A-Húnavatnssýsla

Kvöldið í Skagafirði var fagurt en kalt í gærkvöldi og vindurinn í verkfalli. Það var nánast sama hvar drepið var niður fæti, það var bara blankinn. Í dag er gert ráð fyrir heiðskýru og sól um allt Norðurland vestra og raunar víðast hvar á landinu. Reiknað er með hita í kringum 12 gráðurnar og húðlatri suðvestanátt. Svo virðist sem um sé að ræða dagstilboð hjá Veðurstofunni.

Grænir frumkvöðlar framtíðar (GFF) er fræðsluverkefni hjá Matís sem ætlað fyrir nemendur í efstu bekkjum grunnskóla og framhaldsskóla. Markmiðið er að fræða nemendur um áhrif loftslagsbreytinga á hafið og lífríki þess, sjálfbærni og nýsköpun á nýstárlegan og skemmtilegan hátt. Verkefnið er opið öllum skólum landsins og hefur Matís opnað fyrir skráningar fyrir skólaárið 2022- 2023.

Nýsköpunarhreyfingin Norðanátt býður upp á öflugt Vaxtarrými í annað sinn í haust en um átta vikna viðskiptahraðal er að ræða sem beint er að sjálfbærni, með áherslu á mat, vatn og orku þar sem þátttakendur fá tækifæri til að efla sig og sín fyrirtæki og vaxa með vindinn í bakinu.

Alls sóttu tíu einstaklingar um stöðu forstjóra Byggðastofnunar en fjórir hafa dregið umsókn sína til baka eftir að umsóknarfrestur rann út þann 25. júlí sl. Auglýst var eftir framsýnum leiðtoga til að takast á við áskoranir á sviði byggðaþróunar. Einstaklingi sem hefur brennandi áhuga á þróun og framtíð byggðamála á Íslandi, metnað til að veita framúrskarandi þjónustu og ná árangri í þágu almennings og atvinnulífs.

Það er alltaf gaman að geta birt myndir af sjaldséðum fiðruðum gestum hér á Fróni og ekki verra ef þeir láta sjá sig hér norðan lands. Á mánudag í síðustu viku náði hinn lunkni myndasmiður Elvar Már Jóhannsson myndir af afar sjaldséðum fuglum á Þrastarstöðum á Höfðaströndinni í Skagafirði svokölluðum taumgæsum, Anser indicus sem líklega má telja til evrópskra flækinga.

Það var leikið í 3. deildinni í knattspyrnu í dag en Húnvetningar héldu þá til Eyja og léku við heimamenn í KFS á Týsvelli. Eyjapiltarnir komust yfir snemma leiks en það var hasar í lokin en KFS stóð uppi sem sigurvegari eftir 2-1 sigur.

Feykir fékk sendar myndir af fuglahræjum sem lágu í fjörunni við Sauðárkrók á dögunum en á um 500 metra kafla sáust a.m.k. sjö dauðir lundar. Þó það sé ekki óalgengt að fuglahræ verði á vegi fólks í fjörugöngunni vekur þetta samt upp spurningar hvort fuglaflensu geti verið um að kenna.

Hólahátíð verður haldin hátíðleg nú dagana 13.-14. ágúst en venju samkvæmt er hátíðin haldin sunnudaginn í 17. viku sumars. Dagskráin verður örlítið óvenjuleg þar sem sr. Gísli Gunnarsson, sóknarprestur í Glaumbæjarprestakalli, verður vígður biskup en það er Biskup Íslands, sr. Agnes M. Sigurðardóttir, sem vígir sr. Gísla við hátíðlega athöfn á sunnudag í Hóladómkirkju.

Vísir.is er með Þórarinn G. Sverrisson, formann Öldunnar stéttarfélags í Skagafirði, í viðtali í kjölfar afsagnar Drífu Snædal sem forseta ASÍ. Hann segir fram­tíð verka­lýðs­hreyfingarinnar svarta eftir sviptingar innan hennar undan­fariðeftir að hópur fólks hafi komist til valda með of­forsi og ein­eltis­til­burðum, sem fáir séu spenntir að vinna með.

Á fundi sveitarstjórnar Skagastrandar þann 11. ágúst síðastliðinn var farið yfir erindi Byggðarstofnunar, frá 3. ágúst, um fyrirhugaða lokun Íslandspóst á almennri póstafgreiðslu á Skagaströnd frá og með 1. september næstkomandi.