Fréttir

Bleika boðið verður haldið í Löngumýri, fimmtudaginn 26. október og opnar húsið kl. 19:30. Boðið verður upp á súpu og brauð og að sjálfsögðu verða skemmtiatriði úr héraði. Aðgangseyrir er 5000 kr. (posi ekki á staðnum) og væri gaman að sjá sem flesta í bleikum klæðum. Þá er óskað eftir því að þeir sem hafa áhuga á að mæta á viðburðinn skrái sig á Facebook-síðu Krabbameinsfélags Skagafjarðar.

Á Facebook-síðu Körfuknattleiksdeildar Tindastóls segir að deildin hafi samið við Ifunanya Okoro um að leika með meistaraflokki kvenna í vetur. Ifunanya Okoro eða Ify eins og hún er kölluð er frá Nígeríu og fædd 1999 og er 183 cm á hæð. Ify hefur spilað fyrir nígeríska landsliðið og urðu þær álfumeistari í sumar og var Ify stigahæsti leikmaður liðsins í úrslitaleiknum.

Stefán Reyn­ir Gísla­son kór­stjóri og org­an­isti varð bráðkvaddur á heim­ili sínu hinn 17. októ­ber síðastliðinn, 68 ára að aldri.

Á vef Skagafjarðar segir að á næstu dögum muni framkvæmdir við mótfyllingar neðan við Brekkugötu á Sauðárkróki hefjast. Með framkvæmdinni er ætlað að draga úr bratta neðan götunar og auka stöðuleika jarðvegs. Mun framkvæmdin fela í sér lagningu drenlagna, malarfyllingar og frágang yfirborðs. Að undangenginni verðkönnun var samið við Vinnuvélar Símonar að vinna verkið en verkfræðistofurnar Efla og Stoð sáu um að leggja mat á aðstæður og útfærslu á aðgerðum.

Í hádeginu, fimmtudaginn 19. október verður fundur um atvinnuuppbyggingu og þróun íbúðamarkaðar á Norðurlandi vestra. Katrín M. Guðjónsdóttir, framkvæmdastjóri SSNV fer yfir áskoranir og tækifæri á Norðurlandi vestra.

eðurklúbbur Dalbæjar fundaði í síðustu viku og spáði að venju í veðrið. Mættir voru, Haukur Haraldsson, Bergur Þór Jónsson, Hörður Kristgeirsson, Magnús Gunnlaugsson, Jón Garðarsson, Guðrún Skarphéðinsdóttir, Kristján Loftur Jónsson, Þóra Jóna Finnsdóttir og Albert Reimarsson.

Í Sjónhorni vikunnar eru auglýsingar frá Leikfélagi Sauðárkróks, Hótel Varmahlíð, Menningarfélagi Gránu og þeim sem eru að skipuleggja Halloween veisluna fyrir krakkana á Króknum. Mæli með að lesa í gegnum blaðið því það er alveg örugglega eitthvað sem þú hefur áhuga á að sjá.

Vorið 1981 urðu kaflaskil í sögu landbúnaðarmenntunar á Íslandi þegar Jón Bjarnason frá Bjarnarhöfn var fenginn til að endurreisa Bændaskólann að Hólum í Hjaltadal. Skólinn var stofnaður 1882 en hafði ekki starfað um hríð þegar hann var ráðinn. Jón flutti þangað með konu sinni, Ingibjörgu Kolka, og fjórum börnum, en tvö bættust í hópinn á Hólaárunum. Jón lét af skólastjórn árið 1999.

Væntanleg er ljóðabókin, Hafið... 20 cm í landabréfabók. Boðið er upp á sammannlegar hugleiðingar á mannamáli og stiklað á stóru um hugðarefni rúmlega fertugs karlmanns og sýn hans á lífið.

Meistaraflokkur kvenna í körfubolta hélt í Vesturbæinn 15. október, þar sem þær léku á móti KR. Stelpunar í KR náðu strax yfirhöndina í leiknum og lauk fyrsta leikhluta þeim í hag þar sem þær höfðu skorað 25 stig á móti 16 hjá Tindastól.