Grillaður kjúklingabringuborgari og heit eplakaka
Matgæðingur í tbl 25, 2021, var Valgerður Karlotta Sverrisdóttir en hún er fædd og uppalin á Sauðárkróki en býr í dag í Reykjavík. Þangað flutti hún árið 1996 og er gift tveggja barna móðir. Hún á þau Sverri Má, 16 ára sem byrjaði í framhaldsskóla síðasta haust, og Filippíu Huld, sem verður 21 árs í haust og er nemandi við HÍ að læra ensku. Valgerður menntaði sig sem kjólasvein en hefur unnið á lögfræðistofu í 15 ár en passar sig á að njóta lífsins.
„Mér finnst fátt betra en að liggja uppi í sófa í mikilli leti og horfa á sjónvarpið. Er orðin algjör fótboltabulla og held með Liverpool í dag. Byrjaði árið 2018 því ég fattaði fótbolta frekar seint.....heheh,“ segir Valgerður sem játar að þegar hún fer á Krókinn þá sé hún á leiðinni heim.
AÐALRÉTTUR
Grillaður kjúklinga- bringuborgari með kartöflubátum
1 pk. kjúklingarbringur - 4 stk. / hver bringa skorin í tvennt
2 pk. kartöfluhamborgarabrauð
2 stk. miðlungskartöflur á mann
cheddar ostur
salat
avókado
paprika
tómatar
Heinz - seriously good majones
hamborgarasósa eða chili
bearnaise-sósa
Aðferð: Kjúklingabringur kryddaðar með hvítlauksolíu, heitu pizzukryddi frá Pottagöldrum, salti, cayenne pipar, hvítlaukssalti og rifnum parmesanosti. Þetta er svo grillað. Brauðið hitað, eða ristað, og smurt með Heinz majonesinu, salati og cheddar ostinum. Svo eru bringurnar settar ofan á brauðið ásamt grænmetinu og til að toppa þetta er sósan svo sett ofan á allt saman.
Meðlæti: Kartöflur skornar í báta og kryddaðar með hvítlauksolíu og salti. Grillaðar jafn lengi og kjúklingurinn.
EFTIRRÉTTUR
Eplakaka með rjóma
8-10 stk lítil epli eða 4 stór kanilsykur
rjómadropar frá Freyju
350 g smjör (ekki gott að nota smjörlíki)
350 g fínt spelt
250 g. hrásykur og eða
pálmakókossykur
Aðferð: Epli brytjuð ofan í eldfast mót, kanilsykur yfir (gott að blanda kanilsykrinum saman við eplin), droparnir ofan á. Bræða smjör við vægan hita, setja spelt og sykur út í (ef notað er pálmasykur verður blanda dökk). Persónulega finnst mér betra að nota hrásykur en átti hann ekki núna og notaði því pálmasykurinn. Blandan smurð ofan á og sett inn í heitan ofn við 175°C í 40-45 mínútur. Mikið atriði að súkkulaðið sé farið að koma í gegnum gumsið að ofan, þá er þetta orðið virkilega djúsí og gott. Borið fram með rjóma og eða ís.
Verði ykkur að góðu!
Valgerður skoraði á frænku sína, Rögnu Maríu í Hátúni.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.