Engin sláturtíð og 23 sagt upp hjá SAH afurðum á Blönduósi
Á vef SAH Afurða segir að engu sauðfé verði slátrað í sláturhúsi Kjarnafæðis Norðlenska á Blönduósi næsta haust. Ákvörðunin tengist nauðsynlegri hagræðingu í rekstri Kjarnafæðis Norðlenska. Þar segir að rekstur félagsins hafi verið þungur árið 2024, meðal annars vegna mikilla kostnaðarhækkana. Rík þörf sé á hagræðingu ef hægt eigi að vera að halda áfram á þeirri vegferð að bjóða neytendum vörur á samkeppnishæfu verði á sama tíma og verð til bænda þróist með ásættanlegum hætti.
Þá segir að áætlað sé að færa þá starfsemi sem hefur verið utan sláturtíðar í starfsstöðinni á Blönduósi til annarra starfsstöðva fyrirtækisins í áföngum og var í kjölfarið tuttugu og þremur starfsmönnum sláturhúss SAH Afurða á Blönduósi var sagt upp síðastliðinn föstudag. Fimm héldu starfi sínu. Ágúst Torfi Hauksson, framkvæmdastjóri Kjarnafæði Norðlenska, sem á og rekur sláturhúsið, staðfesti þetta við fréttastofu Ríkisútvarpsins í hádeginu. Hann segir að uppsagnirnar lið í nauðsynlegum hagræðingaraðgerðum. Pétur Arason, sveitarstjóri Húnabyggðar, segir uppsagnirnar sorgarfréttir fyrir samfélagið.
Stjórn Kjarnafæðis Norðlenska fór yfir afkomu ársins 2024 á fundi sínum 20. febrúar síðastliðinn og má lesa um erfiðan rekstur 2024 hér: Erfiðar aðstæður í rekstri Kjarnafæðis Norðlenska árið 2024
Nánar má lesa um þetta á vef RÚV.
Fréttir teknar af huni.is
Fleiri fréttir
-
Ingvi Þór vann bronsdeildina í 3. umferð Floridana deildarinnar á Akureyri
feykir.is Skagafjörður, Íþróttir, Lokað efni 03.03.2025 kl. 15.50Um sl. helgina fór fram 3. umferð Floridana deildarinnar í pílukasti sem haldin var í Píluaðstöðu hjá Píludeild Þórs á Akureyri. Alls tóku 50 þátttakendur þátt í mótinu en óvenju fámennur hópur gerði sér ferð frá PKS að þessu sinni yfir heiðina. Það voru þeir Jón Oddur Hjálmtýsson, sem spilaði í Gulldeildinni, Ingvi Þór Óskarsson, sem spilaði í Bronsdeildinni, og Einar Gíslason, sem spilaði í Stáldeildinni, sem gerðu sér ferð á mótið.Meira -
Leigir út útlimi og innyfli
feykir.is Skagafjörður, Listir og menning, Mannlíf, Lokað efni 03.03.2025 kl. 13.42Tinna Ingimarsdóttir er fædd og uppalin í Skagafirði, dóttir Kolbrúnar Ingólfsdóttur og Ingimars Ingimarssonar á Ytra- Skörðugili. Gift Ingimari Heiðari Eiríkssyni og saman eiga þau Tinna og Ingimar, Nikulás Nóa, þriggja ára gleðigjafa. Tinna er sjálfstætt starfandi gervahönnuður og blaðamaður Feykis búinn að fylgjast lengi, með mikilli aðdáun, með því sem Tinna gerir og kominn tími til að leyfa öðrum að kynnast þessari Skagfirsku listakonu aðeins betur.Meira -
Baula þær enn beljurnar á Bjarnastöðum?
feykir.is Skagafjörður, Austur-Húnavatnssýsla, Vestur-Húnavatnssýsla, Hr. Hundfúll 03.03.2025 kl. 12.39Baula þær enn beljurnar á Bjarnastöðum er fyrirsögn sem hr. Hundfull skrifaði árið 2013 þegar þriggja daga átveislan byrjaði það árið, þ.e. bolludagur, sprengidagur og öskudagur. Eftir að hafa lesið þessa fínu hugleiðingu hans er við hæfi að endurbirta hana því það eru eflaust margir sammála honum í þetta skiptið!Meira -
Hvaða framúrskarandi menningarverkefni hlýtur Eyrarrósina 2025?
feykir.is Skagafjörður, Austur-Húnavatnssýsla, Vestur-Húnavatnssýsla 03.03.2025 kl. 11.55Listahátíð í Reykjavík, Byggðastofnun og Icelandair auglýsa nú í nítjánda sinn eftir umsóknum um Eyrarrósina, viðurkenningu sem veitt er framúrskarandi menningarverkefni í landsbyggðunum. Horft er til þess að verkefnið hafi fest sig í sessi, verið starfrækt í yfir þrjú ár og hafi áhrif á menningarlíf á sínu landssvæði. Umsóknarfrestur um Eyrarrósina og hvatningarverðlaun Eyrarrósarinnar er til kl. 16:00 mánudaginn 24. marsMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.