Feykir mælir með eggjaköku og eftirrétti fátæka mannsins
Það eru alveg að koma mánaðarmót og þá fer maður oft að skoða hvað situr eftir inn í ísskáp sem væri hægt að nota í eitthvað ljúffengt og gott. Feykir mælir því með, að þessu sinni, ofnbakaðri eggjaköku með grænmeti og svo eftirrétti fátæka mannsins sem er brauðbúðingur með vanillusósu.
Ofnbökuð eggjakaka með grænmeti
Uppskrift tekin af ljufmeti.is sem er í raun engin uppskrift því þetta er bara spurning um að taka það grænmeti sem til er í ísskápnum og nota það.
sætar kartöflur
papríka
brokkólí
sveppir
rauðlaukur
ítölsk hvítlausblanda frá Pottagöldrum
4-5 egg
fetaostur
smjör
Aðferð: Grænmetið skorið í hæfilega bita sem settir eru á pönnu og kryddað eftir smekk og steikt upp úr smá smjöri. Grænmetið er síðan sett í eldfast mót, 4-5 egg hrært saman, fetaostinum bætt við og svo hellt yfir grænmetið. Þetta er síðan sett inn í ofn á 180°C í um 20-25 mín. eða þar til eggjahræran er orðin passlega elduð. Þetta er tilvalið nesti til að taka með sér í vinnuna og þá er eggjakakan skorin í hæfilegar skammtastærðir sem eru svo frystar.
Eftirréttur fátæka mannsins (brauðbúðingur)
Þessi uppskrift er tekin af paz.is og ef þið viljið gera réttinn þannig að hann sé alveg mjólkurlaus þá er best að notast við hvítt formbrauð í stað Croissant.
10 smjörhorn eða Croissant (hún keypti frosin óbökuð og bakaði þau eftir leiðbeiningum í ofni) eða 5 bolla af hvítu formbrauði eða öðru brauði sem ykkur finnst gott
1 askja af Oatly sýrðum rjóma
4 egg
1/2 bolli Rapadura hrásykur frá Rapunzel (gerir rosa gott bragð)
1,5 tsk. vanilluextract
3/4 bolli hvítir og dökkir súkkulaðidropar (megið líka sleppa hvítu)
hyrna af vanillussósu frá Oatly
Aðferð: Ef þið notið frosin Croissant byrjið þá á að baka þau í ofni eftir leiðbeiningum á pakka. Byrjið svo á að gera sósuna með því að hræra saman eggjum, sýrða rjómanum, vanilluextractinu og sykrinum. Skerið svo Croissant hornin eða brauðið í teninga og látið út í sósuna. Látið standa í eins og 15 mínútur svo að brauðið drekki í sig vökvann. Bætið svo súkkulaðidropunum varlega saman við og hrærið öllu varlega en vel saman. Hún setti búðingin í 4 souffle form en það er líka hægt að setja hann í stórt kringlótt eldfast mót. Bakið í ofni á 180-190°C með blæstri í 30-35 mínútur eða þar til allt er orðið gyllinbrúnt að ofan. Berið svo fram með vanillussósunni frá Oatly en henni er stranglega bannað að sleppa enda setur hún punktinn algjörlega yfir i-ið.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.