri vináttu. Það er hreint út sagt ómetanlegt að hafa þau með sér í liði.“ Veðrið hefur þó aðeins haldið hópnum á tánum sem er kannski ekki skrítið miðað við árstíma, en gular og appelsínugular veðurviðvaranir hafa heiðrað hópinn með nærveru sinni á æfingum, aðeins raskað tímasetningum og ferðaplönum svo nú er komin mikil spenna í hópinn að sjá veðurspá fyrir tónleikadaginn sjálfan.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.