Matgæðingur í tbl 12 - Eldbökuð pizza og ís með Mars-sósu
Matgæðingur í tbl 12 í ár er Magnús Barðdal en hann er fæddur og uppalinn á Króknum. Magnús er giftur Önnu Hlín Jónsdóttur og eru þau að sjálfsögðu búsett á Sauðárkróki og eiga saman fjögur börn. Magnús vinnur í dag hjá SSNV sem verkefnisstjóri fjárfestinga en saman eiga þau hjónin gistiheimilið Hlín Guesthouse sem staðsett er á Steinsstöðum í Lýdó.
„Við fengum þessa skemmtilegu áskorun frá félögum okkar Ragnari og Erlu. Takk fyrir að leyfa okkur að taka þátt. Fyrir nokkrum árum áskotnaðist okkur Ooni pizzaofn sem hreinlega gerir bestu pizzur sem hægt er að fá. Þegar við viljum brjóta upp hversdagsleikann eða bjóðum fólki í mat er tilvalið að henda í nokkrar eldbakaðar pizzur á pallinum. Klikkar aldrei! Þar sem við heyrum að sífellt fleiri eru komnir með pizzaofna langar okkur að deila uppskrift af deigi sem stendur alltaf fyrir sínu,“ segir Magnús.
AÐALRÉTTUR
Pizzadeig
1 kg brauðhveiti
650 ml vatn
20 g salt
¼ tsk. instant ger eða 1 tsk. ferskt ger
góð skvetta af góðri olíu
Aðferð: Það er mjög mikilvægt að fylgja uppskriftinni í einu og öllu. Blanda saman hveiti og vatni í skál og hræra saman. Breiða klút yfir og hvíla í 15-30 mínútur. Mjög mikilvægt skref. Bæta við salti, geri og olíu. Hnoða þangað til deigið fer úr því að festast við allt þangað til deigið fer að festast mest við sjálft sig. Athuga að deigið á að vera blautt og nokkuð erfitt viðureignar. Setja deigið í skálina, breiða vandlega yfir með plastpoka og inn í ísskáp yfir nótt. Getur haldist í 2-3 daga inn í ísskáp. Taka deigið úr skálinni og hnoða. Úr þessu nást 6-7 stk af 220-250 gramma kúlum. Þær eru mældar og settar á svarta bökunarplötu með miklu plasti yfir og látið hefast yfir nótt í ísskáp. Það er svo hugmyndaflugið sem ræður för með álegg en okkur finnst magn ekki endilega sama og gæði.
EFTIRRÉTTUR
Ís með Mars-sósu
Til að toppa frábæra kvöldstund verður að enda á ljúffengum eftirrétti. Í takti við aðalréttinn er það einfalt og gott. Þ.e. ís að eigin vali með Mars-sósu, fljótleg heit súkkulaðisósa ofan á ísinn.
Mars-sósa:
2 Mars-stangir
2 og 1/2 dl rjómi
100 g suðusúkkulaði
Aðferð: Bræðið varlega saman í potti eða vatnsbaði. Berið fram með vanilluís og ferskum ávöxtum.
Verði ykkur að góðu!
Magnús skorar á Baldur Sigurðsson og Helgu Skúladóttur að taka við keflinu og vera matgæðingar í Feyki.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.