Signý í Landsbankanum á Skagaströnd ætlaði varla að þekkja sjálfa sig
Landsbankinn á Skagaströnd er fluttur úr Höfða yfir í Túnbraut 1-3. Við tiltektina í gamla útibúinu fann Signý Ó. Richter, þjónustustjóri bankans, gamla mynd af sér. „Ég ætlað varla að þekkja mig á myndinni,“ segir Signý og hlær dátt. Til gamans ákvað hún að taka aðra mynd á sama stað, um 30 árum síðar. Svona líður tíminn…
Árið 1982 tók Landsbankinn yfir Sparisjóð Skagastrandar og opnaði afgreiðslu í Höfða, reisulegu húsi í hjarta bæjarins, en þar hafði áður verið trésmíðaverkstæði. Nú 42 árum síðar er bankinn fluttur í nýuppgert húsnæði að Túnbraut 1-3 sem einnig hýsir stjórnsýsluhús bæjarins, þ.e. Sveitarfélagið Skagaströnd og útibú Vinnumálastofnunar.
Notuðu kaffitíma og matarhlé til að fara í bankann
„Það er af sem að áður var þegar það voru þrír bankar með afgreiðslu á Skagastönd en Búnaðarbankinn og Alþýðubankinn voru reyndar ekki með opið alla daga,“ segir Signý. „Í þá daga notaði fólkið í bænum kaffitímana sína og matarhlé til að skreppa í bankann og taka út af sparisjóðsbókunum sínum og borga reikninga. Þá var heldur betur handagangur í öskjunni en svo urðu ávísanir algengari og algjör bylting þegar debetkortin komu.
Á þessum tímum voru átta starfsmenn bankans að stússa í ýmsum verkefnum sem viðskiptavinir nútímans sjá sjálfir um að ljúka við í appinu eða netbankanum. Áður fyrr var mikið um að við gerðum millifærslur fyrir viðskiptavini. Ein millifærslubeiðnin, uppáhalds millifærslan mín, hefur fylgt okkur lengi. Sá viðskiptavinur hafði ekki fundið neitt blað til að skrifa reikningsupplýsingarnar á og skrifaði því bara á nálægan spítukubb sem hann fann á verkstæðinu þar sem hann vann og kom með hann til okkar.
Önnur ógleymanleg afgreiðsla var þegar bóndi utan af Skaga kom til að borga fyrir varahlut sem hann hafði pantað í dráttarvél hjá sér. Hann var farið að lengja eftir bankaupplýsingum og hringdi í seljandann, fékk bankaupplýsingarnar sendar með pósti og þessa vísu með:
Ég vildi að fleiri væru eins og þú,
vildu greiða alla skuldir sínar.
Hef ég þeirri hugsjón verið trú,
héðan færðu bestu kveðjur mínar.“
Gamla klukkan stoppaði síðasta daginn
Signý segir að það sé ákveðin áskorun að flytja úr 120 fermetra húsnæði í Höfða í 34 fermetra við Túnbraut. „Það er bjart og fallegt hjá okkur bæði í nýju afgreiðslunni á Skagaströnd og á Blönduósi. Við opnuðum útibúið á Blönduósi árið 2023 þegar annar banki hætti þar starfsemi en þar hafði Landsbankinn ekki áður verið með útibú. Þótt afgreiðslum í útibúum hafi fækkað geta viðskiptavinir Landsbankans áfram fengið persónulega þjónustu og ég er ánægð með að bankinn haldi úti svona stóru útibúaneti um allt land, eða alls 35 útibúum.
Gamla húsnæðið okkar í Höfða var of stórt fyrir starfsemina og það er alltaf gott að hreinsa til hjá sér reglulega. Mér fannst það samt svolítið táknrænt að þegar ég fór í gamla útibúið, daginn eftir að við fluttum til þess að sækja eitthvað smá dót, að þá hafði gamla veggklukkan þar stoppað, síðasta daginn sem útibúið var opið!“
Landsbankinn á Skagaströnd er opinn frá kl. 12-15 mánudaga, miðvikudaga og föstudaga. Afgreiðsla bankans á Blönduósi er opinn frá kl. 12-15 á þriðjudögum og fimmtudögum. Á báðum stöðum eru hraðbankar aðgengilegir allan sólarhringinn.
/Aðsent
Fleiri fréttir
-
Allir geta verið stoltir af liði Tindastóls, segir Donni
feykir.is Skagafjörður, Íþróttir 07.09.2024 kl. 23.57Feykir spurði Donna, þjálfari Stólastúlkna, hvort hann væri stoltur af liðinu sínu eftir mikilvægan sigur á Fylki. „Ég er í skýjunum með frammistöðuna í dag þegar allt var undir. Stelpurnar stóðust pressuna alveg eins og ég vissi að þær gætu gert. Þær gerðu það sama í fyrra og í raun hefðu mörkin í dag getað verið jafn mörg og þá,“ sagði hann og vísaði í 7-3 sigur á ÍBV í fyrra við svipaðar kringumstæður.Meira -
Stólastúlkur áfram á meðal þeirra Bestu!
feykir.is Skagafjörður, Íþróttir 07.09.2024 kl. 22.05Mikilvægasti leikur sumarsins var spilaður í dag á Sauðárkróksvelli þar sem Tindastóll og Fylkir mættust í nokkurs konar úrslitaleik um sæti í Bestu deild kvenna. Með sigri Fylkis hefðu þær jafnað Stólastúlkur að stigum og átt botnlið Keflavíkur í síðustu umferðinni í úrslitakeppni neðri liða á meðan lið Tindastóls hefði sótt Stjörnuliðið heim. Frá fyrstu mínútu réðu hins vegar heimastúlkur ferðinni, spiluðu í raun hinn fullkomna leik og unnu lið gestanna 3-0 – og tryggðu þar með sætið í Bestu deildinni. Til hamingju Stólastúlkur!Meira -
Fjölmennt í Síkinu þegar Stólarnir lögðu Þórsara
feykir.is Skagafjörður, Íþróttir 07.09.2024 kl. 19.28Fyrsti æfingaleikur karlaliðs Tindastóls í körfubolta fór fram í gærkvöldi en það voru Þórsarar sem þræddu þjóðveginn úr Þorlákshöfn alla leið í Síkið eina og sanna. Ekki er nema um vika síðan allir leikmenn Stólanna komu fyrst saman til æfinga en samkvæmt Körfunni.is þá leiddu heimamenn frá fimmtu mínútu og allt til leiksloka. Lokatölur 95-83.Meira -
„Að skrifa ljóð, texta og rapp er eins og sálfræðimeðferð fyrir sjálfan mig“ / INGI SIGÞÓR
feykir.is Skagafjörður, Tón-Lystin 07.09.2024 kl. 11.31Þá er það Ingi Sigþór Gunnarsson sem teikar Tón-lystar-vagninn að þessu sinni. Það er reyndar bannað að teika og því ekki til eftirbreytni. Ingi Sigþór býr í Fellstúninu á Króknum, er árgangur 2000 sem er auðvitað mjög þægilegt ef menn þurfa að gefa upp aldur – svo lengi sem menn vita hvað ár er. „Ég er alfarið alinn upp á Króknum og er sonur Elvu Bjarkar Guðmundsdóttur og Gunnars Braga Sveinssonar,“ segir Ingi. „Ég kann eitthvað smá á gítar en annars treysti ég mest á röddina sem og kunn-áttu mína á hljóðvinnsluforrit.“Meira -
Tóku fyrri sláttinn með 3ja daga áhlaupi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.09.2024 kl. 09.00Rúnar Aðalbjörn Pétursson, býr í Hólabæ í Langadal ásamt Auði Ingimundardóttur sambýliskonu og börnunum þeirra Pétri Inga og Lilju Björgu. Rúnar er starfandi bóndi með búfræðimenntun og sveinspróf í húsasmíði. Þau búa á blönduðu búi með tæplega 40 mjólkandi kýr og 400 vetrarfóðraðar kindur. Ásamt því vinnur Auður sem ráðunautur hjá Ráðgjafamiðstöð landbúnaðarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.