Stöndum með Blönduósi | Anna Lára Jónsdóttir skrifar
Það voru alvarleg tíðindi sem bárust út atvinnulífi Blönduós og nærsveita fyrir helgi þar sem Kjarnafæði Norðlenska tilkynnti að ekki yrði slátrað á Blönduósi næsta haust og að 23 af 28 starfsmönnum fyrirtækisins hefði verið sagt upp. Uppsagnirnar eru mikið högg fyrir samfélagið. Sláturhúsið er einn stærsti vinnustaðurinn í Húnabyggð og hlutfallslega jafngildir þetta því að 3.000 manns myndu missa vinnuna í Reykjavík.
Óvissan um framtíð sláturhússins er kannski ekki ný á nálinni og má færa fyrir því rök að þessi þróun hafi verið fyrirséð. Það má líka færa fyrir því sterk rök að breytingar á búvörulögum sem samþykkt var á Alþingi í mars 2024 af síðustu ríkistjórnarflokkum sem hafa nú hafa verið dæmd ólögmætar hafi leitt til þessarar ákvörðunar fyrirtækisins. Breytingarnar fólu í sér að framleiðendafélögum var veitt undanþága frá samkeppnislögum. Það hafði þær afleiðingar að slík félög geta eða gátu stundað samráð sem áður var ólögmætt. Markmiðið var að hagræða í slátrun og vinnslu afurða bænda, svo hægt væri að tryggja bændum hærri tekjur án þess að neytendur greiddu hærra verð. Þetta hefur ekki gengið eftir. Við höfum séð verðhækkanir, sérstaklega á lambakjöti, án þess að ávinningurinn skili sér til bænda.
Stóra verkefnið framundan er að huga að nýjum atvinnutækifærum fyrir svæðið, og verja þau störf sem eru að tapast. Sá raunveruleiki sem við landsbyggðarfólk þekkjum vel er sú hætta að þegar einstaklingar missa vinnuna þar sem atvinnulíf er fábreytt leiðir það til þess að fólk flytjast frá svæðinu, ef starfstækifæri bjóðast ekki fljótt.
Taka þarf vel utan um þá einstaklinga sem standa frammi fyrir atvinnumissi og láta þau finna að okkur standi ekki á sama um velferð þeirra.
Blönduós er á lykilsvæði þegar kemur að þróun atvinnulífs á Norðurlandi vestra. Þar er að finna fjölbreytt tækifæri í landbúnaði, ferðaþjónustu, nýsköpun og þjónustu svo fátt eitt sé nefnt. Það er brýnt að sveitarfélagið og íbúar þess, fái stuðning þingmanna og opinberra stofnana til að koma framfaraverkefnum í farveg. Ég skora á fyrirtækið, Kjarnafæði Norðlenska, að vinna með heimamönnum að frekari atvinnuþróun og koma þeim mikla húsakosti sem SAH hefur til umráða undir nýja starfsemi, samfélaginu til heilla.
Arna Lára Jónsdóttir
Þingmaður Samfylkingarinnar í Norðvesturkjördæmi
Fleiri fréttir
-
Allir í Síkið!
feykir.is Skagafjörður, Íþróttir 06.03.2025 kl. 14.41Við viljum benda Skagfirðingum og öllum þeim sem halda með Tindastól á að það er leikdagur í dag. Strákarnir eiga leik á móti Keflavík kl. 19:15 en veislan byrjar að sjálfsögðu á því að mæta kl. 18:30 upp í íþróttahús og sprengja í sig eins og einum hammarra ef ekki tveim... Dressa sig upp í Tindastólsbúðinni svo maður verðir sér ekki til skammar í stúkunni þegar kameran rúllar yfir áhorfendastúkuna. Það má enginn halda að þú sért þarna til að styðja við Keflavík og þá er nú gott að vera með allavega eitt Tindastólsmerki á sér hvort sem það er á derhúfunni, bolnum, peysunni, bindinu, crocs skónum já eða á náttbuxunum...Meira -
Benni hættir með kvennalandsliðið
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 06.03.2025 kl. 14.11Á heimasíðu kki.is segir að Benedikt Guðmundsson hefur lokið störfum sem aðalþjálfari A landsliðs kvenna. Benedikt tók við landsliðinu í mars 2019 og á þessum tíma stýrði hann liðinu í 27 leikjum og unnust sex af þeim. Á þessum tíma fór liðið í gegnum kynslóðaskipti og gerði Benedikt virkilega vel í að setja saman spennandi hóp sem fór vaxandi með hverjum leiknum.Meira -
Grásleppan úr kvóta! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.03.2025 kl. 13.58Þau ólög um grásleppuveiðar sem sett voru á Alþingi í fyrra vor fólu í sér dæmigerða sérhagsmunagæslu fyrir þá sem lengi hafa barist fyrir kvótasetningu grásleppunnar og framsali veiðiheimilda. Það hefði hörmulegar afleiðingar fyrir þá grásleppusjómenn sem hafa verið að fjárfesta í greininni undanfarin ár. Ætla sér að stunda veiðar til framtíðar en ekki braska með veiðiheimildir og selja sig út úr greininni.Meira -
Hollvinasamtök HSN á Blönduósi færðu stofnuninni á Skagaströnd rafmagns hægindastól
feykir.is Austur-Húnavatnssýsla, Mannlíf, Lokað efni 06.03.2025 kl. 11.59Hollvinasamtök HSN á Blönduósi komu saman á HSN á Skagaströnd föstudaginn 28. febrúar síðastliðinn og færðu stofnuninni rafmagns hægindastól að andvirði 187.425 kr. Sigríður Stefánsdóttir, verkefnastjóri hjúkrunar og Helga Margrét Jóhannesdóttir, yfirhjúkrunarfræðingur svæðis tóku á móti stólnum með formlegum hætti.Meira -
Kjarnafæði Norðlenska og KS fengu bréf frá Samkeppniseftirlitinu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.03.2025 kl. 11.16Samkeppniseftirlitið hefur í kjölfar uppsagna 23 starfsmanna SAH Afurða á Blönduósi sent Kjarnafæði Norðlenska og Kaupfélagi Skagfirðinga bréf þar sem velt er upp hvort uppsagnirnar séu liður í samruna félaganna. Lögin sem gerðu KS kleift að kaupa Kjarnafæði Norðlenska voru í Héraðsdómi Reykjavíkur dæmd ólögleg í nóvember sl., og setti það söluna í uppnám, en í framhaldi af því beindi Samkeppniseftirlitið því til afurðastöðva að stöðva aðgerðir sem tengdust m.a. samrunum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.