Óbyggðanefnd kynnir kröfur fjármálaráðherra um þjóðlendur á Norðurlandi vestra
Fjármálaráðherra fyrir hönd ríkisins hefur afhent óbyggðanefnd kröfur sínar um þjóðlendur á Norðvesturlandi Húnavatnssýslu vestan Blöndu ásamt Skaga (svæði 8 norður). Óbyggðanefnd, sem er sjálfstæður úrskurðaraðili, kynnir nú þessar kröfur í þeim tilgangi að ná til þeirra sem kunna að eiga öndverðra hagsmuna að gæta.
Í stuttu máli er þjóðlendukröfum lýst þannig af hálfu fjármálaráðherra:
Í hluta Skagafjarðarsýslu og Austur-Húnavatnssýslu er gerð krafa til svokallaðs Almennings á Skagaheiði, afréttarsvæðis sem liggur á miðri Skagaheiði og afmarkast af merkjalýsingum aðliggjandi jarða. Almenningur á Skagaheiði liggur í Austur-Húnavatnssýslu að vestan en Skagafjarðarsýslu að austan og innan sveitarfélaganna Skagabyggðar, Skagastrandar og Skagafjarðar. Þá er gerð krafa til samliggjandi svæða Staðarafréttar, Höskuldsstaðaafréttar og Skrapatunguafréttar sem liggja í Sveitarfélaginu Skagafirði og Blönduósbæ, sem og við Húnavatnshrepp.
Í Vestur-Húnavatnssýslu er gerð krafa til svokallaðrar Breiðabólsafréttar Engjabrekkuafréttar) sem er afrétt er liggur á miðju Vatnsnesinu og afmarkast af merkjalýsingum aðliggjandi jarða. Breiðabólsafrétt liggur í sveitarfélaginu Húnaþingi vestra.
Í Austur-Húnavatnssýslu er gerð krafa til Sauðadals, sem afmarkast af Vatnsdalsfjalli að vestan og Svínadalsfjalli að austan, og liggur í sveitarfélaginu Húnavatnshreppi.
Í hluta Austur- og Vestur-Húnavatnssýslu aðgreinir þjóðlendukröfulínan heimalönd frá afréttarsvæðum og nær yfir Auðkúluheiði, Forsæludalskvíslar, Grímstunguheiði, Haukagilsheiði, Víðidalstunguheiði, Núpsheiði, Húksheiði, Aðalbólsheiði og Staðarhreppsafrétt (Óspaksstaðadal) allt suður til öræfa, að mörkum kröfulýsingarsvæða á miðhálendinu. Austan megin liggja kröfusvæðin í Húnavatnshreppi og vestan megin í Húnaþingi vestra.
Nákvæma afmörkun og yfirlitskort er að finna á heimasíðu óbyggðanefndar (obyggdanefnd.is) og á skrifstofum viðkomandi sveitarfélaga og sýslumannsembætta. Kröfur þessar eru birtar með lögformlegum hætti í Lögbirtingablaðinu í dag, 5. júlí, og þar er skorað á þá sem telja til eignarréttinda á þjóðlendukröfusvæðis ríkisins að lýsa kröfum sínum skriflega fyrir óbyggðanefnd innan sex mánaða, nánar tiltekið í síðasta lagi mánudaginn 7. janúar 2013.
Að loknum framangreindum sex mánaða fresti fer fram opinber kynning á heildarkröfum (ríkis og annarra) og stendur í einn mánuð. Einnig er svæðinu skipt í mál og boðað til fyrstu fyrirtöku. Mál eru síðan tekin fyrir eins oft og þörf er á, frekari gögn lögð fram og leitast við að skýra þau að öðru leyti. Loks fer fram svokölluð aðalmeðferð, með tilheyrandi vettvangsskoðun, skýrslutökum og málflutningi. Að lokinni aðalmeðferð eru mál tekin til úrskurðar og úrskurður kveðinn upp í kjölfarið.
Verkefni óbyggðanefndar er að úrskurða um annars vegar kröfur fjármálaráðherra fyrir hönd ríkisins og hins vegar kröfur þeirra sem telja sig eiga öndverðra hagsmuna að gæta, nánar tiltekið 1) hvaða land telst til þjóðlendna og hver séu mörk þeirra og eignarlanda, 2) hver séu mörk þess hluta þjóðlendu sem nýttur er sem afréttur og 3) hver séu eignarréttindi innan þjóðlendu.
Þess skal loks getið að óbyggðanefnd hefur þegar lokið umfjöllun um eignarlönd og þjóðlendur á 70% af landinu öllu og 86% lands á miðhálendinu, samkvæmt skipulagslegri skilgreiningu á því hugtaki.
Óbyggðanefnd
Fleiri fréttir
-
Húnahornið óskar eftir tilnefningum um fallega skreytt jólahús í Húnabyggð
feykir.is Skagafjörður, Austur-Húnavatnssýsla, Vestur-Húnavatnssýsla 10.12.2024 kl. 13.05Á heimasíðu Húnahornsins (huni.is) segir að sú hefð hefur skapast á Húnahorninu í desember að velja Jólahús ársins í Húnabyggð. Um er að ræða samkeppni eða jólaleik um fallega jólaskreytt hús, hvort sem það er íbúðarhús eða fyrirtækjahúsnæði. Samkeppnin um Jólahúsið 2024 verður með svipuðu sniði og síðust ár. Þetta er í 23. sinn sem Húnahornið stendur fyrir vali á Jólahúsi ársins.Meira -
Stjórn Búsældar ákvað að selja hlutinn í heild til Kaupfélags Skagfirðinga
feykir.is Skagafjörður, Austur-Húnavatnssýsla, Vestur-Húnavatnssýsla 10.12.2024 kl. 13.00Í byrjun júlí gerði Kaupfélag Skagfirðinga tilboð í hlut bræðranna Eiðs og Hreins Gunnlaugssona í Kjarnafæði-Norðlenska sem samanlagt áttu 57% í kjötvinnslunni í gegnum eignarhaldsfélagið Búsæld. Yfir 400 bændur áttu einnig hlut í félaginu og var þeim einnig boðið að selja til Kaupfélagsins og fengu frest til 3. september til að svara hvort þeir hefðu áhuga eða ekki. Í ljósi afgerandi niðurstöðu hluthafa til sölunnar ákvað stjórn Búsældar að selja hlutinn í heild.Meira -
Björgunarfélagið Blanda vígði nýtt húsnæði á 25 ára afmæli félagsins
feykir.is Skagafjörður, Austur-Húnavatnssýsla, Vestur-Húnavatnssýsla 10.12.2024 kl. 08.42Fjölmenni var við vígslu nýs húsnæðis og 25 ára afmælis Björgunarfélagsins Blöndu um helgina en blásið var til hátíðardagskrár á laugardaginn og stóð dagskráin frá kl. 12:00 til 17:00. Liðlega 200 manns litu við og skoðuðu glæsilegt húsnæði félagsins sem staðsett er í nýju húsnæði uppi á svokölluðu Miðholti á Blönduósi, segir á huni.is.Meira -
Fjölmennum í Síkið í boði K-Taks
feykir.is Skagafjörður, Íþróttir 10.12.2024 kl. 08.36Kvennalið Tindastóls í körfubolta hefur spilað afar vel það sem af er tímabili, spilað skemmtilegan körfubolta og sýnt það að þær gefast aldrei upp. Í kvöld, þriðjudag, hefst seinni umferðin í Bónus-deild kvenna þegar Aþenukonur koma í heimsókn. Frítt er á völlinn í boði K-Taks og því um að gera að fjölmenna á völlinn, sýna kvennaliðinu þann stuðning sem þær eiga skilið og senda skýr skilaboð um það hversu stolt við erum af þessum frábæru íþróttakonum.Meira -
Meistaraflokkur karla spilar við Keflavík í VÍS bikarnum í kvöld kl. 19:15
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 09.12.2024 kl. 16.06Það er leikdagur í dag hjá meistaraflokki karla en þeir mæta eldspræku liði Keflavíkur í Blue-höllinni kl. 19:15. Stólastrákar spiluðu reyndar við þá sl. föstudag og við skulum bara ekkert tala um þann leik því það er lítið frá honum að segja þar sem Keflavík pakkaði þeim saman og var með yfirhöndina allan leikinn. Við skulum vona að þeir fari ekki eins illa með okkur í kvöld því það væri mjög sætt að komast áfram í bikarkeppninni eins og stelpurnar náðu að gera á laugardaginn þegar þær mættu Evu og stelpunum í liði Selfoss í Vallarhúsinu á Selfossi og unnu sannfærandi sigur 60-102.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.