Gúllassúpa og mjólkurgrautur
Það var Auðbjörg Ósk Guðjónsdóttir (Abba) sem var matgæðingur vikunnar í tbl 37, 2022, en hún er menntaður Bowentæknir og er ásamt eiginmanni sínum, Guðbergi Ellerti (Begga) með B.A. í þroskaþjálfafræðum. Í dag starfar hún sem bílstjóri, kynningaraðili og sölumaður hjá Smáframleiðendum á ferðinni sem Vörusmiðja – BioPol á Skagaströnd heldur utan um og Beggi starfar á sambýlinu í Fellstúni sem forstöðuþroskaþjálfi. Abba og Beggi eiga saman tvö börn, Harald Óla (Halla) 18 ára, starfar hjá Sveitasetrinu Hofstöðum, og Hörpu Sóllilju (Skrípið, hennar orð) 11 ára grunnskólanema.
„Matargerð er vissulega ekki mín sterkasta hlið og ég get ekki sagt að ég njóti þess að brasa í eldhúsinu. Ég er meira í forvinnunni áður en hægt er að kalla hráefnið máltíð. Því sækist ég mjög eftir því að elda í stórum skömmtum og eiga í frosti eða geta sett allt í einn pott og þurfa lítið að hugsa um matinn fyrr en hann er tilbúinn. Gúllassúpa er tilvalin í frostið og mjólkurgrautur er það allra besta þegar mann langar að gera eitthvað annað en að elda. Mér finnst þó mikilvægt að nýta eðal hráefni og það er mikill kostur ef það kemur úr héraði,“ segir Abba.
UPPSKRIFT 1
Gúllassúpa
600 g gúllas (Ég mæli með góðu ærkjöti, súpan þarf þá dálítið lengri tíma).
1 rauð paprika, skorin í bita
1 gulur laukur
u.þ.b. 6 meðalstórar kartöflur
1 sæt kartafla
u.þ.b. 3 meðalstórar gulrætur
1 msk. paprika (krydd) Okkur finnst betra að hafa ½ msk. reykta papriku sterka og ½ msk. reykt paprika mild. Það má svo leika sér með það eftir því hvort fólk vill milda eða sterka súpu.
1 ½ tsk. cummin (ath. ekki kúmen)
salt og pipar
chili krydd eftir smekk (ég notaði chili explosion)
2 msk. ólívuolía
1 lítri kjötkraftur (nautakraftur og vatn)
3 hvítlauksgeirar, saxaðir smátt (eða meira því hvítlaukur er allra meina bót)
2 msk. smjör
1-2 msk. tómatpúrra
sýrður rjómi
Aðferð: Kjötið er skorið í minni teninga ef með þarf. Kartöflur, laukur og gulrætur flysjaðar og skornar í meðalstóra teninga. Kjöt, laukur og paprika er steikt upp úr olíu í stórum potti og öllum kryddunum bætt út í. Þegar kjötið hefur fengið lit er nautakraftinum og tómatpúrrunni bætt út í pottinn og suðan látin koma upp. Þá er smjörinu og hvítlauknum bætt út í. Látið malla í u.þ.b. 50 – 60 mín. – súpan verður enn betri ef hún fær að malla lengur! Þegar um það bil 20 mín. er eftir af suðutímanum eru kartöflunum og gulrótunum bætt út í súpuna. Borin fram með sýrðum rjóma og góðu brauði ef vilji er fyrir því. Best er að gera allt of margfalda uppskrift svo hægt sé að eiga súpu í frosti langt fram eftir vetri.
UPPSKRIFT 2
Mjólkurgrautur í ofni
2,5 dl hrísgrjón
2,5 dl vatn
1 lítri nýmjólk
nokkrar smjörklípur
1 tsk. salt
Aðferð: Hitið ofninn í 180°C. Blandið öllum hráefnum saman í stórt eldfast mót (amk 2 lítra) eða pott sem má fara í ofn. Setjið álpappír yfir og bakið í miðjum ofni í 1,5 klst. Á meðan er eitthvað skemmtilegt gert með fjölskyldunni. Þegar grauturinn er tilbúinn er hrært vel í honum. Ef vilji er fyrir þynnri graut má bæta mjólk út í hann. Borið fram með vel súru slátri og nokkrum köldum rúsínum (nema fyrir Begga).
Verði ykkur að góðu!
Abba skoraði á Árna Gísla Brynleifsson og Heiðu B. Jóhannsdóttur að taka við matgæðingarþætti Feykis.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.