Eldur í Húnaþingi - Hörku dagskrá framundan
Eldur í Húnaþingi er nú tendraður í 18. sinn en dagskrá hófst í gærmorgun, miðvikudag, með dansnámskeiði fyrir börn og stendur hátíðin fram á sunnudag. Hver viðburðurinn rekur annan og óhætt að telja að tónlistarfólk eigi eftir að halda uppi stemningu.
Á Facebooksíðu hátíðarinnar kemur fram að í upphafi hafi Eldur í Húnaþingi fyrst verið haldin sem unglistahátíð og þá bæði skipulögð og framkvæmd af ungi fólki í Húnaþingi vestra. Með tímanum hafi hátíðin á sig fjölskyldu- og bæjarhátíðarblæ og hefur dagskráin verið breytileg með ári hverju en oftar en ekki ræðst hún af áhugasviði stjórnenda. Nú í ár hefur ungt fólk tekið við framkvæmdarstjórn hátíðarinnar á ný og þótti því viðeigandi að líta aftur til fortíðar og var innblástur fenginn frá fyrri hátíðum. Gamlir og eftirminnilegir viðburðir verða haldnir á ný ásamt þeim árlegu viðburðum sem hafa einkennt hátíðina alveg frá upphafi. „Eldur í Húnaþingi hefur mikið gildi fyrir íbúa Húnaþings vestra en hátíðin einkennist af mikilli samheldni meðal íbúanna þar sem þátttaka er lykilatriði. Góður andi og brjálað stuð hefur verið ríkjandi á Eldinum alveg frá upphafi og verður hátíðin í ár engin undantekning,“ segir á síðunni.
Óhætt er að segja að stefnt sé á mikla stemningu með tónlistarfólki þar sem stuðlandsliðið mætir á svæðið. Ingó veðurguð verður með brekkusöng í Kirkjuhvammi á föstudagskvöldið og í kjölfarið verður dansleikur í félagsheimilinu þar sem hinir goðsagnakenndu Stuðmenn halda uppi fjöri. Á laugardagskvöldið mæta svo Paparnir í félagsheimilið og setja lokahnykkinn á viðburðaríkan dag.
Of langt mál er að telja allt upp sem í boði verður á Eldi í Húnaþingi en allir eru hvattir til að kynna sér hvað boðið er upp á.
Covid-19 áhrifin
Kórónuveiran hefur áhrif á Eldinn og segir í inngangi kynningabæklings hátíðarinnar að í ljósi aðstæðna hafi verið strembið að skipuleggja herlegheitin þar sem reglur um fjöldatakmarkanir og fleira hafi tekið sífelldum breytingum. Vegna þessa verður öll dagskrá að vera búin klukkan 23 og af þeim sökum hafi þurft að þjappa allri dagskrá saman, sem ekki reyndist auðvelt og vegna þess vill tíminn verða knappur milli sumra viðburða. „Vegna þessa þótti ekki við hæfi að halda tónleika í Borgarvirki eins og hefur verið gert síðustu ár. Þeir tónleikar verða færðir upp í Hvamm þar sem umferð til og frá Borgarvirki tekur einfaldlega of langan tíma,“ segir á FB síðu hátíðarinnar.
Sjá dagskrá HÉR
Fleiri fréttir
-
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira -
Höfðinglegur styrkur Gæranna á árinu
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.18Nytjamarkaðurinn á Hvammstanga er mörgum af góðu kunnur. Hann er rekinn af Gærunum, vöskum hópi kvenna sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á árinu sem er að líða gáfu þær líkt og fyrri ár gjafir til stofnana sveitarfélagsins af miklum rausnarskap, segir á heimasíðu Húnaþings vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.