Folaldakjöt og fleira gott
Matgæðingar í tbl 14, 2021, voru Magnús Sigurjónsson og Kristín Birgisdóttir í Syðri-Brekku í Austur-Húnavatnssýslu. Magnús er fæddur og uppalinn í Hafnarfirði og hefur lengst af starfað við kennslu en vinnur nú á skrifstofu Blönduósbæjar ásamt því að sinna bústörfum. Kristín er uppalin á Kornsá í Vatnsdal og er leikskólakennari og starfar á Leikskólanum Barnabæ á Blönduósi. Dóttir þeirra heitir Lilja Karen og er á öðru aldursári. Hér fyrir neðan má finna eitthvað gómsætt sem hefur verið mallað í eldhúsinu í Syðri-Brekku.
FORRÉTTUR
Lambafille með pestósósu
Lambafille
klettasalat
furuhnetur
parmesanostur
Sósa:
2 msk. grænt pestó
½ dl hvítvín
1 dl kjúklingasoð
1 dl rjómi
Aðferð: Byrjið á því að krydda lambafilleið og steikið eða grillið (magn eftir fjölda). Setjið smá klettasalat á forréttardisk, þrjár til fjórar þunnar sneiðar af lambafille ofan á saltatið, pestosósu yfir eða meðfram og stráið nokkrum þurrristuðum furuhnetum og parmesanosti yfir.
AÐALRÉTTUR
Folaldakjöt í Caj legi
með kartöflum, avacadosalati og sósu
Folaldakjöt (t.d lund eða fille)
Caj grillolía (BBQ og hvítlauks)
Pepper Mix krydd
Meðlæti: Kartöflur, avacado, fetaostur, litlir tómatar, brauðteningar, piparostur og rjómi.
Aðferð: Snyrtið kjötið og setjið í lög (Caj grillolían blanda saman BBQ og hvítlauks) og kryddið með PepperMix eða einhverju góðu sem er til í skápnum. Fínt að láta liggja vel og lengi. Kjötið má grilla eða setjið á pönnu, loka á og inn í ofn. Gott er að skera venjulegar kartöflur frekar þunnt og setja þær í ofnskúffu hella yfir þær olíu og strá kartöflukryddi. Avacadosalatið er ferskt og gott en ásamt avacadionu setjum við tómata (litla), brauðteninga og fetaost. Klassísk sósa er piparostasósan góða.
EFTIRRÉTTUR
Pönnukökur með ís og marengs
1 dl hveiti
4 egg
100 g brætt smjör
3 ½ -4 dl mjólk
¼ tsk. vanilludropar
2 dl sykur
2 eggjahvítur
ís
jarðarber
bláber
Mars
rjómi
Aðferð: Hrærið saman hveiti, eggjum smjöri, mjólk og vanilludropum og búið til pönnukökur, þær eru frekar þunnar (má bæta við hveiti). Þegar þú ert búinn að baka og þær orðnar kaldar setur þú ís ofan á pönnukökuna og pakkar ísnum inn í pönnukökuna og setur í frysti. Það er fínt að gera þetta deginum áður. Áður en eftirrétturinn er borinn fram þeytir þú eggjahvítur og sykur og setur marengsinn ofan á pönnukökuna og setur inn í ofn á grill. Marengsinn verður dökkur en passaðu að ísinn verði ekki of linur. Að lokum setur þú jarðarber og bláber og Mars-sósu (bræðir Mars í potti og bætir við rjóma).
Verði ykkur að góðu!
Magnús og Kristín skoruðu á Kristínu Ingibjörgu Lárusdóttur að taka við keflinu.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.