Viljum við hafa byggð í Fljótum, og í dreifbýli Skagafjarðar?
Síðasta áratug höfum við íbúar í Fljótum fundið fyrir miklum þrýstingi frá sveitarstjórn, að vinstri grænum frátöldum, um að leggja niður þjónustu hér til að spara fyrir sveitarfélagið.
Hér er um að ræða grunnskólann og sundlaugina, sem sagt skóla barnanna og íþróttamannvirkið. Hér er um óverulegan sparnað að ræða fyrir sveitarfélagið, sé litið á hið stóra samhengi og kostnað skólamála og íþróttamála í sveitarfélaginu, en grundvallar breytingu fyrir Fljótin.
Hér er nefnilega um það að ræða hvort vera eigi byggð í Fljótum yfirhöfuð. Það er einfaldlega staðreynd að það tekur börnin allt að 2 tíma á dag að fara fram og aftur í skólann á Hofsósi á góðum degi. Í skafrenningi og leiðindum, eða þæfingi, væri jafnvel um að ræða 3-4 tíma skólaakstur á dag. Sundlaugina þarf ekki að ræða um, önnum kafnir bændur myndu alls ekki hafa tíma til að "skreppa" með börnin í sund á Hofsós, og ferðamenn hér myndu ekki vera ginnkeyptir fyrir því (svo ferðaþjónustan hér myndi líða stórlega, því þetta, ásamt náttúrunni, er sú afþreying sem sveitin býður upp á). Án skólans væri auk þess ólöglegt að hafa opinn leikskóla, því leikskólakennarinn má ekki vera einn í starfi, einhver þarf að vera til staðar ef eitthvað kemur fyrir leikskólakennarann. Það hangir því allt saman og dómínóáhrifin eru mikil.
Sveitarstjórn hefur sýnt ítrekaðan þrýsting, bæði opinberlega og á bak við tjöldin, það átti að leggja niður skólann og loka sundlauginni án samráðs við heimamenn og án þess að segja þeim frá því fyrirfram... vegna þessarra smáaura. Jafnvel virðast einhverjir hafa haft hugmyndir um að loka Félagsheimilinu Ketilási. Í hinu stóra samhengi, þá er kannski skemmtileg tilhugsun fyrir sveitarstjórn að benda á nokkurra milljóna króna sparnað hér, með því að leggja niður þjónustu og selja mannvirki, en hefði verið látið undan öllum þessum þrýstingi, og íbúar ekki mótmælt því að skóli, sundlaug, félagsheimili og svo leikskóli í framhaldinu væri lagður niður, þá væri um að ræða allt að því algeran niðurskurð á þjónustu innansveitar, að mínu mati.
Þetta lítur því þannig út, frá mínum bæjardyrunum séð, að helst vilji flestir sveitarstjórnarmenn leggja niður byggðina hér til hagræðingar fyrir sveitarfélagið. Það er hins vegar grundvöllur fyrir byggð að hér geti börnin haft það gott, og að hér geti þrifist skemmtilegt mannlíf fyrir fjölskyldufólk. Hver vill ala börnin sín upp í skólabíl, að þau þurfi að eyða allt 360 klukkustundum á ári í skólabíl (þetta eru 9 vinnuvikur fullorðins fólks), eða meira? Hér er harðbýlt og við getum ekki sótt alla þjónustu langar leiðir burt, gegnum veðravíti og fannfergi. Svo þegar búið verður að leggja okkur niður, þá er líklegt að það komi að næstu dreifbýlu sveitum Skagafjarðar í niðurskurði.
Ég bið fólk um að hafa þetta í huga í komandi sveitarstjórnarkosninum, og kjósa flokk sem vill styðja dreifbýlið í Skagafirði, sem vill samstöðu dreifbýlis og þéttbýlis.
Arnþrúður Heimisdóttir
Skipar 9. sæti á lista vinstri grænna í Skagafirði.
Fleiri fréttir
-
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira -
Fáliðaðar Stólastúlkur áttu ekki roð í Íslandsmeistarana
feykir.is Skagafjörður, Íþróttir, Lokað efni 01.04.2025 kl. 09.37Úrslitakeppnin í Bónus deild kvenna hófst í gærkvöldi og lið Tindastóls sótti þá Íslandsmeistara Keflavíkur heim. Israel og Hlynur mættu með aðeins átta stúlkur til leiks en meðal annars vantaði bæði Ilze og Rannveigu í hópinn en þær voru veikar. Heimaliðið byrjaði vel og hleypti gestunum í raun aldrei inn í leikinn. Staðan í hálfleik var 46-33 en lokatölur 91-62.Meira -
Landsmenn hvattir til að koma sér upp viðlagakassa
feykir.is Skagafjörður, Austur-Húnavatnssýsla, Vestur-Húnavatnssýsla 01.04.2025 kl. 08.21Það er mikilvægt að öll heimili landsins geti komist af í að minnsta kosti 3 daga ef neyðarástand skapast. Neyðarástand getur skapast af ýmsum ástæðum og oft með stuttum eða engum fyrirvara. Við slíkar aðstæður er mikilvægt að hvert og eitt okkar geti bjargað sér í einhverja daga án utanaðkomandi hjálpar. Við þurfum að búa okkur undir að vera án rafmagns og vatns í að minnsta kosti 3 daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.