Skagafjörður

Þeim fjármunum sem úthlutað er í verkefninu er ætlað að styðja við kennslu, rannsóknir, leiðbeiningar og þróun í þremur búgreinum: Nautgriparækt, sauðfjárrækt og garðyrkju.

Fræðsludagur skóla í Skagafirði var haldinn í Miðgarði í Varmahlíð sl. þriðjudag. Þar kom saman starfsfólk leik-, grunn-, tónlistar- og framhaldsskóla, starfsmenn á fjölskyldusviði og kjörnir fulltrúar fræðslunefndar. Fram kemur í frétt á vef Skagafjarðar að fræðsludagurinn er árlegur viðburður í Skagafirði og er þetta í tólfta sinn sem slíkur dagur er haldinn hátíðlegur. Tilgangur fræðsludags er fyrst og fremst að hefja nýtt skólaár á samveru og samtali um áherslur í skólamálum hverju sinni. Starfsfólk sem tók þátt í fræðsludeginum í ár var um 240 talsins.

Sveitasælan, landbúnaðar og bændahátíð í Skagafirði verður haldin laugardaginn 19. ágúst nk. frá klukkan 10:00 til 17:00 og fer venju samkvæmt fram í Reiðhöllinni Svaðastöðum. Að sögn Sigurðar Bjarna Rafnssonar má búast við skemmtilegri fjölskyldustemningu og almennri skagfirskri gleði þar sem landbúnaðurinn verður í aðalhlutverki.

Það er óhætt að segja að Stólastúkur hafa hingað til ekki sótt gull í greipar Þróttara sem nú eru eitt albesta lið landsins. Í það minnsta man Bryndís Rut fyrirliði ekki til þess að hafa unnið Þrótt. Það má því kannski segja að það hafi ekki margir verið vongóðir um að lið Tindastóls færi á splunkunýjan gervigrasvöll þeirra reykvísku og tækju stigin þrjú með sér norður. En það var einmitt það sem gerðist í gærkvöldi. Gott skipulag, gæði og gríðarleg vinnusemi – og kannski pínu lukka – sáu til þess að Stólastúlkur sigruðu Þrótt 0-2. Seinna markið var af rándýrari gerðinni og hundraðasta mark Murr fyrir lið Tindastóls.

Í tilefni Sveitasælu sem fram fer um helgina hefur verið blásið til myndasamkeppni á Instagram. Þrjár bestu myndirnar verða valdar með tilliti til fjölda ,,like-a" á Instagram og verða verðlaun afhent á Sveitasælu í Skagafirði þann 19. ágúst nk.

Undirskriftapenninn er í fullri notkun hjá körfuknattleiksdeild Tindastóls og vissara að Dagur Baldvins og félagar kanni blekstöðuna fyrr en síðar. Ekki var nóg með að í gær hafi verið tilkynnt um að fjölmeistarinn Callum Lawson hefði samið um að spila með meistaraflokki karla því einnig var tilkynnt að unglingaráð hefði samið við Maríu Önnu Kemp Guðmundsdóttur og Cosmin Blagoi um að þjálfa yngri flokka félagsins. Blagoi mun einnig aðstoða Helga Margeirs með meistaraflokk kvenna og akademíu FNV.

...sagði Donni þjálfari þegar Feykir spurði hann hvernig honum liði eftir að Stólastúlkurnar hans báru loks sigurorð af Þrótti Reykjavík. Ef Feyki förlast ekki þá er þetta fyrsti sigur Tindastólsliðsins á Þrótti en liðin hafa mæst nokkuð oft síðustu árin og aldrei hafa Stólastúlkur sótt sigur í greipar þeirra röndóttu. Óvæntur 0-2 sigur á útivelli í kvöld gæti reynst ómetanlegur í baráttunni um að halda sæti í Bestu deildinni en lið Tindastóls er í sjöunda sæti deildarinnar með 18 stig þegar tvær umferðir eru eftir af deildarkeppninni.

Laugardaginn 26. ágúst verður haldið málþing í Kakalaskála í Blönduhlíð sem hefst kl. 14. Yfirskrift málþingsins er Drósir og dýrlingar. Fyrirlesarar eru að þessu sinni þrír, allt Skagfirðingar eða af skagfirskum ættum.

Rétt fyrir hádegi í dag fékk Guðmundur Stefán Sigurðarson, minjavörður Norðurlands vestra, tilkynningu um að mannabein hefðu mögulega fundist í jörðu á bænum Hóli í Sæmundarhlíð. Við nánari athugun kom í ljós að um kirkjugarð var að ræða sem ekki var áður vitað um.

Í gær undirrituðu Hólmfríður Sveinsdóttir, rektor Háskólans á Hólum, og Jón Atli Benediktsson, rektor Háskóla Íslands, viljayfirlýsingu um að hefja formlegar viðræður um aukið samstarf og hugsanlega sameiningu Háskólans á Hólum og Háskóla Íslands. „Bæði HVIN ráðuneytið [Háskóla-, iðnaðar- og nýsköpunarráðuneytið] sem og Háskóli Íslands sjá mikil tækifæri í áframhaldandi starfsemi Háskólans á Hólum í Skagafirði,“ segir m.a. í viljayfirlýsingu, sem undirrituð er af Háskólanum á Hólum, Háskóla Íslands og ráðuneyti háskólamála.