Málþing til heiðurs Jóni Bjarnasyni
Vorið 1981 urðu kaflaskil í sögu landbúnaðarmenntunar á Íslandi þegar Jón Bjarnason frá Bjarnarhöfn var fenginn til að endurreisa Bændaskólann að Hólum í Hjaltadal. Skólinn var stofnaður 1882 en hafði ekki starfað um hríð þegar hann var ráðinn. Jón flutti þangað með konu sinni, Ingibjörgu Kolka, og fjórum börnum, en tvö bættust í hópinn á Hólaárunum. Jón lét af skólastjórn árið 1999.
Engum blandast hugur um hve mikið þrekvirki Jón vann á skólastjóraárum sínum á Hólum. Staðurinn var í niðurníðslu, byggingar, ræktun og skólastarf. Á fáum árum risu ný mann-virki og eldri byggingar voru endur-bættar. Dómkirkjunni og kirkjustarfi var sýndur mikill sómi. Aðsókn að Hólaskóla varð mikil og samhliða aðlagaðist námið að breyttum aðstæðum í samfélaginu. Nám í fiskeldi, hestamennsku og síðar ferðamálum litu dagsins ljós. Þetta eru þær greinar sem Háskólinn á Hólum byggir nú háskólanám sitt á og eru mikilvægar atvinnugreinar um land allt, ekki síst í hinum dreifðu byggðum. Verður að skoða uppbygginguna á Hólum í ljósi þess takmarkaða fjármagns sem í boði var opinberum stofnunum og aðstæðum í landbúnaði. Með framsæknum hætti náði Bændaskólinn að þróast í háskóla og fékk löggildingu sem slíkur árið 2007.Dugnaður Jóns, framsýni og metnaður fyrir hönd staðarins var slíkur að starfsfólk og nemendur hrifust með honum og Ingibjörgu, sem helguðu sig Hólum nótt og dag. Fyrrum nemendum og öðrum gestum var fagnað af rausn. Þeir fundu sig komna “Heim að Hólum”. Enginn vafi er að þær undirstöður sem hann treysti hafa haldið nafni Hólastaðar á lofti og munu gera um ókomna tíð.
Nokkrir vinir og velunnarar Jóns og Háskólinn á Hólum hafa ákveðið að efna til málþings heima að Hólum honum til heiðurs þann 16. nóvember 2023 og hefst kl. 9:00 og stendur til kl. 16:00 því Jón verður áttræður í desember 2023. Efnistök á málþinginu verða með skírskotun til sögu skólahalds á Hólum. Umfram allt verður sjónum beint að þeim verðmætum sem háskóli í dreifbýli býr yfir og tækifærum sem nábýli skólans við náttúru, mannauð og atvinnulífið bjóða fram. Til að fjalla um þessi málefni er fengið kunnáttufólk á ýmsum sviðum. Markmiðið er að málþingið verði gagnlegt en ekki síður skemmtilegt og skilji eftir bæði spurningar og svör.
Kaffiveitingar og hádegismatur verður í boði fyrir gesti. Velkomin heim að Hólum. / fréttatilkynning
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.