A-Húnavatnssýsla

Elvar Már Jóhannsson er einn af áhugaljósmyndurum Skagafjarðar en hann fór á smá ljósmyndarúnt um helgina og náði nokkrum myndum af haferni sem var að spóka sig á Kjalvegi. Þar sem þessi tiltekni haförn var með dökkan gogg gefur það til kynna að um ungan haförn sé að ræða.  

Á laugardaginn spilaði mfl. kvenna á móti Aþenu í hörkuleik í Síkinu og enduðu leikar með því að Stólastúlkur unnu leikinn 63-57. Í leiknum skoraði Ify 21 stig, Emese setti niður 18 stig, Adriana var með 12 stig, Anika, Rannveig og Eva skoruðu svo allar 4 stig.

Á heimasíðunni Matland.is er hægt að gerast áskrifandi af grænmeti sem kemur beint frá bónda. Kassarnir eru breytilegir eftir því sem er ferskast hverju sinni en yfirleitt eru tegundirnar á bilinu átta til ellefu. Þeir sem gerast áskrifendur geta valið um að fá vikulega kassa, á tveggja vikna fresti eða mánaðarlega og er afhendingardagurinn á Hótel Blönduósi, Aðalgötu 6, á föstudögum. Maður getur sem sagt fengið nýtt og ferskt grænmeti fyrir hverja einustu helgi, hjómar dásamlega!

Á vef Fjölbrautaskóla Norðurlands vestra segir að eftir úrtökupróf fyrir Gettu betur í lok ágúst var myndaður sex manna æfingahópur sem hefur æft tvisvar í viku síðan í byrjun september. Sú breyting hafi orðið á fyrirkomulagi Gettu betur innan skólans að nemendur æfa nú á skólatíma, nýtast slíkar æfingar mun betur en æfingar á kvöldin og um helgar. Þennan hóp skipa þau Auður Ásta Þorsteinsdóttir, Matthias Sigurðsson, Daníel Smári Sveinsson, Alexander Victor Jóhannesson, Steinunn Daníella Jóhannesdóttir og Atli Steinn Stefánsson.

Nú hefur verið tilkynnt hvaða hrossaræktarbú fagráð í hrossarækt tilnefnir til ræktunarverðlauna bændasamtaka Íslands í ár. Verðlaun verða veitt á fagráðstefnu hrossaræktarinnar laugardaginn 3. desember.

Seinnipartinn í gær afhentu Kiwanisklúbbarnir Freyja og Drangey leikskólanum Ársölum á Sauðárkróki höfðinglega gjöf að andvirði kr. 850.000-.

Fornverkaskólinn í Skagafirði fékk í dag minjaverndarviðurkenningu Minjastofnunar Íslands 2023 fyrir mikilvægt brautryðjendastarf í þágu minjaverndar. Á Facebooksíðu Fornverkaskólans segir í  rökstuðningi að viðurkenningin sé veitt fyrir miðlun þekkingar á gömlu handverki til áhugafólks og fagfólks á sviði minjavörslu og að stuðla þannig að varðveislu handverkshefða.

Á vef SSNV segir að Guðlaugur Skúlason hefur verið ráðinn verkefnastjóri hjá SSNV og mun hefja störf í janúar. Guðlaugur er með BSc. í viðskiptafræði frá Háskóla Íslands og sveinspróf í húsasmíði frá Fjölbrautaskóla Norðurlands vestra. Undanfarin fjögur ár hefur Guðlaugur starfað sem deildarstjóri Landbúnaðar- og byggingavörudeildar hjá Kaupfélagi Skagfirðinga og þar áður sem viðskiptastjóri hjá Símanum og sem þjónustufulltrúi hjá Íbúðalánasjóði.

,,Þekktu rauðu ljósin - Soroptimistar hafna ofbeldi” er slagorð íslenskra Soroptimista í 16 daga átakinu að þessu sinni. Átakið sem leitt er af Sameinuðu þjóðunum og er alþjóðlegt hefst 25. nóvember og því lýkur 10. desember. Um allan heim sameinast hin ýmsu samtök í því að vekja athygli á kynbundnu ofbeldi með ýmsum hætti en roðagylltur litur er einkenni átaksins, #roðagyllumheiminn, #orangetheworld en hann á að tákna bjartari framtíð.

Bílstjóri og einn farþegi voru um borð í strætisvagni sem fór á hliðina í vonskuveðri á vegakaflanum milli Staðarskála og Reykjaskóla í Hrútafirði á áttunda tímanum í gærkvöldi. Engin slys urðu á fólki en viðbraðsaðilar hlúðu að þeim og farið var með þá í Staðarskála eins og fram kemur í frétt á visir.is